როგორ მოუაროთ კანს ზამთარში



ზამთრის პერიოდი დიდი გამოცდაა როგორც ადამიანის ორგანიზმისთვის, ასევე კანისთვის. სწორედ ის იღებს პირველ დარტყმებს და გვიცავს, თუმცა თუ მას შესაბამისად არ მოვუვლით ამ ფუნქციას დაკარგავს და ვიზუალურადაც არასასიამოვნო სანახავი გახდება. ზამთარში, როცა ტემპერატურა ვარდება, სუსხი და ყინვა აქტიურად ართმევს ტენს და აუწყლოებს კანს. შედეგი კი გამომშრალი და გაუხეშებული კანია. ცივი ჰაერის ზემოქმედების გამო ცხიმის უჯრედები ნაკლებად აქტიურია და კანიც ნაკლებად ელასტიური ხდება.

როგორ ებრძოლოთ ამ არასასიამოვნო პროცესს?


კარგია თუ ზამთრისთვის კანის მოვლას ნაადრევად დაიწყებთ. გამოიყენეთ დღის დამატენიანებელი კრემები, რომლებიც ზამთრისთვისაა განკუთვნილი. იმ შემთხვევაში თუ კანს გაუწყლოებას ამჩნევთ, აუცილებლად დაამატეთ საღამოს დამატენიანებელი კრემი ან მკვებავი.

სახის კანის მოვლის კარგი საშუალებაა ყინულის ნიღაბიც, რომელსაც მერლინ მონრო, ეკატერინე მეორე და კოკო შანელიც კი იყენებდნენ. ყინულის სასწაულმოქმედი ეფექტი კანზე ადვილი ასახსნელი, ის კანზე შეხებისას აციებს ეპიდერმას, უმჯობესდება სისხლის მიმოქცევა, მატულობს ტონუსი და სწორდება პატარა ნაოჭებიც. ყინულის კანზე მიდებით ზედაპირული კაპილარები ვიწროვდება, ღრმა ფენებში კაპილარები ფართოვდება, ხოლო როცა ყინულს მოიშორებთ სახიდან იწყება უკუპროცესი. ზედაპირული კაპილარები ფართოვდება, ივსება სისხლით, ძლიერდება უჯრედებში ნივთიერებათა ცვლა, სწორდება ნაოჭები, ჩნდება ბუნებრივი სიწითლე და კანი იღებს ჯანსაღ ელფერს.

ყინულის გამოყენებისას უნდა დაიცვათ შემდეგი წესები:


1. ყინულის მოსამზადებლად უნდა გამოიყენოთ აფთიაქში ნაყიდი დისტილირებული წყალი
2. უნდა გაითვალისწინოთ კანის ტიპი, რომ ყინულის ზემოქმედებით მშრალი კანი კიდევ უფრო არ გამოაშროთ.
3. პროცედურის ჩატარებისას ყინული სახეზე ამოძრავეთ ჰორიზონტალურად და ვერტიკალურად.
4. ყურადღება მიაქციეთ, რომ არ გადააცივოთ კანი. ერთ ადგილზე ყინულის კონტაქტი არ უნდა აჭარბებდეს 5 წამს. ეს პროცედურა კი 4-5 წუთის განმავლობაში ჩაიტარეთ.
5. პროცედურის დამთავრებისას არ შეიმშრალოთ კანი, აცადეთ კანმა თვითონ შეიწოვოს სისველე.

წყარო: active.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.