ცხვირის ფორმის, ფერის და მის გარშემო არსებული ნაოჭების მიხედვით საკმაოდ ბევრი რამ შეიძლება შეიტყოთ თქვენი ჯანმრთელობის შესახებ. ეს ყველაფერი კარგად იყო ცნობილი სახალხო მკურნალებისთვის.
მათი აზრით:
მოლურჯო-მოწითალო ფერის ცხვირი – სისხლის დაბალ წნევაზე მიუთითებს, ეს ნიშანი ჰიპოტონიით დაავადებულ ადამიანებს ახასიათებთ.
ცხვირის ცალკეული ადგილების გაფერმკრთალება, ნესტოების სიფერმკრთალე – პნევმონიაზე მიუთითებს. ეს ნიშანი ხშირად უჩნდებათ პნევმონიით დაავადებულ ბავშვებს.
ცხვირის ბრინჯაოსფერი შეფერილობა, რომელსაც თან მუქი ფერის წერტილოვანი წარმონაქმნები ახლავს – ღვიძლის, ასევე ნაღვლის ბუშტისა და ელენთის დაავადებებზე მიუთითებს.
ცხვირის ზევით ჰორიზონტალური ღრმა ნაოჭები – პირდაპირ მიუთითებს ფარისებრი ჯირკვალთან დაკავშირებულ პრობლემებზე.
ცხვირის ზევით, შუბლის არეში ღრმა ვერტიკალური ნაოჭები – დეპრესიულ ადამიანზე მიუთითებს, რომელიც ხშირად ვარდება დეპრესიულ მდგომარეობაში და შემდეგ ძალიან უჭირს ამ მდგომარეობიდან გამოსვლა.
ცხვირის ზედა მხარის შეშუპება – პოლიპების, სასუნთქი გზების ფარული ანთებითი პროცესების მაუწყებელი ნიშანია.
ცხვირის ნესტოებზე მკაფიოდ გამოკვეთილი კაპილარები – პირდაპირ მიუთითებს ღვიძლის დაავადებებზე, დაუყოვნებლივ მიმართეთ ექიმსც.
ცხვირსა და ზედა ბაგეს შორის მარცხენა მხარეს არსებული ღრმა ნაოჭი – მიუთითებს მსხვილი ნაწლავის უწესრიგობაზე. ადვილი შესაძლებელია ამ დროს ადგილი ჰქონდეს სწორი ნაწლავის ადგილიდან დაძვრას, მარცხენა მხარეს იყოს გადაწეული.
მახვილი ცხვირის წვერი – კუჭის გაღიზიანებაზე და გასტრიტულ მოვლენებზე მიუთითებს.
ცხვირის წვეროს გაფერმკრთალება – სისხლის მიმოქცევის დარღვევაზე, წყლულოვანი დაავადებების საფრთხეზე მიანიშნებს.
ცხვირის მიჭყლეტილი წვერი – პირდაპირ მიუთითებს კუჭის წყლულის არსებობაზე.
მოკლედ, ნამდვილად არ იქნება ზედმეტი, თუ საკუთარ ცხვირს სარკეში კარგად დაათვალიერებთ და აღმოჩენილი ნიშნების მიხედვით შესაბამის სამედიცინო გამოკვლევას ჩაიტარებთ.
galanews.ge
|
|
|
|
|
|
|
|
|
|
|
|
