საზაფხულო დიეტა




შეცვალეთ კვების რაციონი

უარი თქვით ცხიმიან, მარილიან და საფუვრიან პროდუქტებზე. სამაგიეროდ, კვების რაციონში ჩართეთ დიდი რაოდენობით ახალი ხილი და ბოსტნეული, რომლებიც მდიდარია ვიტამინებით, მინერალებით, ცილებითა და ნახშირწყლებით.

გახსოვდეთ, რომ ნახშირწყლების გადამუშავებისას იმაზე მეტი კალორია იწვება, ვიდრე ჩვენი ორგანიზმი ვახშმიდან ითვისებს. ასევე აუცილებელია დილით საუზმე, თუნდაც მხოლოდ იმიტომ, რომ საღამოს ჩვეულებრივზე მეტი არ ჭამოთ. ამიტომ სასურველია, დილით ორგანიზმი კალორიების 20%-ით მაინც მოამარაგოთ.

დილა შეგიძლიათ ხილით ან ბოსტნეულის სალათით დაიწყოთ. ძალიან პოპულარული და სასარგებლოა სილამაზის ფრანგული სალათა, რომელიც შემდეგნაირად შეგიძლიათ მოამზადოთ: აიღეთ 3 სუფრის კოვზი შვრია, დაასხით მცირეოდენი ადუღებული წყალი და 1 საათის განმავლობაში გააჩერეთ.

შემდეგ ერთი სუფრის კოვზი რძე ან იოგურტი, ერთი სუფრის კოვზი თაფლი და ერთი ცალი გახეხილი ვაშლი დაუმატეთ. ყველაფერი კარგად აურიეთ და ლიმონის რამდენიმე წვეთი დაასხით.

ნუ იტყვით უარს წვნიანებზე

დიეტოლოგების აზრით, წვნიანით ჭამის დაწყება მადას კლავს. თუ ერთ თეფშ ნაკლებცხიმიან წვნიანს მიირთმევთ, მალე დანაყრდებით და, რაც მთავარია, ორგანიზმიც ნაკლებ კალორიას აითვისებს. ასევე, კარგია "სუპპიურე" - ბოსტნეულის ნახარში. იგი სასარგებლოცაა და მხოლოდ 70 კალორიას შეიცავს.

რაციონიდან პურს ნუ ამოიღებთ

დიეტოლოგები ამტკიცებენ, რომ წონაში მომატების მიზეზი, როგორც ხშირად გვგონია, სულაც არ არის პური. უბრალოდ, პურზე წასმული კარაქის სქელი ფენა, ჯემი, ლორი და ძეხვი იწვევს წონაში მატებას. ამიტომ თქვენი ორგანიზმისთვის უმჯობესია, თუ კვებით რაციონში ჩართავთ თევზის, ხილისა და ბოსტნეულის ბუტერბროდებს.

კვირაში ერთი დღე მხოლოდ ხილი მიირთვით

ამგვარი განტვირთვა ამაღლებს განწყობას, ააქტიურებს ორგანიზმში ნივთიერებათა ცვლის პროცესს და თან ცხიმებსაც წვავს. ასევე, ახალი ხილი შეიცავს დიდი რაოდენობით მკვებავ ნივთიერებებს, რომლებიც აგაცილებთ შიმშილის გრძნობის თანმდევ სიმპტომებს: თავბრუსხვევას, სისუსტეს, ძილიანობას.

მაგალითად, ვაშლის დღე: მიირთვით 1 კილოგრამი მწვანე ვაშლი, 2 ჭიქა ყავა ან ჩაი - თქვენი სურვილის მიხედვით, მხოლოდ უშაქროდ.

ასევე, შეგიძლიათ მოიწყოთ თქვენთვის სასურველი ხილის დღე.
































ტექსტის სანახავად გაიარეთ რეგისტრაცია.