ცვეტაევას ვაშლის ღვეზელი



ამბობენ, რომ ეს არაჩვეულებრივი ნამცხვარი მარინა ცვეტაევას ძალიან უყვარდა და ეს სახელიც მის გამო ჰქვია. ერთნაირად გემრიელია ცივიც და თბილიც, ნაყინთან ერთად.

ინგრედიენტები:


ცომისთვის:

* კარაქი - 150 გ
* არაჟანი - 1/2 ჭიქა
* ფქვილი - 1.5 ჭიქა
* გამაფხვიერებელი - 1.5 ჩ.კ

კრემისთვის:

* არაჟანი - 1 ჭიქა
* შაქარი - 1 ჭიქა
* ვანილი
* კვერცხი - 1
* ფქვილი - 2 ს.კ
* ვაშლი - 3-4

მომზადების წესები:

კარაქი დაადნეთ და გააგრილეთ.

ფქვილი გაცერით გამაფხვიერებელთან ერთად . კარაქს შეურიეთ არაჟანი, შემდეგ ფქვილი. ცომი ცოტა წებვადია. ფქვილიანი ხელებით გააბრტყელეთ ფორმაში და გვერდებზე ამოიყვანეთ.

მოამზადეთ გულსართი: ვაშლი გათალეთ, გული ამოაჭერით და თხელ ნაჭრებად დაჭერით. გაანაწილეთ ცომზე თანაბრად.

თასში ათქვიფეთ შაქარი და არაჟანი, დაამატეთ ვანილი, შემდეგ კვერცხი. ბოლოს დაამატეთ ფქვილი და კარგად აურიეთ. დაასხით ვაშლებს და ფორმა მსუბუქად შეარხიეთ, რომ კრემი კარგად განაწილდეს. გამოაცხეთ 180 გრადუსზე, 50 წუთი.

www.gemrielia.ge
































ტექსტის სანახავად გაიარეთ რეგისტრაცია.