მოდური სამოსი პლიაჟისათვის



ზღვაზე გამგზავრებისას საჭიროა გარდერობი სწორად შეარჩიოთ. მარტო საცურაო კოსტუმი ხომ არ გეყოფათ შვებულების კომფორტულად გასატარებლად?! იქ უამრავი სხვა ნივთები დაგჭირდებათ. განა შეიძლება ზაფხული გაატაროთ ლამაზი კაბის, მზის სათვალის, საზაფხულო ჩანთის, მზის ქუდისა და სეზონისათვის დამახასიათებელი ზღვის თემატიკაზე მორგებული მასიური სამკაულების გარეშე? რა თქმა უნდა, არა! მხოლოდ ამ ყველაფრით შეიარაღებული შეგიძლიათ ამაყად გამოცხადდეთ პლიაჟზე, დატკბეთ მამაკაცების აღფრთოვანებული მზერით და გესმოდეთ მეგობრების კითხვები, თუ როგორ ახერხებთ ყოველთვის გამოიყურებოდეთ შესანიშნავად და როგორ შეგიძლიათ აირჩიოთ ყოველთვის ყველაზე საუკეთესო, მოდური და საინტერესო.

მოდური სამოსი პლიაჟისათვის


ნებისმიერი მოდის მოყვარული მანდილოსნისთვის ძალიან მნიშვნელოვანია მის გარდერობში იყოს უამრავი ნივთი ნებისმიერი სიტუაციის, გარემოებასა და მიზეზისათვის. და რა თქმა უნდა, ზაფხული, მზე და ზღვა - ეს განსაკუთრებული შემთხვევაა. სწორედ ზაფხულის ცხელ და მზიან დღეებში აქვს მეტი ხიბლი ქალის ლამაზ სხეულს. მოხდენილი, გარუჯული ქალი პლიაჟზე ყოველთვის იპყრობს ყურადღებას. ამიტომ საჭიროა სწორად შევარჩიოთ სამოსი რათა ლამაზად და მოდურად გამოვიყურებოდეთ.

მოდური სამოსი პლიაჟისათვის


პლიაჟის კაბა - ეს კაბის განსაკუთრებული სახეობაა. ამ შემთხვევაში ყველაზე აქტუალურია ტუნიკები. ისინი ამ სეზონზე წარმოადგენენ არა უბრალოდ ქსოვილის ნაჭერს (როგორც წინა წლებში), არამედ მზა კაბის მოდელს განსაზღვრულ სტილში, უამრავი ფერთა არჩევანით. ისინი შეიძლება იყოს კლასიკური და თანამედროვე, გრძელი და მოკლე, მკვეთრ და ბაც ფერებში, ჭრელი და სადა... და ჩამონათვალი შეიძლება უსასრულოდ გაგრძელდეს. მთავარია მისცეთ თავისუფლება თქვენს ფანტაზიებს, მოიფიქროთ სწორი შეხამება, დაუმატოთ მოდური აქსესუარები (სათვალე, საზაფხულო ჩანთა, მზის ქუდი, სამკაულები) და თქვენ ამ სეზონის დედოფლად იგრძნობთ თავს.

მოდური სამოსი პლიაჟისათვის


შიფონის ტუნიკები რომლებიც წელს წარმოგვიდგინეს მოდის სახლებმა თავიანთ კოლექციებში, ამ სეზონის ყველაზე აქტუალურ ნივთებად ითვლებიან. მკვეთრი შეფერილობის, არაპროგროზირებადი და ორგანული ფერთა შეხამებით, მარტივი თარგის ლაღად მოფრიალე კეკლუცი კაბები თავისუფლად შეგიძლით ჩაიცვათ სანდლებთან და მასიურ სამკაულებთან, როგორც პლიაჟის ძირითადი სამოსი. ამ სეზონზე დიზაინერები გვთავაზობენ უამრავ განსხვავებულ მოდელს, რომლის მიხედვითაც შეგიძლიათ აირჩიოთ თქვენთვის შესაფერისი რამ.

მოდური სამოსი პლიაჟისათვის


როგორც ყოველთვის მოდაშია ზღვის თემატიკა. პლიაჟის კაბებისათვის მთავარ ფერად ითვლება თეთრი - ის ძალიან კარგად გამოიყურება გარუჯულ სხეულზე. ასევე მომგებიანი ვარიანტია მკვეთრი ვარდისფერი, ფირუზისფერი, იასამნისფერი კრემისფერი, ყავისფერი, ნარინჯისფერი, ლურჯი, მწვანე, წითელი, ყვითელი, ან სულაც ზოლებიანი კაბა.

მოდური სამოსი პლიაჟისათვის



პლიაჟის მოდის ერთ-ერთი ყველაზე მთავარი ტრენდი წელს არის მკვეთრი შეფერილობის კაბა-მოსასხამი. ასეთ ეფექტურ კეკლუც კაბაში თქვენ გამოჩნდებით დახვეწილად და ქალურად. ელეგანტური სამოსის მოყვარულთათვის დიზაინერები გვთავაზობენ ეფექტურ და ამავე დროს უბრალო კაბებს, რომელშიაც შეუმჩნეველი არ დარჩებით.

მოდური სამოსი პლიაჟისათვის


































ტექსტის სანახავად გაიარეთ რეგისტრაცია.