რაზეა დამოკიდებული მიმზიდველობა - ღიმილი ტყუილად გგონიათ



გავრცელებულია მოსაზრება, რომ ღიმილი ყველა ადამიანს უხდება და გარეგნობის მიუხედავად ნებისმიერს უფრო მიმზიდველს ხდის. უცხოელმა ფსიქოლოგებმა ჩაატარეს კვლევა, რომლის შედეგმაც მთლიანად გააბათილა ზემოაღნიშნული მოსაზრება.

კვლევის ფარგლებში, 128 მოხალისეს აჩვენეს 16 ქალბატონისა და 14 მამაკაცის ფოტო, რომლებზეც ისინი სხვადასხვა ემოციას გამოხატავდნენ - გულგრილობას, მრისხანებას, შიშს, სევდას, სიხარულს. ყოველ მოხალისესთან თითოეული ფოტო მხოლოდ ერთხელ ხვდებოდა, ანუ თითოეული ნახულობდა 30 ფოტოს. იმავე სახეს, ოღონდ სხვა ემოციებით ნახულობდა სხვა მონაწილე. ფოტოების შერჩევისას მხოლოდ ერთი წესი იყო განსაზღვრული - მოხალისეს უნდა შეეფასებინა, რამდენად მიმზიდველი იყო ფოტოზე გამოსახული ადამიანი.

კვლევის მონაწილეები, როგორც წესი, მიმზიდველად ასახელებდნენ ერთსა და იმავე ადამიანებს მიუხედავად სქესისა და მათ სახეზე აღბეჭდილი ემოციისა. ნაკლებსიმპათიურს კი ღიმილიც არ შველოდა, რომ ოდნავ უფრო მიმზიდველი გამხდარიყო.

მეცნიერებმა დაასკვნეს, რომ თითოეული სახე შეიცავს საბაზო ნაკვთებს, რომლებიც არანაირი ემოციის დროს არ იცვლებიან და სწორედ მათზეა დამოკიდებული რამდენად მიმზიდველია ადამიანი სხვისთვის.


წყარო: etanews.ge
































ტექსტის სანახავად გაიარეთ რეგისტრაცია.