ქრონიკული დაღლილობის სინდრომი – რეალური პრობლემა



ქრონიკული დაღლილობა არის მენტალური, ფიზიკური და ემოციური გამოფიტვის მდგომარეობა, რომელიც გამოწვეულია ჭარბი სტრესით, რაც სიცოცხლის ინტერესის, ცხოვრების ხარისხისა და მოტივაციის დაკარგვას იწვევს.

ქრონიკული დაღლილობა განსაკუთრებით ამცირებს პროდუქტიულობას და მას სხვადასხვა გამოვლინებები აქვს:


ფიზიკური და ემოციური გამოფიტულობის ნიშნები:

მუდმივი დაღლა, ინსომნია, გულმავიწყობა, მადის დაკარგვა, მღელვარება, დეპრესია, გაღიზიანება.

ცინიზმი და განმარტოება:

პესიმიზმი, თვითიზოლაცია, სიამოვნების დაკარგვა.

არაეფექტურობა:

აპათიის და უიმედობის განცდა, პროდუქტიულობის დაკარგვა, კონცენტრაციის უნარის დაქვეითება.

ქრონიკული დაღლილობის სინდრომი – რეალური პრობლემა


ქრონიკული დაღლილობის სინდრომის მქონე ადამიანებისათვის მთავარი დაბრკოლება არის გამოფიტულობის გრძნობის თანმხლები ნერვული იძულება, დაღლილობის მიუხედავად, მაინც განაგრძონ მუშაობა; ეს კი ართულებს პრობლემასთან გამკლავების შანსებს. ქრონიკული დაღლილობა მოიცავს დასვენების, „არაფრის კეთების“ უნარის დაკარგვას. ის ხელს უშლის ადამიანს, ისიამოვნოს ჩვეულებრივი გართობით, ძილით, სეირნობით, ხანგრძლივი ლანჩით თუ მეგობართან საუბრით.

სამუშაო საათების შემცირებას და იოგას კეთებას, შესაძლოა, პოზიტიური გავლენა ჰქონდეს დაღლილობის შემცირებისათვის, თუმცა ასეთი გადაწყვეტილების მიღება არარეალისტურად გამოიყურება იმ ადამიანისგან, ვინც ფიზიკურად და ფსიქოლოგიურად იტანჯება ქრონიკული დაღლილობით.

როგორ უნდა დავაღწიოთ თავი ქრონიკულ დაღლილობას?

ფსიქოანალიტიკოსი ჯოშ კოჰენი ქრონიკული დაღლილობის ფსიქოლოგიურ საფუძვლებს განიხილავს. გამოცემა „ეკონომისტში“ (The Economist), პაციენტების მაგალითებზე დაყრდნობით, კოჰენი ნათლად აჩვენებს, რომ ქრონიკული დაღლილობის სინდრომი კულტურის ნაწილია.

“პაციენტები ადრეული ბავშვობიდან თავიანთ პიროვნულ ღირებულებას მათ მიღწევებთან აიგივებენ (ამას მშობლებიც უწყობენ ხელს); სწორედ ამიტომ, მუდმივი დაძაბულობის ქვეშ, რომ საუკეთესოები იყვნენ, იფიტებიან და სიცარიელეს გრძნობენ. ეს კი განსაკუთრებით მძაფრდება იმ შემთხვევაში, თუ საკუთარ იდეალურ ხატს არ შეესაბამებიან“, – წერს ჯოშ კოჰენი.

ეს გააზრება მნიშვნელოვნად უწყობს ხელს, კითხვის ნიშნის ქვეშ დავაყენოთ არაცნობიერად გამყარებული სამუშაო ჩვევები და დოგმები, თუ რა არის დროის „პროდუქტიული“ ხარჯვა. იგი გვიბიძგებს ავირჩიოთ ცხოვრების ის წესი, რომელიც ღირებულად მიგვაჩნია, ნაცვლად იმისა, რომ ვიცხოვროთ იმ ცხოვრებით, რომელიც სხვების არჩევანით ან კულტურული გარემოს გავლენითაა განპირობებული.

ქრონიკული დაღლილობის სინდრომი – რეალური პრობლემა


www.m2b.ge
































ტექსტის სანახავად გაიარეთ რეგისტრაცია.