ლოცვა ოჯახისთვის და ოჯახის მფარველი ხატები



ერი შედგება ოჯახებისგან და რაც უფრო ძლიერია ოჯახი, მით უფრო ძლიერია თავად ერი. დარიგებებს გვაძლევს რუსთავის სიონის დეკანოზი ელგუჯა (ბაბუნაძე).

ერის სიძლიერე

ერი შედგება ოჯახისგან და რაც უფრო ძლიერია ოჯახი, მით უფრო ძლიერია თავად ერი.

ერთმანეთისგან დაცილებული და უღონო ოჯახებისგან შემდგარი ერი სუსტია.

იმისთვის რომ ოჯახი, მაშასადამე, ერიც გაძლიერდეს, აუცილებელია, იერარქია იყოს დაცული.

კაცი ოჯახის თავია, ამიტომ მას მეტი სიყვარული და თავგანწირვა ჰმართებს.

მამაკაცისგან სიყვარული უნდა მოდიოდეს, რომელსაც ცოლი მორჩილებით უნდა პასუხობდეს.

კაცმა თავისი საქციელით ცოლისგან მორჩილება უნდა მოიპოვოს და არა მონობა.

ოჯახში მამაკაცის ავტორიტეტი მაშინ არის მაღლი, თუ ის მოსიყვარულე და თავგანწირულია.

ოჯახის სიკეთესა და ერის სიძლიერეზე პასუხი კაცს მოეკითხება.

ოჯახი და პრობლემები

ქრისტიანულ ოჯახში პრობლემები არაქრისტიანული ქმედებების გამო წარმოიშვება. დაბრკოლებები ყოველთვის უკავშირდება ცოდვებს, რაიმე არასწორ ქცევას, რომელიც ცუდად აისახება ოჯახზე ან მის რომელიმე წევრზე. გასაჭირი, პრობლემები და დაბრკოლებები ქრისტიანულ ოჯახს თავს მაშინ ატყდება, როდესაც მისი წევრები უფალს სცილდებიან. უფალთან დაშორება მათ თანაცხოვრებას ფიტავს და უსიყვარულოს ხდის. სიყვარული უფლისგან ბოძებული გრძნობაა, რომელსაც მოფრთხილება სჭირდება, მას მაღაზიაში ვერ იყიდი.

უფლისკენ მიმავალი ოჯახი

ჭეშმარიტი ქრისტიანული ოჯახი სიყვარულითაა სავსე. იქ დიდი მადლი ტრიალებს. შვილებს შვილობა უხარიათ და მშობლებს - მშობლობა. ქალი მორჩილი დედაა, მამას კი ყოველდღე ახალი ძალით შემოაქვს ოჯახში სიყვარული.ქრისტიანულ ოჯახში შვილები ბევრს ლოცულობენ და ცოტას სცოდავენ. ხატებს პატივით ექცევიან და უფალს - მოწიწებით.
ქრისტიანული ოჯახის წევრობა იგივეა, რაც ქართული ტრადიციების სრული დაცვა. ქართველობა ხომ არ არსებობს ქრისტიანობის გარეშე.

უფლისკენ მიმავალი ოჯახის მთავარი წესია:

შეიქმნას ოჯახი ჯვრისწერით;

იკურთხოს მათი ბინა;

სახლში იყოს ქრისტიანული ხატები და შვილები აღიზარდონ ქრისტიანებად.

ოჯახის მფარველი ხატი

სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ლოცვა-კურთხევით დაწერილია ხატი, რომელსაც უწმინდესმა „ოჯახის მფარველი" უწოდა. სასწაულმოქმედი ხატი ოქროთია შესრულებული და მისი ავტორია ხატმწერი დავით ხიდაშელი. „ოჯახის მფარველ" ხატზე ღვთისმშობელი ყრმით ხელშია გამოსახული. მას ცალ მხარეს წმინდა ანდრია პირველწოდებული და წმინდა ნინო უდგანან, მეორე მხარეს - წმინდა ნიკოლოზი და წმინდა გიორგი. უფლის დედას თავს ანგელოზები, ქერუბიმები და სერაფიმები დასტრიალებენ.

ლოცვა ოჯახის ბედნიერებისთვის

წმიდათა მოწამეთა გური, სამონ და აბიბოს მიმართ ჰოი, დიდებულნო მოწამენო გური, სამონ და აბიბო, დაგვიცვენით ჩუენ მონანი ესე ღუთისანი (სახელები) უკეთურ კაცთა თავდასხმისა და ბოროტის მზაკვრობათაგან. დაგვიფარეთ ჩუენ მოულოდნელისა სიკუდილისაგან. გვიხსენით ცეცხლისა, მახვილისა და ყოველგვარ სულის წარმწყმედელ გარემოებათაგან. ჰოი, მოწამენო ქრისტესნო, ლოცვითა თქვენითა მოგვაგეთ ჩუენ ყოველნი კეთილნი და სარგებელნი, რათა საწუთოისა ამის ცხოურებისა ჩუენისა კეთილმსახურებით გარდამსვლელნი და ურცხვენელისა აღსასრულისა მიმღებელნი ღირს ვიქმნნეთ მხურვალითა შემწეობითა თქვენითა ყოველთა წმიდათა თანა მართლისა მსაჯულისა მარჯვენით დგომად, რათა დაუსრულებლად ვადიდებდეთ მას, თანა მამით და სულით წმიდითურთ, უკუნითი უკუნისამდე. ამინ.

წყარო: funtime.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.