''დილით იხარხარეთ, ხომ ადვილია? მაგრამ, იცით როგორ გაგიჭირდებათ?'' - ასტროლოგ მიხეილ ცაგარელის რჩევა წარმატებული დღის დასაწყებად



დილას როგორც დაიწყებთ, მთელი დღეც ისე გაგრძელდება. იმისთვის, რომ წარმატებული და სასიამოვნო დღე გქონდეთ, დილაც სწორედ ასე უნდა დაიწყოთ.

ასტროლოგი მიხეილ ცაგარელი ბედნიერი დღის მისეულ ხედვას გვიზიარებს:

''დილა გაზმორებით დაიწყეთ. ეს დიდი სულიერი ოსტატის, ოშოს ტექნიკაა. როდესაც კარგად გაიზმორებით და ხელები რომ უნდა ჩამოუშვათ, ამ დროს იხარხარეთ. ხომ ადვილია? მაგრამ, იცით როგორ გაგიჭირდებათ? ხმასაც ვერ ამოიღებთ.

უცებ ადამიანი ხვდება, როგორ ჩაიკეტა ღამე მისი ემოციური ცენტრი, ვერ იცინით, ჩახურულია ყველაფერი. გული არ დაგწყდეთ, არ გაჩერდეთ, ერთხელ არ გამოვა, ორჯერ, მაგრამ მაინც ეცადეთ. თუ გინდათ, დაახმარეთ ფილმი, საინტერესო ეპიზოდი, რამე სასაცილო. იცინეთ, მაგრამ ისე არა, რომ ვიღაც გააღვიძოთ, შეძლებისდაგვარად იცინეთ, რამდენადაც ამის საშუალებას სიტუაცია გაძლევთ. იცინეთ, როგორც კი სიცილის ენერგია გამოხეთქავს, თქვენი ემოციური მერიდიანი გაიხსნება. მთელი დღე იქნება ძალიან ნათელი, მშვიდი, მხიარული და სასიამოვნო. მიდით ფანჯარასთან, ახედეთ ცას, მზეს, ბუნებას. ახალი დღე მოვიდა, ახალი საწყისი შემოვიდა, ღვთიური ძალა, ღვთიური ენერგია. გადით გარეთ, შეისუნთქეთ ღრმად, მოუსმეთ ჩიტების ჭიკჭიკს. გამთლიანდით სამყაროსთან და უზომოდ ბედნიერი გახდებით.''

www.etaloni.ge
































ტექსტის სანახავად გაიარეთ რეგისტრაცია.