ტორტი ,,ზარმაცი პანჩო”- მათთვის ვისაც ცხობა ეზარება, ან დრო არ აქვს



დეალური რეცეპტი მათთვის, ვინც ცხობა არ იცის, ან არ უყვარს, ან უბრალოდ, დრო არ აქვს. მარტივად, სწრაფად, ელემენტარულად.

თქვენ დაგჭირდებათ:

* ბისკვიტი ( მზა ბისკვიტი სტადნარტული შეფუთვა) 1 ც.
* არაჟანი (სასურველია 30%-იანი) 1 კგ.
* შაქარი- 7 სუფრის კოვზი.(შეიძლება ყავისფერიც)
* ანანასი (კონსერვირებული რგოლებად ქილაში) 1 ქილა
* ნიგოზი — 50 გ
* შავი შოკოლადი — 50 გ

მომზადება:

არაჟანი მოათავსეთ ღრმა ჯამში, ან ქვაბში და 2 წთ მიქსერით ათქვიფეთ. შემდეგ დაამატეთ შაქარი და თქვიფეთ მის გახსნამდე დაახლოებით 5 წთ.

მოამზადეთ დანარჩენი პროდუქტი. ანანასი დაჭერით, ნიგოზი დაფქვით, ბისკვიტის ფენები დაჭერით 1х1 სმ. “კუბიკებად”. (პრინციპში, არ არის აუცილებელი ბისკვიტი იყოს, შეიძლება პასკა, ან ჩვეულებრივი კექსიც იხმაროთ). მოსამზადებელი სამუშაოები ამით დამთავრებულია. ახლა შეუდექით საქმეს.

ტორტის აწყობა:

ცალკე ჯამში მოათავსეთ რამდენიმე კოვზი ჩვენს მიერ მომზადებული არაჟნის კრემი და ბისკვიტის კუბიკები. ფრთხილად აურიეთ, ეცადეთ, ფაფად არ აქციოთ.

ვიწყებთ თეფშზე დალაგებას.

თავიდან არაჟნიანი ბისკვიტის ფენა, შემდეგ ანანასი, შემდეგ ნიგოზი და ა.შ. თანდათან კონუსის ფორმა მიეცით. თუ არ გამოგდით, უბრალოდ მრგვალი ნამცხვრის ფორმაც მისაღებია. გემოზე ეს არ აისახება და უფრო ადვილიცაა.

თანდათან ვაშენებთ ტორტს ფენა-ფენა. დარჩენილი არაჟნის კრემი წაუსვით გვერდებზე.

ტორტი ,,ზარმაცი პანჩო”- მათთვის ვისაც ცხობა ეზარება, ან დრო არ აქვს


დასკვნითი შტრიხი:

მიკროტალღურ ღუმელში გაადნეთ შოკოლადი და მოასხით ტორტს. ტორტი მზადაა, მაგრამ ჯერ ნუ მიირთმევთ. 3 საათი მაცივარში უნდა იდგეს.

გემრიელად მიირთვით!!!

www.postalioni.com
































ტექსტის სანახავად გაიარეთ რეგისტრაცია.