როგორ უნდა შეარჩიოთ საქორწინო ბეჭედი



ნიშნობის ბეჭედი ოქროსგანაა დამზადებული , მაგრამ მისი შერჩევისას ყურადღება უნდა მიაქციოთ ოქროს სინჯს, საუკეთესო ვარიანტია 958 - სინჯის მქონე იგივე „ბაჯაღლო“.
თანამედროვე ნიშნობის ბეჭედი შეგიძლიათ როგორც ყვითელი ასევე თეთრი ოქროსგან დამზადებული ან ამ ორი ფერის კომბინაცით შექმნილი შეარჩიოთ, ბეჭედი კიდევ უფრო ორიგინალური იქნება თუ მას აქვს ორნამენტები ან ძვირფასი ქვები.

საქორწინო ბეჭედს მარჯვენა ხელის უსახელო თითზე იკეთებენ, რგოლი-ბეჭედი წარმოდგენილია დახურული ლითონის ზოლის სახით, რომელიც სტაბილურობის, ერთგულების, სიმტკიცის, მარადიულობისა და უსასრულობის სიმბოლოა. ასე რომ საქორწინო რგოლი ერთგულებისა და მარადიული სიყვარულის ნიშანია, რომელიც უზრუნველყოფს ჰარმონიულ ურთიერთობას და ხელს უწყობს რთულ მომენტში ერთმანეთის მხარდაჭერას.

რატომ იკეთებენ საქორწინო ბეჭედს იმ თითზე, რომელსაც სახელი არ აქვს.

ლეგენდის თანახმად პირველი ბეჭედი გამოჩნდა ეგვიპტეში, რომელიც მზადდებოდა ყალბი ოქროსგან. ამისათვის ისინი იღებდნენ ოქროს ზოლებს და აძლევდნენ მას მომრგვალებულ ფორმას, რომელიც ერთგულებისა და სიყვარულის სიმბოლოა. არსებობს რწმენა, რის თანახმადაც უსახელო თითს აქვს სასწაულმოქმედი ძალა ეგვიპტელები, ძველი ბერძნები და რომაელები, სწორედ ამ თითს იყენებდნენ სამკურნალო და სამედიცინო მალამოებისა და საცხების წასასმელად. ლეგენდის თანახმად საქორწინო ბეჭდის უსახელო თითზე ტარება აშუშებდა ავადმყოფობას.

არსებობს კიდევ ერთი ლეგენდა, რის თანახმადაც ძველმა ბერძნებმა შემოიღეს ტრადიცია, რომ უსახელო თითზე რგოლის გაკეთება იმისი დასტური იყო, რომ ადამიანის გული დაკავებული გახლდათ. სწორედ ისინი აკავშირებდნენ ბეჭედსა და სიყვარულს ერთმანეთთან.

თუ ადამიანი ბეჭედს ატარებდა საჩვენებელ თითზე, მაშინ ეს იყო იმის მანიშნებელი, რომ ის გახლდათ მეორე ნახევრის აქტიურ ძიებაში.

ბეჭედი ნეკა თითზე, ცოლის შესართავად არამზადყოფნაზე მიანიშნებდა, ხოლო ბეჭედი შუა თითზე იმის მანიშნებელი გახლდათ, რომ ის სიყვარულში უპრეცედენტო გამარჯვებული იყო.

წყარო: newposts.ge
































ტექსტის სანახავად გაიარეთ რეგისტრაცია.