შევარჩიოთ შამპუნი (თმის მოვლა)



დიდი ხანია შემჩნეულია, რომ ვისაც მშრალი კანი აქვს, მისი თმაც სიმშრალისკენაა მიდრეკილი და პირიქით, ცხიმიანი კანის შემთხვევაში თმაც ცხიმიანია.

ნორმალური ტიპის თმა იშვიათია, უფრო ხშირად კომბინირებული ტიპის თმა გვხვდება. თავის კანისა და თმის ტიპი მთლიანად ორგანიზმის ცხიმოვანი ჯირკვლების მუშაობაზეა დამოკიდებული.
შამპუნი თქვენი თმისა და თავის კანის ტიპის მიხედვით უნდა შეარჩიოთ. გასათვალისწინებელია
ისიც, შამპუნისგან რა ეფექტს ელოდებით.

შამპუნი შეღებილი თმისთვის

ის შეიცავს ზეთს, მაგალითად, ჟოჟობას, ქოქოსის ან ზეითუნის ზეთს, მათ დამატენიანებელი ეფექტი აქვთ, ასეთ შამპუნებში შემავალ პროვიტამინ B5-საც დამატენიანებელი ეფექტი აქვს, ამასთან თავის კანსაც არბილებს, ვიტამინი E, რომელიც ეტიკეტზე ხშირად აღნიშნულია, როგორც ტოკოფეროლი, იცავს თმის ფერსა და თავის კანს, თმის შეღებვის შემდეგ ის ხელს უწყობს კანის მდგომარეობის სწრაფ აღდგენას. კომპონენტი კრეატინი კი თმის სტრუქტურას აღადგენს და დიდხანს ინარჩუნებს შეღებილი თმის ფერს.

თუ თმის მოცულობის გაზრდა გსურთ, შეარჩიეთ შამპუნი თმის მოცულობისთვის. ის შეიცავს კრეატინებს, რომლებიც თმის დაბანისას ისე მოქმედებენ, როგორც თმის დასავარცხნი საშუალებები. რძის პროტეინები კი მაღალმოლეკულურ პოლიმერებთან ერთად გარს ეკვრის თმის თითოეულ ღერს, რითაც ზრდის მის მოცულობას და ამასთანავე იცავს გამოშრობისგან.

შამპუნი მშრალი თმისთვის

ასეთი შამპუნი შეიცავს სხვადასხვა ზეთს, ისინი დამცავ ფენად ეკვრიან თმას და მათ ელასტიურობასა და სიმკვრივეს უბრუნებენ. პანტენოლი და ბიოტონი თავის კანისა და თმის ტენიანობას უზრუნველყოფენ, ასევე აფერხებენ თმის ცვენას. მასში შემავალი ნივთიერებები დაბანისას არ აზიანებს თმას და სათუთად აცილებს ჭუჭყს.

შამპუნი ცხიმიანი თმისთვის

თუ ასეთი შამპუნის შემადგენლობაში აღნიშნულია ძირკვავას ზეთი, ერთდროულად რამდენიმე პრობლემის გადაჭრას შეძლებთ: ძირკვავას ზეთი ამაგრებს თმის ძირებს, ამცირებს თავის კანის ცხიმიანობას, აშორებს ქერტლს. გაითვალისწინეთ ერთი ნიუანსიც: თუ თავის კანი ცხიმიანი გაქვთ, ხოლო თმა-მშრალი, შეიძინეთ შამპუნი ცხიმიანი თმისთვის, ბალზამი კი მშრალი თმისთვის, მოერიდეთ ისეთ საშუალებებს, რომლებზეც მითითებულია "ორი ერთში". ასეთ შამპუნებში შემავალი კომპონენტები რამდენადმე ამცირებს დაბანის ხარისხს
































ტექსტის სანახავად გაიარეთ რეგისტრაცია.