მიმიკური ნაოჭების საწინააღმდეგო სავარჯიშოები (სახის მოვლა)



ნაოჭები პირველად თვალებთან, პირთან და შუბლზე ჩნდება. სპეციალისტებმა შეიმუშავეს სავარჯიშოები, რომლებიც თავიდან აგვაცილებს მათ ნაადრევ წარმოშობას.

სავარჯიშოების ამ სერიას ფეისბილდინგი ეწოდება, რაც "სახის მშენებლობას" ნიშნავს.

შუბლი. შუა თითები შუბლზე მიიჭირეთ, არათითები კი წარბებზე. ახლა ეცადეთ, წინააღმდეგობა დაძლიოთ და წარბები ოდნავ ასწიოთ. ამ ვარჯიშის ყველა სერია ფაქიზად ჩაიტარეთ. სახის კანი საკმაოდ ნაზია და ეცადეთ, ზედმეტი არ მოგივიდეთ.

"ბატის ნაფეხურები" პირის კუთხეებსა და ცხვირთან. მოკუმეთ ტუჩები, შემდეგ გაბერეთ. ცხვირსა და პირთან წარმოქმნილ ნაოჭებს თითები მიაჭირეთ.

ლოყები. თითები ტუჩების კუთხეებზე მიიჭირეთ და ეცადეთ, ისე გაიღიმოთ, რომ ტუჩები ერთმანეთს არ დააცილოთ. ამ დროს ყველა კუნთი პირიდან ყურებამდე უნდა დაჭიმოთ.

ყელი. ქვედა ტუჩი, ყბების გაუხსნელად, დაბლა დასწიეთ. ამ დროს იგრძნობთ, როგორ გეჭიმებათ ყელის კუნთები.

თვალებთან და თვალების ირგვლივ.
შუა თითები თვალების კუთხეებზე დაიდეთ, მაგრამ ძალა არ დაატანოთ. დახუჭეთ თვალები, მერე ისევ გაახილეთ. ეს ვარჯიში 5-ჯერ მაინც გაიმეორეთ. ეს სავარჯიშოები ნაადრევი მიმიკური ნაოჭების შემცირებაში დაგეხმარებათ, მაგრამ უმჯობესია, ისინი რაც შეიძლება, გვიან გაგიჩნდეთ.

ამიტომ ეცადეთ, შუბლი ხშირად არ შეიჭმუხნოთ. შეძლებისდაგვარად არიდეთ თავი ნერვულ სტრესსა და უძილობას. რაც მთავარია, გაიღიმეთ - გულწრფელი ღიმილი კანის სინორჩეს ახანგრძლივებს, რადგან ამ დროს სახის კუნთები კარგად "მუშაობენ".



































ტექსტის სანახავად გაიარეთ რეგისტრაცია.