რა ვაჩუქოთ ზოდიაქოს ნიშნებს ძველით ახალ წელს?



საჩუქრის ძიებით თავი რომ არ აიტკიოთ, რამდენიმე ასტროლოგიურ რჩევას შემოგთავაზებთ.

ვერძი
ვერძი ცეცხლის სტიქიას განეკუთვნება, მაგრამ მას სიმშვიდე ესაჭიროება, რომელსაც ზღვის ტალღის ფერის საჩუქრებში იპოვის. ამას გარდა, ვერძი ძალიან თავმოყვარეა და საჩუქარი მის ეგოს გაათამამებს.

კურო
საქმიან და ჯიუტ კუროს ფუფუნების საგნები უყვარს. ამიტომაც შეურჩიეთ თან პომპეზური და თანაც სასარგებლო ნივთი, მაგალითად, ლამაზი კულონი, სახელობითი ბლოკნოტი ან დახვეწილი საწერკალამი.

ტყუპები
კარგი იქნება, ტყუპების საჩუქარი ერთ-ერთ გრძნობას ააქტიურებდეს: ყნოსვას, მხედველობას, სმენას, გემოს, შეგრძნებას. შეგიძლიათ, აჩუქოთ არომატული საპონი, საყურე ან საყვარელი ჯგუფის კონცერტის ბილეთი.

კირჩხიბი
კირჩხიბისთვის იდეალური იქნება: ოქროსა და მარგალიტის საყურეები, ბლოკნოტი ჩანაწერებისთვის ან მოხდენილი სამაჯური - მეტი რაა საჭირო ბედნიერებისთვის?

ლომი
ლომი დიდი გულის მქონე ლიდერია. ამიტომაც რაიმე ნივთი ლომის გამოსახულებით იდეალური საჩუქარი იქნება. ამას გარდა, ლომი ქედს იხრის ფუფუნების წინაშე და იმავდროულად ყურადღების მიქცევა უყვარს.

ქალწული
ქალწული მიწიერი და პრაქტიკულია, მას ძლიერ მოსწონს საჩუქრები, რომლებიც ყოფაცხოვრებაში ანდა სამუშაოზე გამოადგება. მას ერთნაირად გაუხარდება ლამაზი თეფში, სამუშაო დღიური, მაგრამ არც ლამაზ ყელსაბამზე იტყვის უარს.

სასწორი
ბალანსირებული და დაუზარებელი. მას ნებისმიერი საჩუქარი გაუხარდება - ფინჯანი, თეფში, საყურე ანდა სხვა ნივთი სასწორის ატრიბუტიკით.

მორიელი
ვნებიანი და მამაცი მორიელი ცდილობს, ყველაფერი გაიგოს. სწორედ ამიტომ მოსწონს მას ორიგინალური და უჩვეულო საჩუქარი. ქალი მორიელი ჯეროვნად დააფასებს თავისი სიმბოლოთი მორთულ კულონს, მაგრამ არც უბრალო მაისურზე იტყვის უარს.

მშვილდოსანი
ოპტიმისტური, ცეცხლოვანი და მოუსვენარი მშვილდოსნის შესაფერისი საჩუქრის შერჩევა ძნელია. მაგრამ საიუველირო ნაწარმი, აბრეშუმის შარფი ან მობილურის კრეატიული შალითა მას ნამდვილად მოეწონება.

თხის რქა
ყოვლისმცოდნე და პასუხისმგებლიან თხის რქას ყველაფერი მოეწონება, რაც კი მისი ცხოვრების ორგანიზებისას გამოადგება. მაგალითად, შეიძლება აჩუქოთ ტყავის დღიური ან საათი.

მერწყული
მერწყული ყოველთვის სხვებზე ფიქრობს. მოდით, ამჯერად მასზე ვიზრუნოთ და ისეთი საჩუქარი შევურჩიოთ, რაც მის ინდივიდუალობას შეეხამება. ქალ-მერწყულს უჩვეულო ფერის პომადა და იმავე ტონალობის ფრჩხილების ლაქი გააკვირვებს და გაახარებს.

თევზები
მგრძნობიარე თევზებს ხელოვნება და ოცნება უყვართ. ამიტომ თამამად შეგიძლიათ, აჩუქოთ ხელოვნების რაიმე ნიმუში ან სპექტაკლზე დასასწრები ბილეთი.

www.funtime.ge
































ტექსტის სანახავად გაიარეთ რეგისტრაცია.