კვების ტოპ 5 მავნე ჩვევა, რომელიც გვასუქებს და სიცოცხლეს გვიმოკლებს



კვების ყველაზე გავრცელებული მავნე ჩვევები, რომლებიც ვნებს ჩვენს ჯანმრთელობას, გვასუქებს, გვამახინჯებს და სიცოცხლეს გვიმოკლებს.

1. ყველანაირ საკვებთან ერთად პური.

ეს მავნე ჩვევა ძირითადად პოსტსაბჭოთა ქვეყნებშია გავრცელებული. როგორც დიეტოლოგები ამბობენ, ხშირი ომის და გაჭირვების პერიოდში საკვებთან ერთად, ნაჭერი პური სიცოცხლესთან ასოცირდებოდა , რაც შემდგომში ჩვევაში გადაიზარდა . პურზე დამოკიდებულებას თავს თუ ვერ აღწევთ, სჯობს მსხვილად დაფქვილი ხორბლისგან დამზადებული მიირთვათ.

2. ჩაის სმა ტკბილეულთან ერთად.

როცა ჩაის, ან ყავას მუდმივად ტკბილეულს აყოლებთ, ნორმალური კვების რეჟიმზე დაბრუნება საკმაოდ რთულია, რადგან ტკბილი ტვინზე ნარკოტიკივით მოქმედებს.

3. წყლის მაგივრად ტკბილი სასმელები.

ნახშირწყლები, ანუ შაქარი, რომელსაც ტკბილი სასმელი უხვად შეიცავს, არა მხოლოდ კალორიებს შეგივსებთ, არამედ ვნებს გულს, ტვინს, იმუნიტეტეს და იწვევს შაქრიან დიაბეტს. ამ დროს დიდი რაოდენობით ინსულინის გამომუშავება ხდება, რაც შიმშილის გრძნობას იწვევს და გვაიძულებს ვჭამოთ და ვჭამოთ. ამიტომ ასეთი სასმელები მხოლოდ კვების შემდეგ, დესერტის სახით უნდა მიიღოთ.

4. პირველი, მეორე და კომპოტი.

ზედმეტი ჭამის კიდევ ერთი ჩვევა- ჩვენი ტრადიციაა, როცა სადილი რამდენიმე კერძისგან უნდა შედგებოდეს და აუცილებლად დიდი პორციებით. ჩვენ გვეშინია, რომ ვერ გავძღებით, თუ არ გვექნება სალათა, წვნიანი , მეორე და დესერტი. ასეთი ჩვევა მუშათა სასადილოებში და სხვდასახვა საერთო კვების ობიექტებში ათწლეულების განმავლობაში ინერგებოდა.

დღეს პროდუქტების კალორიულობა გაიზარდა, ხოლო ენერგიის დანახარჯები უკვე ისეთი აღარ გვაქვს, რაც ჩვენს წინაპრებს ქონდათ. ამიტომ იგივე წვნიანის ერთი ულუფა სადილზე სრულიად საკმარისია . ასევე ხორცი ბოსტნეულთან ერთად.

5. ტელევიზორის წინ ჭამა.

კვლევების თანახმად, ადამიანი ტელევიზორის ყურების დროს გაცილებით მეტს ჭამს, განსაკუთრებით, მაშინ, როცა საინტერესო გადაცემაა. დიეტოლოგების აზრით, როდესაც კვების დროს საჭმელს ვუყურებთ, ტვინში დანაყრების მთავარი ფაზა ირთვება. გამომუშავდება ფერმენტები საჭმლის მონელებისთვის.

როცა დაუფიქრებლად ვჭამთ და თან ჩვენს თეფშს არ ვუყურებთ, ვერც რაოდენობის კონტროლს ვახერხებთ და დანაყრების გრძნობაც გვიან ჩნდება.

www.postalioni.com

































ტექსტის სანახავად გაიარეთ რეგისტრაცია.