თმის მოვლა სახლის პირობებში



დავივარცხნოთ თმა სწორად

უკეთესია, თუ თმის დასავარცხნად გამოიყენებთ ნატურალური ხის სავარცხელს ან ჯაგრისს. თმის ვარცხნა ძირებიდან დაიწყეთ. არასოდეს დაივარცხნოთ სველი თმა, ოდნავ მაინც შეიშრეთ. გრძელი თმა ჯერ ხელის თითებით გააცალკევეთ, რამდენადაც შესაძლებელია, და მერეღა დაიწყეთ ჯაგრისით ან სავარცხლით ვარცხნა. ბევრი ქალი დაბანის დროს ივარცხნის თმას, ეს კი დაუშვებელია, რადგან ამ დროს თმის ძირები გაფართოებულია და თმა ცვივა.

დაიბანეთ თმა სწორად

ჩვეულებრივ, ნორმალურ თმას იბანენ 3-4 დღეში ერთხელ, მშრალს - უფრო იშვიათად, 6-7 დღეში ერთხელ, ცხიმიანი თმა კი შეიძლება ორ დღეში ერთხელ დავიბანოთ, ოღონდ სპეციალური შამპუნით.
თმის დაბანა არ შეიძლება ცხელი წყლით, მაგრამ ცივი წყალიც უნდა ავიცილოთ თავიდან. თმის დაბანისას წყალი უნდა იყოს ნელ-თბილი და არ უნდა გამოიწვიოს დისკომფორტი.
თუ ხშირად იბანთ თავს შეგიძლიათ აფთიაქში იყიდოთ კოსმეტიკური ზეთი. მაგალითად ვარდი, ჟასმინი... და მისი 3-4 წვეთი გააზავეთ თქვენს შამპუნში. ეს თქვენს თმას შემატებს ბზინვარებასა და არომატულ სურნელს.


თმის ნიღბები

დაზიანებული თმის აღმდგენი ნიღაბი HairX (ჰეაექს)
დაზიანებული თმის აღსადგენი თერაპიული სისტემის ფარგლებში, დაბანილ თმაზე ყოველკვირეულად დაიდეთ სპეციალური ნიღაბი, დაივარცხნეთ თმა, 5 წუთის შემდეგ კი წყლით ჩამოიბანეთ. ნიღაბში შემავალი აღმდგენი აქტიური აგენტები და შის კარაქი კვებავს, იცავს, არბილებს და ბზინვარებას მატებს თმას.

თმის გაყოფილი ბოლოების სამკურნალო შრატი HairX (ჰეა ექს)
სპეციალური შრატი სილიკონის შემცველი უნიკალური ფორმულით წაისვით დაზიანებული თმის ბოლოების დასაცავად.

მოცულობის მიმნიჭებელი თმის ნიღაბი HairX (ჰეა ექს)

მსუბუქი კრემისებური ნიღაბი VoluMax კომპლექსით უვლის თმას, აძლევს მოცულობასა და ფორმას, ამცირებს სტატიკურ ელექტრობას. შეიცავს შის კარაქს, რომელიც კვებავს თმას, ანიჭებს ბზინვარებასა და სიგლუვეს. შეიზილეთ დაბანილ თმაზე, დაიტოვეთ 5 წთ, შემდეგ ჩამოიბანეთ. გამოიყენეთ ყოველკვირეულად.


თმის ძირების გამაძლიერებელი და სტრუქტურის აღმდგენი სახლის პირობებში მომზადებული თმის ნიღბები

- 2 მწიფე ბანანი აზილეთ, ისე რომ მიიღოთ პიურის მსგავსი ნივთიერება და აურიეთ ერთ კვერცხის გულში. წაისვით ნოტიო თმაზე და დაიტოვეთ 20 წუთი. შემდეგ ჩამოივლეთ თბილი წყალი. ეს თქვენს თმას მიანიჭებს ბზინვარებას.

- კვერცხი და 6 სუფრის კოვზი ნატურალური იოგურტი კარგად აურიეთ ერთმანეთში, წაისვით თმაზე და 10-15 წუთს გაიჩერეთ. თმა თბილი წყლით და თქვენი თმის ტიპისთვის განკუთვნილი შამპუნით ჩამოიბანეთ.

- ერთი ჩაის კოვზი ცისფერი თიხა, ერთი კვერცხის გული და ერთი ჩაის კოვზი თაფლი კარგად აურიეთ, დაამატეთ ერთი ჩაის კოვზი ლიმონის წვენი, ერთი ჩაის კოვზი ნაღების კარაქი და ერთი ჩაის კოვზი მდოგვი. ისევ აურიეთ, მიღებული მასა თმის ძირებში შეიზილეთ და შემდეგ მთელ სიგრძეზე გაანაწილეთ. დაიხურეთ პოლიეთილინის ქუდი და შეიფუთეთ პირსახოცით. ნიღაბი თმაზე 2 საათს დაიტოვეთ და შემდეგ თავი თბილი წყლით და შამპუნით დაიბანეთ. გაიკეთეთ ეს ნიღაბი თვეში ორჯერ.

- თითო სუფრის კოვზი სტაფილოსა და ლიმონის წვენი, ერთი სუფრის კოვზი ალოეს წვენი, ერთი სუფრის კოვზი კონიაკი, ერთი კვერცხის გული და ერთი სუფრის კოვზი ზეითუნის ზეთი ერთმანეთში კარგად აურიეთ, მიღებული ნარევი თმაზე წაისვით და ნახევარი საათს გაიჩერეთ, შემდეგ კი თავი ჩვეულებრივ დაიბანეთ. ეს ნიღაბი თვეში ერთხელ უნდა გაიკეთოთ. ის თმას ყველა აუცილებელი ვიტამინით მოამარაგებს.

წაისვით მხოლოდ ახალმომზადებული ნიღაბი – რამდენიმე საათის შემდეგ მის შემადგენლობაში შემავალ ნივთიერებათა სამკურნალო თვისებები სუსტდება.
გამოკვებეთ თქვენი თმა. ის აუცილებლად დაგიფასებთ მზრუნველობას და განუმეორებელი მომხიბვლელობით დაგაჯილდოებთ.
































ტექსტის სანახავად გაიარეთ რეგისტრაცია.