აღმოსავლური კალენდრის მიხედვით, მაიმუნის წელი 2016 წლის 8 თებერვალს შემოდის და 2017 წლის 27 იანვრამდე რჩება. ასტროლოგები იუწყებიან, რომ მოვა წითელი და ცეცხლოვანი მაიმუნი.
ყოველ წელს ახალი თილისმა უნდა აირჩიოთ. თილისმის შერჩევამდე კი მაიმუნის წლის თავისებურებები უნდა გაითვალისწინოთ. მაიმუნის წელი სავსეა მოულოდნელობებით, ახალი იდეებითა და შემოქმედებისთვის საჭირო ენერგიით. საკუთრივ მაიმუნის ელემენტი თეთრი მეტალია. მაიმუნის ხასიათი შეიძლება შევადაროთ ქალს – ცვალებადი და ემოციურია.
თაგვი
როგორც ამბობენ, თქვენს გზაზე მწვანე ანთია! აუცილებლად დაიჭირეთ მომენტი, მოიკრიბეთ ძალა და ყურადღება. თამამად იოცნებეთ, რადგან სურვილები აგისრულდებათ. იმისთვის რომ არ მოდუნდეთ და სიზარმაცემ არ გძლიოთ, ატარეთ თილისმა წითელი მინერალით. მამაკაცებმა შეგიძლიათ შეიძინოთ „ბრელოკი” ან ჰალსტუხზე დასაბნევი.
ხარი
გაზაფხულის დადგომამდე მოგიწევთ გარშემომყოფებისგან აიტანოთ გადამეტებული ყურადღება და მზუნველობა, რაც ძალიან შემაწუხებელი გახდება. მიუხედავად ამისა, მოუსმინეთ ოჯახისწევრებს (მეგობრებს, ახლობლებს) და მათ გული არ ატკინოთ. გეძლევათ შანსი შეიძინოთ კარგი მეგობარი ან იპოვოთ ნამდვილი სიყვარული. იმისთვის, რომ გაზაფხულამდე თავი ხელში აიყვანოთ და მომავალი მეუღლე ამოიცნოთ, გჭირდებათ ოქროს ბეჭედი.
ვეფხვი
ვეფხვები მაიმუნს კარგად ვერ ეწყობა, თუმცა ეს ხელს არ შეგიშლით რთული საკითხების მოგვარებაში. რასაც შემოდგომამდე დათესავთ, სექტემბერში აუცილებლად მოიმკით. გაიზრდება თქვენი შემოსავალი, მოგემატებათ ენერგია, გახდებით წარმატებული და თვითრეალიზებული. ხელი რომ არაფერმა შეგიშალოთ, თილისმად ყვითელი მეტალისგან დამზადებული აქსესუარი გამოიყენეთ.
კატა
ნეგატიურ ენერგიას წარსულში დატოვებთ.
კატებისთვის ძალიან საინტერესო წელი დგება. თქვენი ცხოვრება რადიკალურად შეიცვლება უკეთესობისკენ. 2016 წელი საშუალებას მოგცემთ, თქვენი ნიჭი წარმოაჩინოთ. თილისმად აირჩიეთ ყვითელი მეტალის რელიგური სიმბოლო, მაგალითად ჯვარი.
დრაკონი
მაიმუნის წელი თქვენთვის ორ პერიოდად გაიყოფა: ზამთრიდან – შემოდგომამდე მზად იყავით ახალი ინფორმაციის მისაღებად, სამეცადინოდ და სამუშაოდ. შემოდგომა გარდამავალი პერიოდი აღმოჩნდება. შემდეგ კი სწავლილი საკითხი სხვებს უნდა გაუზიაროთ. გამძლეობისთვის და მობილიზებისთვის თილისმად ვარდისფერი ამულეტი აირჩიეთ.
გველი
მაიმუნის წელში ძალიან ბევრი სამუშაო გელოდებათ. ეცადეთ, ზაფხულში დასვენებისთვის დრო გამონახოთ. 2016 წლის ბოლო შედარებით უფრო მშვიდად ჩაივლის, თუმცა კოსმოსი ამ პერიოდშიც არა ერთი დილემის წინაშე დაგაყენებთ. აიმაღლებთ კვალიფიკაციას, სამსახურეობრივ სტატუსს, გამოყენებთ თქვენს უნარ-ჩვევებსა და ტალანტს. თილისმად სპილენძის ნივთი აირჩიეთ.
ცხენი
არაჩვეულებრივი დროა რემონტისთვის. შემოდგომამდე ოჯახისწევრებს პრობლემები მოგვარებაში დაეხმარეთ, შემდეგ კი სახლში ინტერიერი შეცვალეთ. მართალია წინააღმდეგობებით სავსე გზა გელით, მაგრამ გამარჯვების გემო განსაკუთრებულად ტკბილი იქნება. 2016 წლის დასაწყისი თქვენგან მაქსიმალურ ენერგიასა და მობილიზებას მოითხოვს. ყვითელი მეტალისა და წითელი მინერალისგან შექმნილი თილისმა პრობლემების მოგვარებაში დაგეხმარებათ და მაიმუნის წელსაც უფრო სასიამოვნოს გახდის.
თხა
მაიმუნის წელი თქვენს შემოსავალს გაზრდის, მაგრამ ხარჯებს ნამდვილად არ შეამცირებს. წლის ბოლოს ძალაგამოცლილი იქნებით. თავიდან ბოლომდე რომ არ გამოიფიტოთ, პერიოდულად დაისვენეთ და გაერთეთ. შეარჩიეთ მრგვალი ფორმის სპილენძის თილისმა.
მაიმუნი
უდიდესი პასუხისმგებლობა დაგეკისრებათ, თუმცა მას წარმატებით გაართმევთ თავს. ეს წელი სასიამოვნო სიურპრიზებით გაგაოცებთ. თავს ბედნიერ ადამიანად იგრძნობთ. ჯანმრთელობის კუთხით სერიოზული პრობლემები არ შეგექმნებათ. არავის გამოაყენებინოთ თავი, დაიცავით თქვენი ინტერესები, იყავით ცოტათი ეგოისტი. თილისმად სპილენძის სამაჯური ატარეთ.
მამალი
მაიმუნის წელი თქვენთვის ძალიან დინამიკური იქნება. ნუ ჩაუღრმავდებით ნიუანსებს და წვრილმანებზე ნერვებს ნუ აიშლით. ყურადღება მიაქციეთ ცხოვრების ყველა სფეროს: სიყვარულს, კარიერას, ჯანმრთელობას, სილამაზეს, გართობას, დასვენებას და ა.შ. აირჩიეთ ოქროს ან სპილენძის თილისმა.
ძაღლი
მეგობრებთან ურთიერთობას დიდი დრო დაუთმეთ, ეცადეთ სულიერად და ინტელექტუალურად გაიზარდოთ. სამწუხაროდ, ფინანსური კრიზისი გელოდებათ. შეარჩიეთ პლატინისგან ნაკეთი თილისმა, რომელიც ფულის მიიზიდავს.
ღორი
თუ ბევრს იმუშავებთ ჯიბეც გაგისქელდებათ. მიუხედავად ამისა, მთლიანად მატერიალურ კეთილდღეობაზე ნუ გადაერთვებით და სულიერებაზეც იზრუნეთ. ჩამოიკიდეთ ოქროს ან პლატინის ზარი.
რადა მახარაძე
reitingi.ge
|
|
|
|
|
|
|
|
|
|
|
|
