ოსტეოქონდროზი, მისი ფორმები და გართულებები



ოსტეოქონდროზი ხერხემლის დაავადებაა, რომელშიც მოიაზრება მალთაშუა დისკებში პირველადად განვითარებული დეგენერაციული პროცესი, რაც შემდგომ ხერხემლის ძვალ-მყესოვან აპარატში მეორადად რეაქტიული და კომპენსატორული ცვლილებების განვითარებას იწვევს.
დეგენერაციულ-დისტროფიული ცვლილებები ადამიანის ორგანიზმში ახალგაზრდობიდანვე იწყება. დაახლოებით, 20 წლის ასაკიდან ხერხემლის მალებს შორის არსებულ დისკოში ირღვევა ნივთიერებათა ცვლა, რაც მათ გაუწყლოებას იწვევს. ამის გამო დისკი მყიფდება და ძალიან ადვილად, მცირე დატვირთვის შემთხვევაშიც კი შეიძლება დაზიანდეს. ეს პროცესი მეტ-ნაკლები ინტენსივობით ნებისმიერი ადამიანის ორგანიზმში მიმდინარეობს, თუმცა ზოგიერთ ფაქტორს ამ პროცესის დაჩქარება ან შენელება შეუძლია. ოსტეოქონდროზის დროს მალთაშუა დისკს ნაპრალები უჩნდება. დატვირთვის დროს კი ამ ნაპრალებიდან შესაძლოა, პულპოზური მასა სრულად ან ნაწილობრივ გამოიდევნოს. პულპოზური მასის სრულად გამოდევნის შემთხვევაში საქმე გვაქვს დისკოზთან ანუ ხერხემლის მალთაშუა თიაქართან, რომელმაც შესაძლოა, ხერხემლიდან გამომავალი პერიფერიული ნერვებისა და ზურგის ტვინის ნერვის დაზიანებამდეც კი მიგვიყვანოს.
განასხვავებენ კისრის, გულმკერდისა და წელის ოსტეოქონდროზს.
მათ შორის ყველაზე გავრცლებულია წელისა და კისრის ოსტეოქონდროზი, რადგან ყველაზე მეტი დატვირთვა სწორედ წელისა და კისრის მალებზე მოდის.

ტკივილი – დაავადების მთავარი სიმპტომი

ოსტეოქონდროზი, მისი ფორმები და გართულებები


წელისა და კისრის ოსტეოქონდროზის ძირითადი სიმპტომი მწველი ტკივილია. ექიმსაც ყველაზე ხშირად სწორედ ამ სიმპტომის გამო მიმართავენ. საქმე ის არის, რომ კუნთოვანი კორსეტის გადაძაბვისა და ზურგის გამშლელი კუნთების სპაზმის გამო, მალათაშუა მამოძრავებელ სეგმენტებში თავს იჩენს ანთებითი და დეგენერაციული ცვლილებები, რაც საბოლოოდ ტკივილის მიზეზი ხდება.

წელის ოსტეოქონდროზი ყველაზე მეტად გავრცელებულია, ვინაიდან სხეულის დახრის, გამართვისა და სიმძიმის გადატანისას წელი ძირითად დატვირთვას იღებს. სწორედ წელში ჩნდება ყველაზე ხშირად მალებშუა თიაქარი. წელის ოსტეოქონდრის მთავარი სიმპტომი წელის მიდამოს ტკივილია, რომელსაც თან ახლავს სხვა სერიოზული ჩივილები: წვა წელის არეში; ფეხის კუნთების ტკივილი; ფეხის დაბუჟება; ინერვაციის დარღვევა ფეხში და ა.შ.

კისრის ოსტეოქონდროზს ოფისის თანამშრომლების დაავადებას უწოდებენ. მჯდომარე ცხოვრების წესი ხერხემლის კისრის განყოფილების მუდმივ დაძაბვას და ტკივილის წარმოქმნას იწვევს. კისრის ოსტეოქონდროზის დროს, ტკივილი, ძირითადად, კისრის მიდამოშია ლოკალიზებული. ტკივილს თან ახლავს:

კისტის როტაციის (მოძრაობის) შეზღუდვა; კისრის არეში სიმძიმის შეგრძნება (განსაკუთრებით დილით, გაღვიძებისას); კისრის მიდამოში წვის შეგრძნება; ხელის დაბუჟება; ინერვაციის დარღვევა ხელში; შუილი ყურებში; თავის ტკივილი (თუ დაავადებამ ტვინის მკვებავი სისხლძარღვებიც ჩაითრია); ადვილად დაღლა; შრომისუნარიანობის დაქვეითება და ა.შ.


გამომწვევი მიზეზები და რისკ-ფაქტორები

წელისა და კისრის ტკივილის აღმოცენებას ოსტეოქონდროზი იწვევს. თავად ოსტეოქონდროზის გამომწვევი და ხელშემწყობი ფაქტორები კი მრავალია:
ცხოვრების მჯდომარე წესი; გაუვარჯიშებლობა; ზედმეტი წონა; არასწორი ჯდომა და წოლა; უხეში მოძრაობები; ტრავმული სპორტით დაკავება; თამბაქოს მოხმარება (ცნობილია, რომ ერთი ღერი სიგარეტის მოწევა იწვევს სისხლძარღვის ორსაათიან სპაზმს, რაც თავისთავად ხერხემლის „კვებაზე“ უარყოფითად აისახება.)


დიაგნოსტიკა

ზურგისა და წელის ოსტეოქონდროზის დიაგნოსტიკისთვის გამოიყენება:

მიოფასციალური დიაგნოსტიკა, რომელიც საშუალებას იძლევა, რეალურად ინახოს ხერხემლის, მალთაშუა დისკებისა და, ზოგადად, სახსრებისა და კუნთების მდგომარეობა;
სპეციალური ტესტი – რომლის მეშვეობითაც, რეაბილიტოლოგთან ერთად ხდება ძვალ-სახსროვანი სისტემისა და კუნთის რესურსის შეფასება;
მაგნიტურ-რეზონანსული ტომოგრაფია – რბილი ქსოვილების გამოსაკვლევად.


ბუბნოვსკის მეთოდით მკურნალობა

ოსტეოქონდროზი, მისი ფორმები და გართულებები


კისრისა და წელის ოსტეოქონდროზისა და მისგან გამოწვეული მწვავე ტკივილის სამკურნალოდ, შეუცვლელი, უნიკალური მეთოდი გახლავთ – ე.წ. ბუბნოვსკის მეთოდი, იგივე კინეზითერაპია, რომელიც ყოველგვარი მედიკამენტოზური და ქირურგიული გზის გარეშე გულისხმობს დაავადებისგან სრულ განკურნებას.

კინეზითერაპიით მკურნალობისას, ექიმ-რეაბილიტოლოგის დახმარებით, სპეციალური ვარჯიშების მეშვეობით, მოძრაობისა და დატვირთვის პროცესში ეტაპობრივად ერთვება დაზიანებული კუნთები და მყესები.

კისრის ოსტეოქონდროზის შემთხვევაში – ზედა კიდურების (ხელების), ხოლო წელის ოსტეოქონდროზის დროს ქვედა კიდურების (ფეხების) სპეციალური სამკურნალო ვარჯიშები ინიშნება.

სპეციალურად შემუშავებული ვარჯიშების მეშვეობით, ჩვენ ვაძლიერებთ ზურგის კუნთების სისხლმომარაგებას, ვხსნით კუნთებში არსებულ სპაზმს და ხელს ვუწყობთ ხერხემლის კვების აღდგენას.

შესაბამისად, ტკივილი და მასთან ერთად სხვა სიმპტომები ეტაპობრივად ქრება, ჯანმრთელობის მდგომარეობა კი უმჯობესდება.

თუმცა კინეზეთერაპიის მიზანი მხოლოდ ტკივილის გაქრობა არ გახლავთ, მკურნალობის ეს მეთოდი პარალელურად ებრძვის დაავადების გამომწვევ მიზეზებს და დაავადებას საბოლოოდ აღმოფხვრავს.


პრევენცია

წელისა და კისრის ოსტეოქონდროზისა და მისი მთავარი სიმპტომის – ტკივილის პრევენციისთვის აუცილებელია:
ყველა ადამიანმა ცხოვრების წესად აქციოს სწორი ვარჯიში;
მოერიდოს სიმძიმეების აწევას;
მოერიდოს ნებისმიერ დატვირთვას ხერხემალზე (სირბილი, ხტომა, მკვეთრი მოძრაობები…) წონის კორექცია;
სწორი ჯდომა და წოლა;
ჯდომითი სამუშაოს შესრულების შემთხვევაში, რეკომენდებულია, ადამიანი ყოველ საათში ერთხელ წამოდგეს და 10-15 წუთით მაინც იმოძრაოს;
ორთოპედიული ლეიბისა და ბალიშის გამოყენება;
თამბაქოს მოხმარებაზე უარის თქმა;
რაც ყველაზე მთავარია, ადამიანი არ უნდა დაელოდოს პროცესის გამწვავებას და კისრისა და წელის მიდამოებში გამოხატული მცირედი ტკივილის შემთხვევაშიც კი დაუყოვნებლივ მიმართოს ექიმს.

galanews.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.