ფორთოხლის სამარხვო ნამცხვარი - გემო, რომელსაც ვერ დაივიწყებთ



მიუხედავად იმისა, რომ ნამცხვრის შემადგენლობაში კვერცხი და კარაქი არ შედის, მისი მდიდარი და განუმეორებელი გემო გულგრილს არავის დატოვებს.

საჭირო პროდუქტი:

* ფქვილი - 430 გრ
* ზეთი - 100 მლ
* წყალი - 100 მლ
* ძმარი - 1 ჩ/კ
* სოდა - 1 ჩ/კ
* შაქარი - 200 გრ
* დარიჩინი - 1/3 ჩ/კ
* ქიშმიში - 150 გრ
* ფორთოხალი - 1 ცალი

მომზადების წესი:

1. ფორთოხალი კარგად გარეცხეთ, გაამშრალეთ და წვრილ სახეხზე კანის ყვითელი ნაწილი გახეხეთ.

2. ფორთოხლის რბილი ნაწილი კარგად გაწურეთ და წვენი ცალკე შეინახეთ.

3. ღრმა ჯამში ჩაასხით ზეთი, დააყარეთ შაქარი და კარგად აურიეთ. დაუმატეთ წყალი, ფორთოხლის ცედრა და წვენი და ისევ კარგად აურიეთ.

4. სოდა ძმარში გახსენით და დანარჩენ ინგრედიენტებს დაუმატეთ.

5. ჯამში ჩაყარეთ გაცრილი ფქვილი და დარიჩინი და ცომი მოზილეთ.

6. გარეცხილი და გამშრალი ქიშმიში ცომში აურიეთ.

7. კექსის ფორმას წაუსვით ზეთი და ცოტაოდენი ფქვილი მოაყარეთ. მოათავსეთ ცომი ფორმაში და 180 გრადუსზე გახურებულ ღუმელში დაახლოებით ერთი საათი აცხვეთ.

8. ღუმელიდან გამოღებული ნამცხვარი გააგრილეთ და სუფრასთან მიტანის წინ თავზე შაქრის პუდრასთან შერეული დარიჩინი მოაყარეთ. გემრიელად მიირთვით.

www.funtime.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.