რას მალავენ ზოდიაქოს ნიშნები



ყოველი ჩვენგანი რაღაცას მალავს ან ცდილობს დამალოს – ზოგი თვითრწმენის დაკარგვას არ აღიარებს არასდროს, ზოგი საკუთარ კეთილ გულს არ აჩენს, ზოგს კი – რეალური შემოსავლების დამალვა ურჩევნია. როგორც აღმოჩნდა, ხასიათის ამგვარი თავისებურებები, ისევე როგორც სხვა დამახასიათებელი თვისებები, ზოდიაქოს ნიშანზეა დამოკიდებული.

შეგახსენებთ, რომ “სუფთა” ნიშნად ის ითვლება, ვინც 1-18 რიცხვებში დაიბადა, სხვებზე კი – ან წინა ან მომდევნო ზოდიაქოს ნიშანი ახდენს გავლენას და არა მარტო პიროვნების ხასიათს განსაზღვრავს, არამედ ასტროლოგიურ წინასწარმეტყველებასაც.


ვერძი


რას მალავენ ზოდიაქოს ნიშნები


ვერძი ხშირად მალავს სხვის გავლენას საკუთარ თავზე. ის ჯიუტად ცდილობს დაარწმუნოს ყველა, რომ დამოუკიდებელია და შეუძლებელია მისი მართვა, თუმცა, სინამდვილეში ეს ასე არაა. ზოდიაქოს ამ ნიშნის წარმომადგენელი ხშირად ექცევა ზემოქმედების ქვეშ და ძალიან უჭირს გაუწიოს წინააღმდეგობა მათ, ვისთანაც ახლოსაა და მეგობრობს, ვისაც პატივს სცემს და ავტორიტეტად მიიჩნევს.

გარდა ამისა, ვერძი თავის მრავალრიცხოვან კომპლექსებსაც მალავს, ამიტომ, თვითრწმენისა და შეუპოვრობის უკან ხშირად სერიოზული ფსიქოლოგიური პრობლემები იმალება. ზოდიაქოს ამ ნიშნის წარმომდგენლები ხშირად უშვებენ საბედისწერო შეცდომებს, რადგან ვერ ამარცხებენ შიშსა და ცრუ წარმოდგენებს. მაშინაც კი, თუ თქვენ მრავალი წელია იცნობთ ვერძს, ვერასდროს შეამჩნევთ ამგვარ პრობლემებს და მის ყველა მარცხს არახელსაყრელ გარემოს დააბრალებთ.


კურო


რას მალავენ ზოდიაქოს ნიშნები


კურო, როგორც წესი, პირადი ცხოვრების დეტალებს მალავს, ახლო მეგობრებთანაც კი, იშვიათად საუბრობს სასიყვარულო თავგადასავლებზე და არასდროს აფიშირებს საკუთარ გრძნობებს. თუ დაოჯახებულმა კურომ გვერდზე გააბა რომანი, ის ისე მონდომებით დამალავს ყველა სამხილს, რომ ყველაზე ახლობლებიც კი, ვერაფერს აღმოაჩენენ.

გარდა ამისა, კურო მიჩვეულია თავისი რეალური ფინანსური მდგომარეობის დამალვას და არასდროს არავის უყვება სინამდვილეში რამდენი ფული აქვს. შეკითხვები შემოსავლებსა და საბანკო ანგარიშზე მისთვის ძალიან არასასიამოვნოა და თვლის, რომ ამაზე საუბარი უბრალოდ უტაქტობაა. იმ შემთხვევაში კი, თუ მაინც მოუწია კითხვებზე პასუხის გაცემა, მაქსიმალურად შეამცირებს შემოსავლებს და იმ ციფრს დაასახელებს, რომელიც ძალიან შორსაა რეალობისგან. სხვათაშორის, ზოდიაქოს ამ ნიშნის წარმომადგენლები დარწმუნებული არიან, რომ მათი ქონების შესახებ ყველაზე ახლო ნათესავებმაც არ უნდა იცოდნენ არაფერი.


ტყუპები


რას მალავენ ზოდიაქოს ნიშნები


ერთი შეხედვით, ტყუპები არაფერს მალავენ და ყოველთვის გულწრფელები არიან. სინამდვილეში, ეს ასე არაა! თუ კარგად გაიცნობთ აღმოაჩენთ, რომ ყველფერი რაც ზოდიაქოს ამ ნიშნის წარმომადგენლებს მოაქვთ სამყაროში, ერთი დიდი სიყალბე და ფალსიფიკაციაა – ურთიერთობენ ერთთან და მეგობარს ეძახიან მეორეს, ცხოვრობენ სხვასთან და შეყვარებული არიან სხვაზე, გამოხატავენ პატივისცემას და სინამდვილეში საშინლად სძულთ. ისინი ყოველთვის კარგად თამაშობენ პუბლიკაზე და მრავალრიცხოვანი ნიღბებით მალავენ საკუთრ რეალურ “მე”-ს.

გარდა ამისა, ხშირად ტყუპები არალეგლური ან აკრძალული თამაშებით გატაცებასაც მალავენ და არა იმიტომ, რომ გახმაურების ან გაკიცხვის ეშინიათ, არამედ იმიტომ, რომ ძალიან მოსწონთ, როცა გარშემო ყველას ატყუებენ.


კირჩხიბი


რას მალავენ ზოდიაქოს ნიშნები


კირჩხიბი ყველაფერს მალავს რაც შეიძლება, რადგან სულ ეშინია არ წაართვან, არ დააზიანონ და თვალი არ ეცეს. ზოდიაქოს ამ ნიშნის წარმომადგენლები განსაკუთრებული მონდომებით მალავენ პირად ცხოვრებას, ოჯახს და საკუთარ სახლს. მათ ძალიან არ უყვართ შემოსავლების და შენაძენების აფიშირება, გრძნობების და ემოციების გამოვლენა.

ყველაფერთან ერთად, კირჩხიბი საკუთარ კეთილ გულსაც მალავს, ფარავს მას ჯავშნით და გულგრილობასა და შეუვალობას თამაშობს, რადგან ძალიან ეშინია, რომ მისი სიკეთით ან ანგარებით ისარგებლებენ ან აიძულებენ გააკეთოს ის, რისი გაკეთებაც ძალიან არ უნდა. ზოგადად კირჩხიბი ძალიან ფრთხილია და არ ახასიათებს გულწრფელობა იმ ადამიანებთან, ვინც არ იმსახურებს მის ნდობას, ისინი კი, ვისაც მართლა ენდობა, ძალიან ცოტა თუ მოიძებნება.


ლომი


რას მალავენ ზოდიაქოს ნიშნები


ლომი ცოდნის და გამოცდილების ნაკლებობას, ასევე თვითრწმენის უქონლობას მალავს. ის ყოველთვის დიდი ენთუზიაზმით იწყებს მუშაობას მისთვის უცნობ სფეროში, რათა არავის ეგონოს, რომ მან რაღაც არ იცის ან გაკეთება არ შეუძლია. ზოდიაქოს ამ ნიშნის წარმომადგენლებს მართლაც ავადმყოფური თავმოყვარეობა აქვთ, თუმცა სწორედ ესაა მათთვის პროგრესის მთავარი მამოძრავებელი ძალა. ლომისთვის ბევრად უფრო ადვილია ისწავლოს, ვიდრე საკუთარი უცოდინარობა გამოააშკარაოს.

გარდა ამისა, ასაკთან ერთად, ლომი სულ უფრო ნაკლებად საუბრობს სამომავლო გეგმებზე. თუ ახალგაზრდობაში ის სიამოვნებით უზიარებდა სხვებს საკუთარ მიზნებს და სურვილებს, 30 წლის შემდეგ, ხვდება, რომ არაა საჭირო ყველამ ცხირი ჩაყოს მის საქმეებში და მანამდე მალავს საკუთარ ჩანაფიქრს, სანამ ის რეალობად არ იქცევა.


ქალწული


hor-interior_06_0
რას მალავენ ზოდიაქოს ნიშნები


ქალწული, როგორც წესი, ამბიციებს მალავს. ის არასდროს ამხელს საკუთარ ჩანაფიქრს და ჩუმად, კონკურენტებისგან ფარულად ცდილობს მიზნის მიღწევას. ამასთან ერთად ქალწული ხშირად მალავს რეალურ გრძნობებს, ფიქრებს და ადამიანების მიმართ დამოკიდებულებას. თუ ქალწულს შეუძლია სხვასთან ურთიერთობით საკუთარი სარგებლის ნახვა, ის იყენებს ნებისმიერს და თან ისე, რომ ვერასდროს ვერავინ მიხვდება მის რეალურ ზრახვებს.

გარდა ამისა, ქალწული დიდი მონდომებით მალავს საკუთარ შემოსავლებს. მას ძალიან არ უყვარს ფულის სესხება და მაშინაც კი წუწუნებს, როცა ანგარიშზე საკმაოდ სოლიდური თანხა აქვს დაგროვილი.


სასწორი


რას მალავენ ზოდიაქოს ნიშნები


სასწორი გარშემომყოფებს საკუთარ პატარა ვნებებს და ცოდვებს უმალავს, რადგან ისე ძალიან ეშინია გაკიცხვის, რომ ურჩევნია საიდუმლოდ შეინახოს ყველაფერი, რაც არ შეეფერება მორალის ნორმებს.

გარდა ამისა, სასწორი იმ ადამიანების მიმართ რეალურ დამოკიდებულებასაც მალავს, ვისთანაც ახლო და ხშირი ურთიერთობა აქვს. მაშინაც კი, თუ ზოდიაქოს ამ ნიშნის წარმომადგენლებს გულწრფელად სძულთ ვინმე, ისინი თავისუფლად გამოხატავენ სიმპათიას და მეგობრულ გრძნობებს. სასწორს ძალიან არ უყვარს კამათი, დაძაბულობა და კონფლიქტები, ამიტომ მოჩვენებითი მშვიდობისა და წონასწორობის შესანარჩუნებლად, მზადაა გამოავლინოს დიპლომატიის, უფრო სწორად კი, ფარისევლობის და პირფერობის საოცრებები.


მორიელი


რას მალავენ ზოდიაქოს ნიშნები


მორიელი ძირითადად თავის რეალურ განზრახვებს მალავს და ყველაფერი, რასაც გარშემომყოფებს უყვება, მხოლოდ ყურადღების გასაფანტი მანევრები და ზედაპირული ანარეკლია იმისი, რის გაკეთებასაც სინამდვილეში აპირებს.

გარდა ამისა, მორიელი საკუთარ სიყვარულსაც მალავს და ხშირად უხეში ისეთ ცინიზმს ავლენს საკუთარი სიმპათიის ობიექტის მიმართ, თითქოს მას არა სიყვარული, არამედ სიძულვილი ამოძრავებს. მორიელის ამგვარი ქცევა ხშირად ძველი გრძნობებისგან განთავისუფლების მცდელობა ან ერთგვარი ტესტია, რომლის ღირსეულად გავლის შემდეგ მისი რჩეული მთელ მის გულს და სულს ღებულობს საჩუქრად.


მშვილდოსანი


რას მალავენ ზოდიაქოს ნიშნები


შეგნებულად მშვილდოსანი არაფერს მალავს, ის მზადაა პასუხი გასცეს ნებისმიერ შეკითხვას, მშვიდად განიხილოს ყველაფერი, რაც მოსაუბრეს აინტერესებს და ხშირად ზედმეტიც მოსდის. თუმცა, ზოდიაქოს ამ ნიშნით დაბადებულები იმდენად “მრავალწახნაგიანი და მრავალშრიანი” ადამიანები არიან, რომ მათ რეალურ ბუნებამდე მიღწევა არც ისე ადვილია, როგორც ეს ერთი შეხედვით ჩანს. მშვილდოსანი ყველაზე არაპროგნოზირებადი ნიშანია არა მარტო უცხოებისთვის, არამედ საკუთარი თავისთვისაც. მან ხშირად თვითონ არ იცის, როგორ მოიქცევა ამა თუ იმ სიტუაციაში და გარშემომყოფებისგანაც პირველ რიგში საკუთარ თავში გაურკვევლობას მალავს.

გარდა ამისა, მშვილდოსანს ძალიან რცხვენია საკუთარ მაგიური აზროვნების აღიარება. მას ეჩვენება, რომ ბედისწერის ნიშნების შემჩნევა და გათვალისწინება ნაკლებად სოლიდური და არარაციონალურია, ამიტომ ყოველთვის ურჩევნია დამალოს საკუთარი ცრურწმენები.


თხის რქა


რას მალავენ ზოდიაქოს ნიშნები


ყველაზე ხშირად თხის რქა რეალურ ფინანსურ მდგომარეობას მალავს. რაც მთავარია, მსხვილ შემოსავლებს ის ყოველთვის სიხარულით აფიშირებს, პრობლემებზე კი, არასდროს არაფერს ამბობს. თუმცა, ზოდიაქოს ამ ნიშნის წარმომადგენლებს არასდროს აინტერესებთ მათი აზრი, ვინც არაფერში გამოადგებათ და საკუთარი შემოსავლებით მხოლოდ მათთან ტრაბახობენ, ვისაც ავტორიტეტად თვლიან.

გარდა ამისა, თხის რქა მონდომებით მალავს საკუთარ მეგობრულ გრძნობებს. მისთვის ბევრად უფრო ადვილია გააკეთოს მეგობრისთვის კონკრეტული რამ, ვიდრე საათობით ისაუბროს, თუ როგორ უფრთხილდება მათ მეგობრობას და დაიფიცოს, რომ მთელი ცხოვრება ასე იქნება. ის იშვიათად ეჩვევა ადამიანებს და ძალიან უჭირს საკუთარი დადებითი ემოციების გამოხატვა, მათ მიმართ სიმპათიას კი, ვისაც საკუთარ სამყაროში უშვებს, შემწყნარებლობის და ლმობიერების ნიღბით მალავს.


მერწყული


რას მალავენ ზოდიაქოს ნიშნები


მერწყული საკუთარ გულგრილობას მალავს ადამიანების მიმართ. ის სკურპულოზურად იცავს ყველა იმ წესს, რაც მეგობრებთან, კოლეგებთან და ახლობელ ადამიანებთან ურთიერთობაშია მიღებული, თუმცა სინამდვილეში მისთვის ყველა სულერთია. ამასთან ერთად ზოდიაქოს ამ ნიშნის წარმომადგენლებს ისე ვირტუოზულად გამოსდით თავის მოჩვენება, რომ გარშემომყოფები ვერც კი ხვდებიან, რომ მერწყული, მხოლოდ სოციალურ რიტუალს ასრულებს და სინამდვილეში არაფერი მიაქვს გულთან ახლოს.

გარდა ამისა, მერწყულს პირადი ცხოვრების და სამომავლო გეგმების დამალვაც ახასიათებს. ყველაფერი ეს მისთვის იმდენად პირადი და “ჩაკეტილი ზონაა”, რომ მხოლოდ მათ უშვებს, ვინც საოცრებით შეძლო მისი ნდობის მოპოვება.


თევზები


რას მალავენ ზოდიაქოს ნიშნები


თევზები საკუთარ შეგრძნებებს – ტკივილს, შიშს, ფობიებს მალავენ და რაც უფრო ცუდად არიან, მით უფრო ფართოდ იღიმიან და მეტ სითბოს ამჟღავნებენ გარშემომყოფთა მიმართ. ზოდიაქოს ამ ნიშნის წარმომადგენლებს ისე არ უყვართ სხვებისთვის დისკომფორტის შექმნა, რომ არასდროს ითხოვენ დახმარებას და ყოველთვის დამოუკიდებლად აგვარებენ საკუთარ პრობლემებს. თევზებს ძალიან ეშინიათ, რომ დახმარების თხოვნით, მათ უსუსურებად და უმაქნისებად ჩათვლიან.

გარდა ამისა, თევზები საკუთარ სიზარმაცესაც მალავენ. მათ ძალიან უყვართ უქმი ცხოვრება, თუმცა იშვითად გამოსდით ეს. ზოდიაქოს ამ ნიშნის წარმომადგენლებისთვის ბევრად უფრო მარტივია შეასრულონ საკუთარი მოვალეობები, ვიდრე აყვნენ სურვილებს და საფრთხის წინაშე დააყენონ ყველაფერი ის, რასაც წლების მანძილზე ქმნიდნენ.

fortuna.ge
































ტექსტის სანახავად გაიარეთ რეგისტრაცია.