ბედნიერების რეცეპტი, რომელზეc ამერიკელები 80 წელი მუშაობდნენ



ბედნიერების რეცეპტს ეძებთ? შეგიძლიათ გაეცნოთ ამერიკელი მეცნიერების კვლევის შედეგებს, რომლებიც ამ საკითხზე 80 წლის განმავლობაში მუშაობდნენ.

ეს თანამედროვე მეცნიერების ერთ-ერთი ყველაზე ხანგრძლივი გამოკვლევაა. პროექტმა სტარტი 1938 წელს აიღო ჰარვარდის უნივერსიტეტის ტერიტორიაზე. მეცნიერებმა პროგრამაში უამრავი ადამიანი ჩართეს. სპეციალისტები ცდილობდნენ, მაქსიმალურად გამოერკვიათ ნებისმიერი წვრილმანი, რაზეც შეიძლებოდა, დამოკიდებული ყოფილიყო ადამიანის ცხოვრებით კმაყოფილების განცდის დონე.

როგორც გაირკვა, ბედნიერების განცდისთვის ყველაზე მნიშვნელოვანი ფაქტორი „თბილი ურთიერთობები“ აღმოჩნდა. ამ ურთიერთობებში იგულისხმებოდა დედ-მამა, მეგობრები, რომანტიკული პარტნიორები, შვილები. ყველაზე ბედნიერად თავს სწორედ ის ადამიანები მიიჩნევდნენ, რომლებმაც ცხოვრებაში სასიამოვნო კომპანიის პოვნა შეძლეს. საგულისხმოა, რომ ბედნიერებისთვის „პასუხისმგებელი“ სხვა კორელაციის აღმოჩენა, პრაქტიკულად, ვერ შეძლეს.

ამ კვლევის ფარგლებში კიდევ ერთხელ დადგინდა, რომ სხვადასხვა სერიოზული დაავადებისა და სიკვდილიანობის ერთ-ერთი მთავარი მიზეზი ალკოჰოლისა და თამბაქოს ჭარბი მოხმარებაა.

აქვე გამოვლინდა ადამიანის ბედნიერების შვიდი საიდუმლო:

სპეციალისტებს მიაჩნიათ, რომ ბედნიერება სულაც არ არის რთული მოსაპოვებელი. არ ღირს ცხოვრების გართულება. ამისთვის სულ რაღაც შვიდი ფაქტორის გათვალისწინებაც საკმარისია.

თავისუფლების საიდუმლო, ზედმეტად ნუ იღელვებთ იმაზე, რას ფიქრობენ თქვენზე სხვები.

რეალობის საიდუმლო. ნებისმიერი თქვენი აზრი მატერიალიზდება.

სილამაზის საიდუმლო. მიიღე და შეიყვარე საკუთარი სხეული.

მეგობრობის საიდუმლო. ნუ განიკითხავ ნურც სხვებს, ნურც საკუთარ თავს.

სიყვარულის საიდუმლო. გაეცი სიყვარული და ნუ შეეცდები იმის გადაკეთებას, ვინც გიყვარს.

სიმდიდრის საიდუმლო. ისწავლე ჯერ გაცემა და შემდეგ მიღება.

ბედნიერების საიდუმლო. ნაკლებად იფიქრეთ, მეტად გაიხარეთ და შეიყვარეთ.

საერთოდ კი, საკმარისია, სამყაროს პოზიტიური განწყობით შეხედოთ, მაშინვე დაგეუფლებათ ჯადოსნური გრძნობა - ბედნიერება!

წყარო: etanews.ge
































ტექსტის სანახავად გაიარეთ რეგისტრაცია.