ქალისა და მამაკაცის გაცნობის უჩვეულო ისტორიები



ცნობილია, რომ ადამიანები სხვადასხვაგვარად და განსხვავებულ სიტუაციებსა და ადგილებში ეცნობიან ერთმანეთს. არავინ იცის, მისი აღმატებულება შემთხვევა ვის რას უმზადებს. გთავაზობთ გაცნობის უჩვეულო ისტორიებს.

ისტორია N1 მისტიკური გაცნობა


მრავალი წლის წინ მან გადაწყვიტა, რომ საკუთარი თავი პუშკინის ტატიანად ეგრძნო და მომავალი მეუღლის სახელის გასარკვევად ემკითხავა. „ევგენი ონეგინში“ ტატიანა სახლის ზღურბლს შორდება და პირველივე შემხვედრს სახელს ეკითხება. გამვლელი პასუხობს: აგაფონი. არსებობდა ასეთი ცრურწმენა, რომ თუკი პირველივე შემხვედრს სახელს ეკითხები, ასეთივე სახელი ექნება შენს მომავალ მეუღლესაც.

ჰოდა, სწორედ ამ გმირის მიბაძვით ერთი ქალბატონი ვალენტინა ღამე გარეთ გამოვიდა და საკმაო ლოდინის მერე, როგორც იქნა, გადააწყდა გამვლელს. მას სახელი ჰკითხა. პასუხად იყო: ვალენტინი. „ეს ამბავი არ მომეწონა, რადგან მე თავად ვალენტინა ვარ და ის კი ვალენტინი იყო. ამიტომ მეორე გამვლელის ჩამოვლას დაველოდე, ჩემდა გასაოცრად, მასაც ვალენტინი ერქვა… მე გარეთ გავითოშე და ამიტომ სახლში მიბრუნება გადავწყვიტე“.
გავიდა წლები, ვალენტინა სხვა ქალაქში გაემგზავრა და საახალწლო საღამოზე ერთი ახალგაზრდა გაიცნო, რომელმაც იგი საცეკვაოდ გამოიწვია. როცა მას სახელი ჰკითხა,- ასეთი პასუხი მიიღო:

„ერთხელ თქვენ უკვე მკითხეთ სახელი.. ექვსი წლის წინ, ზამთრის გვიან საღამოს, როცა მეგობრისგან სახლში ვბრუნდებოდი, ვიღაც შემხვედრი გოგონა მომიახლოვდა და სახელი მკითხა, ძალიან გამიკვირდა ეს ფაქტი, ამიტომ დამამახსოვრდა ასე“…

ისიც აღმოჩნდა, რომ ქალ-ვაჟი ერთმანეთის გვერდი-გვერდ ეზოში ცხოვრობდა… გაცნობიდან ცოტა ხნის შემდეგ ისინი დაქორწინდნენ.

ისტორია N 2 ავტოსაგზაო შემთხვევის ,,მსხვერპლი“


ხდება, რომ ადამიანებს ერთმანეთთან უბედური შემთხვევა აკავშირებთ, რომელიც მერე იღბლიანად იქცევა. – ნენსი კინაღამ ავტოსაგზაო შემთხვევის მსხვერპლი აღმოჩნდა. იგი კინაღამ ემსხვერლპა მიშელის მანქანას.

მიშელი იხსენებს: ჩემთვის მშვიდად გზაზე მივდიოდი და თან სამსახურის ამბებზე ვფიქრობდი, რომ უცებ გზაზე გოგონა გამოვარდა და ლამის ბორბლებში ჩამივარდა. ამის მერე ვაჟი დიდხანს დადიოდა ყვავილებით ხელში საავადმყოფოში გოგონას სანახავად.

ისტორია N 3 ,,დაფერფლილი“ სიყვარული


მარგარეტი და დევიდი ხანძარმა დააახლოვა. უფრო სწორედ მათ ხანძრამდე ორი დღით ადრე გაიცნეს ერთმანეთი, მაგრამ მაშინ მათ ერთმანეთისთვის ყურადღება არ მიუქცევიათ. კორპორატიულ წვეულებაზე ქალ-ვაჟი მეგობრებმა მიიწვიეს. ყველამ მოილხინა და გამხიარულდა. მაგრამ მოგვიანებით თანამშრომლის დაუდევრობის გამო სიგარეტის ნამწვი ნაგვის ურნაში აღმოჩნდა, რის შემდეგაც ოთახში ცეცხლი გაჩნდა.

„საკვირველია, მაგრამ სწორედ მაშინ შევამჩნიე ის,- კვამლში გახვეული სიმპათიური ახალგაზრდა – იხსენებს ნატალი,- ხანძრის ჩაქრობა სხვებთან ერთად ჩვენც დავიწყეთ.. მას შემდეგ ვხვდებოდით და ეს შეხვედრები მალე ქორწინებით დამთავრდა“…

ისტორია N4 ბანქოში მოგებული ცოლი


რობერტი და ნატალი ერთ კლასში სწავლობდნენ. გარეგობით გამორჩეულ გოგონაზე ლამის ნახევარი სკოლა იყო შეყვარებული, მაგრამ თავად ნატალი მხოლოდ რობერტს და მის მეგობარს სწყალობდა. ისინი ერთად დადიოდნენ კინოში, წვეულებებზე. დრო მიდოდა, მაგრამ გოგონა მათ შორის არჩევანს ვერ აკეთებდა. მაშინ ბიჭებმა ბანქოს თამაში გადაწყვიტეს, წაგებული გზიდან ჩამოშორდებოდა წყვილს. მოგება რობერტს ხვდა წილად, ცოტ ხნის მერე ისინი დაქორწინდნენ. ნატალიმ ამ ფაქტის შესახებ წლების მერე შეიტყო, თავიდან ძალიან განაწყენდა, მაგარმ როცა დაფიქრდა, თქვა: „სხვა გამოსავალი მაინც არ იყო და მათ მგონი სწორი გადაწყვეტილება მიიღეს“.

წყარო: kvira.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.