ფერების მაგია – რომელი ფერი როგორ მოქმედებს განწყობაზე და რა ფერი გვეხმარება დაძინებაში



ადამიანისთვის სასიცოცხლოდ აუცილებელია უყუროს ცისფერ ცას, მწვანე ხეებს, დატკბეს ყვავილების მრავალფერი გამით, რასაც ზამთარში კატასტროფულად მოკლებული ვართ. თუ ქალაგარეთ ხშირად გასვლის საშუალება არ გაქვთ, შეეცადეთ, ხშირად იაროთ სამხატვრო გალერეებში, ხელოვნების მუზეუმებში, უყურეთ ფილმებს, რომლებშიც მოქმედება ეგზოტიკურ ქვეყნებში ბუნების ფონზე მიმდინარეობს. მზიან დღეებში აუცილებლად მეტი ისეირნეთ. მზის ამოსვლა-ჩასვლის ცქერით დატკბით.

ირგვლივ ყველაფერი ცისფერი და მწვანეა

არ დაივიწყოთ, რომ ფერი განსაკუთრებულ განწყობას ქმნის და ადამიანის ტვინში შესატყვის რეაქციას იწვევს.

ცისფერი, მუქი ცისფერი, მომწვანო-ცისფერი – ჩვენში უსაფრთხოების გრძნობას აღვიძებს და გვამშვიდებს.

ყვითელი, მზიანი დღესავით ნათელი ფერი – გვამხიარულებს და გვახარებს. გარდა ამისა, ფერი მკურნალობის პროცესშიც მონაწილეობს. ადამიანზე, რომელსაც მაღალი ტემპერატურა აქვს, ცისფერი სასიკეთოდ მოქმედებს. თეთრი ფერი სისხლის წნევას ამცირებს. ყვითელი და წითელი ფერები სისხლის მიმოქცევას უწყობს ხელს. რაც შეეხება მწვანის, ცისფრისა და ჩალისფრის ბუნებრივ შეხამებას, მას გამაჯანსაღებელი ზემოქმედება აქვს.

გვეხმარება თუ არა სახლის კედლები?

ყურადღება მიაქციეთ რა ფერები ჭარბობს თქვენს სახლსა და სამსახურში. მწვანე თეთრი სისუფთავის შთაბეჭდილებას ქმნის. მწვანე იასამნისფრით – ფუფუნებისა და სინატიფის.:

არ არის სასურველი კედლების მუქ ლურჯად შეღებვა. თავს დათრგუნვილად და უძლურად იგრძნობთ. გარკვეული ფერები ძილზეც მოქმედებს. განსაკუთრებით სასიკეთო ზემოქმედება აქვს ცისფერ ტონებში გადაწყვეტილ ლოგინის თეთრეულსა და ჭაღს.

primetimenews.ge
































ტექსტის სანახავად გაიარეთ რეგისტრაცია.