ახალგაზრდობის შენარჩუნების წესები



სწორად მოიშორეთ მაკიაჟი

კოსმეტიკური რძე შეიძლება, კანისთვის მავნებელი აღმოჩნდეს. საქმე ის არის, რომ პროცედურის შემდეგ კოსმეტიკური საშუალება სახეზე რჩება, ფორები იხშობა, კანი ვეღარ სუნთქავს, შედეგად, ვითარდება ანთება და შეშუპება.

ამიტომ უმჯობესია, რძის ნაცვლად ნეიტრალური გელი, ქაფი ან კოსმეტიკური საპონი გამოიყენოთ. ამასთან, წყალი ოთახის ტემპერატურის უნდა იყოს. ძალიან ცივი ან ცხელი წყლის გამოყენებისას კანი სტრესს განიცდის, ჩნდება ეგრეთ წოდებული სისხლძარღვოვანი ვარსკვლავები, კანი გამოშრობას იწყებს. სხვათა შორის, იმავე მიზეზის გამო არ არის რეკომენდებული ყინულის კუბიკების გამოყენება.

დაიცავით რეჟიმი

საღამოს 8 საათიდან ორგანიზმი ძილის რეჟიმში გადასვლას იწყებს, ამიტომ ნებისმიერი რთული პროცედურა მძიმე ტვირთი იქნება მისთვის. შედეგად კი დილით შეშუპებულ, ფორებგაფართოებულ და ქუთუთოებშესივებულ სახეს მივიღებთ.

იგივე პრობლემები შეიძლება წარმოიქმნას, თუ ღამის კრემს ძილის წინ წაისვამთ. ეს პროცედურა დაძინებამდე ორი საათით ადრე უნდა ჩაიტაროთ.

ნიღბები ზომიერად გამოიყენეთ

შინაურ პირობებში ნიღაბი სახეზე 5-7 წუთი, იშვიათად 10 წუთი გაიჩერეთ.
ნიღაბი ჩვეულებრივი წყლით უნდა ჩამოიბანოთ. მინერალური წყლის გამოყენება დაუშვებელია _ მათში შემავალმა მინერალურმა მარილებმა შეიძლება ალერგიული რეაქცია ან კანის სიმშრალე გამოიწვიოს.

უფრთხილდით ღაბაბს

ყელი ყველაზე ადრე გასცემს ასაკს, ამიტომ მისი კუნთები ადრეული ასაკიდანვე უნდა ავარჯიშოთ. ამისთვის, უბრალოდ, დაიცავით რამდენიმე წესი: სიარულის ან მაგიდასთან ჯდომისას ნიკაპი იატაკის ან მაგიდის პარალელურად უნდა გეჭიროთ;
დაიძინეთ უბალიშოდ, თუ ვერ შეძლებთ, მხოლოდ პატარა ბალიში გამოიყენეთ. კარგად გამოიძინეთ

ფერმკრთალი სახე და თვალებქვეშ გაჩენილი ტომრები იმის მანიშნებელია, რომ კანს ჟანგბადი არ ჰყოფნის. გარდა ამისა, ზოგს ძილის უკმარისობა აწუხებს, ზოგს კი, პირიქით, ბევრი ძილი. დღე-ღამეში 12 საათი ძილი კარგად გამოძინებას სულაც არ ნიშნავს.
კიდევ ერთი მნიშვნელოვანი დეტალი: თქვენს საძინებელში ტემპერატურა 15-25 გრადუსს არ უნდა აღემატებოდეს.

ძილის წინ ოთახი აუცილებლად გაანიავეთ: ეს კანს სუნთქვის საშუალებას მისცემს.
































ტექსტის სანახავად გაიარეთ რეგისტრაცია.