50 რამ, რასაც შვილის გაჩენის შემდეგ აღმოაჩენთ – „ცხოვრებაში ორ ადამიანში უნდა გაგიმართლოს – ქმარში და პედიატრში…“



50 რამ, რასაც ბავშვის გაჩენის შემდეგ აღმოვაჩენთ – ეს არის საინტერესო პოსტი, რომელიც ინტერნეტში ძალიან პოპულარულია. ქალისთვისაც და მამაკაცისთვისაც ბავშვის დაბადება მნიშვნელოვანია, თუმცა ეს პოსტი ქალის თვალით დაგანახვებთ, როგორი რადიკალური ცვლილებები მოაქვს გამორჩეულად ქალისთვის ბავშვის შეძენას.

* გიჩნდება ერთი დიიიდი სუსტი წერტილი.

* ბავშვის გაჩენის წამიდან თავი გმირი ხან გგონია, ხან უსუსური არსება, ხან რობოტი, ხან ალქაჯი, ხანაც არავინ.

* ემშვიდობები თავისუფალ დროს და პირად სივრცეს.

* შესაძლებელია ცალი ხელით: ჭამა, სახლის დალაგება, ჭურჭლის გარეცხვა, კბილების გახეხვა, მაკიაჟის გაკეთება, მუშაობა, გაუთავება, ამ სტატუსის დაწერა და ა.შ.
* არსებობს რამდენიმე სახის ტირილი – კივილი, ჭუჭყუნი, წუწუნი, ზუზუნი,პროტესტი, ჩივილი, სოსკამინდა ტირილი, ვინმემამიყვანეთ ტირილი, მშიატირილი, მინდადავტირივარ ტირილი, ყურადღებამომაქციეთ ტირილი, მართლატირილი.

* ხდები სასტიკად მოწყვლადი და ადვილი მსხვერპლი გარკვეული ბიზნესებისათვის, რომლებიც ვაჭრობენ სათამაშოებით, სხვადასხვა საბავშვო დეკორაციით, ფოტოსესიებით, ათასგვარი გამოუსადეგარი ხარახურით, რომლებსაც არანაირი დანიშნულება არ გააჩნია, მაგრამ მაინც ყველაფერს ყიდულობ.

* აღარ გახსოვს როდის იყიდე ბოლოს რაიმე შენთვის.

* შესაძლებელია 3 საათში გამოძინება.

* შესაძლებელია სახლში მოჩვენებასავით გადაადგილება, როცა ბავშვს სძნავს.

* შესაძლებელია ისეთმა ფაქტმაც კი გაგაბედნიეროს, როგორიც ბავშვის კუჭში გასვლაა.

* რამდენიმე წლით ადრე უნდა დაგეწყო ფულის გროვება პამპერსებისათვის.

* შენი შვილის თითოეული აღუს, ამოსუნთქვისა თუ ფეხის გაქნევის შესახებ უყვები ყველას და საერთოდ ვერ ამჩნევ, რომ ეს მათ ისევე არ აინტერესებთ, როგორც შენ არ გაინტერესებდა სხვა ბავშვების.

* გავიწყდება როგორ ღიზიანდებოდი სხვები დღეში ბავშვის მილიონ ფოტოს რომ აქვეყნებდნენ და შენც მასე იქცევი.

* ერთი შეხედვით ხვდები რა აწუხებს და რა უნდა ბავშვს.

* სუნავ მის ტანსაცმელს და კოცნი სურათებს.

* საშინლად გენატრება როცა სძინავს.

* არსებობს ადამიანი, რომელსაც ღამეში 15-ჯერ გაღვიძებას პატიობ და მეტიც – მაინც გიყვარს.

* გგონია, რომ ყველაზე ლამაზი, ჭკვიანი და ნიჭიერი შვილი შენ გაგიჩნდა.

* გიხდება ორბის მზერა, ძაღლის ყნოსვა, გეპარდის სისწრაფე, ლომის ძალა, გველის მოქნილობა და კურდღლის გული.

* ჩიტები გალობას დილის 5-ის ნახევრიდან იწყებენ.

* თურმე უამრავი საბავშვო სიმღერა გცოდნია.

* გიჩნდება ზებუნებრივი ძალები, რასაც დასვენების აუცილებლობა მინიმუმამდე დაჰყავს.

* ყოველ დღე აღარ ისმენ კითხვას – „ორსულად არ ხარ?“ რჩევას – „ამა და ამ ექიმთან მიდი, სასწაულებს ახდებს“, ნუგეშს – „როცა უფალი ინებებს მაშინ იქნება,“ „ჩემი მაზლის მეზობლის მულს 9 წელი არ ჰყავდა და ახლა ანგელოზივით ბავშვი ჰყავს, თან ბიჭი!“ და ბოლოს დატუქსვას – „არ შეილება მასე, ღმერთს ნუ სცოდავ, ოჯახში ბავშვი აუცილებელია!“

* ყოველ დღე ისმენ კითხვას – „მეორეს როდის აპირებ?“

* არსებობს გოგოს და ბიჭის პამპერსი.

* თურმე შესაძლებელია დილიდან საღამომდე უახლოეს პარკში იჯდე და თურმე არსებობენ სხვა ადამიანებიც, რომლებიც ასე იქცევიან.

* ცხოვრებაში ორ ადამიანში უნდა გაგიმართლოს – ქმარში და პედიატრში.

* შენს ჩანთაში სარკეს, პომადას, ტუშს, ბლოკნოტს, ყურსასმენებს და სუნამოს ანაცვლებს სოსკა, პამპერსი, ჩხრიალა სათამაშო, სადორბლე, ბავშვის სათადარიგო ტანსაცმელი და სათადარიგოს სათადარიგო ტანსაცმელი.

* როცა ბავშვი თავისთვის, წყნარად არის და გინდა, რომ მასე გაგრძელდეს, არასოდეს უნდა შეხედო თვალებში!

* წევრიანდები დედების ჯგუფებში. შედეგად იღებ ცოტა სასარგებლო და ბეეეევრ უსარგებლო ინფორმაციას.

* გგონია, რომ შენი შვილი სულ მშიერია.

* ცხოვრებაში დგება მომენტი, როცა ერთადერთი რამ გაქვს საოცნებო – ძილი.

* ის რომ ტირის, შენც გეტირება.

* ქვეყანა არ არის გათვლილი დედებზე.

* ნანობ ადრე რომ კიცხავდი ქალებს, რომლებიც შვილს ხალხში აჭმევდნენ.

* აფთიაქში ისეთი სიხშირით ხარ, ხალხს თანამშრომელი ჰგონიხარ.

* ყველას ეჭვის თვალით უყურებ, ვინც ბავშვს ეკარება და გგონია შენსავით ვერავინ მოუვლის.

* ყველაზე კარგად შენსავით ახალბედა დედებს უგებ/გიგებენ.

* საკმარისია მამამ ერთხელ დაიტოვოს ბავშვი და ყველას თვალში გმირი ხდება. საკმარისია ერთხელ აჭამოს, დაბანოს, ან პამპერსი გამოუცვალოს და უკვე ყველასთვის საოცნებო მამაკაცია.

* დასაქმებული დედა – განსხეულებული სასწაული; ორ ადგილას დასაქმებული დედა-ზეციური ძალების არსებობის დასტური; სამ (და მეტ) ადგილას დასაქმებული დედა – პარანორმალური მოვლენა.

* ვერ ხვდები, რას უშვრებოდი ამდენ თავისუფალ დროს ადრე.

* პირველი სიცხე… ამისათვის მომავალ დედები ფსიქოლოგიურ მომზადებას რამდენიმე წლით ადრე უნდა იწყებდნენ.

* ლაპარაკობ მრავლობითში – ვჭამთ, გვძინავს, მუცელი გვტიკვა, აცრა გავკეთეთ და ა.შ.

* როგორ ხასიათზეც ხარ შენ, ისეთ ხასიათზეა ბავშვიც.

* ყოველ წამს ხვდები, რომ ის შენზე ჭკვიანია.

* თუ კარგი შვილი გინდა, ჯერ თავად უნდა გახდე კარგი.

* გინდება ყველაფერი დაიკიდო, რისთვისაც მთელი ცხოვრება გიწვალია და გიშრომია, როცა ბავშვი პირველად გამოგეტირება, ან როცა შენი სახლში მისვლით სიხარულს ჭყლოპინით, ხელ-ფეხის ქნევით, თავისებური ჩახუტებებით, შენი სახის დალოღვნით (რასაც შენ კოცნას არქმევ) და ზოგჯერ ნაწყენი ტირილით გამოხატავს.

* ვერ ხვდები სად ეტევათ ამდენი სიყვარული მრავალშვილიან მშობლებს.

* სამყარო იყოფა ორად – ის და დანარჩენები.

* შენთვის წელთაღრიცხვა მისი დაბადებიდან იწყება.

www.fortuna.ge
































ტექსტის სანახავად გაიარეთ რეგისტრაცია.