სწრაფად მოსამზადებელი “პეროგი” კეფირით (აუცილებლად გასინჯეთ)



„სწრაფი პეროგის“ მთავრი ინგრედიენტი ახალი კომბოსტოა. ის მზადდება მარტივად და სწრაფად.

ინგედიენტები:

* კვერცხი-3 ცალი;

* კეფირი-1 ჭიქა;

* ფქვილი-3/4 ჭიქა;

* მარილი, პილპილი-გემოვნებით;

* გამაფხვიერებელი-1 ჩ.კ.

* ერთი თავი საშუალო ზომის ახალი კომბოსტო;

* კამა-გემოვნებით.

მომზადების წესი:


1. წვრილად დაკეპილი კომბოსტო მოთუშეთ ტაფაზე ნახევრად მომზადებამდე. დაუმატეთ მწვანილი, მარილი და პილპილი გემოვნებით. (გაითვალისწინეთ, რომ მარილის დამატება ცომშიც მოგიწევთ).

2. ცომისთვის: 1 კვერცხი, ფქვილი, კეფირი და გამაფხვიერებელი აურიეთ ერთმანეთს. დაუმატეთ მარილი და მოზილეთ. ცომი უნდა იყოს საშუალოდ მკვრივი. დარჩენილი 2 კვერცხი ათქვიფეთ ცალკე ჯამში.

3. მცენარეული ზეთი მცირე რაოდენობით წაუსვით ჭურჭელს, რომელშიც პეროგს გამოაცხობთ. ფორმაში მოათავსეთ კარგად გაპრტყელებული ნახევარი ცომი, ზემოდან გაანაწილეთ კომბოსტოს გარნირი, მოასხით ათქვეფილი კვერცხი, ხოლო დარჩენილი ცომი დააფარეთ ზემოდან და გვერდები კარგად შეკარით.

4. პეროგი გამოაცხვეთ 200 გრადუსზე გაცხელებულ აირღუმელში, 20-30 წუთის განმავლობაში.

შენიშვნა: გარნირი შეგიძლიათ გააკეთოთ კარტოფილით, ხორცის ფარშით, თევზით, სოკოთი და სხვა.

გემრიელად მიირთვით!

www.cnn.ge
































ტექსტის სანახავად გაიარეთ რეგისტრაცია.