მუქი ჩრდილები თვალებქვეშ - როგორ მოვიშოროთ?



როგორ შევნიღბოთ ეს აუტანელი “ჩალურჯება”, ეს “გამყიდველი” შავი ჩრდილები თვალებქვეშ, ყველას გვაინტერესებს - ხანდახან, ზოგს კი - უფრო ხშირად. რა თქმა უნდა, საუკეთესო გადაწყვეტა - გაფერადება და დამალვა კი არა, მათი მოშორებაა. მაგრამ იმისთვის, რომ ეს გააკეთო, ამ ჩრდილების გაჩენის მიზეზი უნდა გაარკვიო.

გავრცელებული მიზეზებია:


1. ყველაზე პრიმიტიული და ადვილად ასალაგმი ჩვევა - გამუდმებით ისრესდე თვალებს. ერთი შეხედვით, ძალიან უწყინარი მოქმედება, მაგრამ ნაოჭების გაჩენასაც ეხმარება და თვალებქვეშ მუქი წრეების გამოჩენასაც. საქმე ისაა, რომ ჩვენი ხელები ყოველთვის ერთნაირად, სტერილურად სუფთა არაა, თვალებქვეშ კანი განსაკუთრებით ნაზია, შეხებით ვაღიზიანებთ ნაზ ცრემლოვანას და ინფექციის გამოწვევაც შეგვიძლია.

2. უძილობა. თუ გადაიქანცებით და გამუდმებით ვერ გამოიძინებთ, სახეზეც აღიბეჭდება. უძილობა დეპრესიის შედეგიცაა ხოლმე და რაიმე მნიშვნელოვანი მოვლენის გამო ნერვიულობითაც. თუ ასეა, წრეების დროებითი მოვლენაა. და მაინც, მსუბუქი დამამშვიდებლებით უძილობასთან ბრძოლა შესაძლებელია. ორგანიზმს სრულფასოვანი დასვენება სჭირდება. ძილის დანაკლისი არასწორი ცხოვრების წესის ბრალიც არის ხოლმე. თუ მთელი დღე მუშაობთ და მთელი ღამე ერთობით, რამე უნდა მოიკლოთ, რომ სიტუაციას უშველოთ და უფრო დიდი პრობლემის წინაშე არ აღმოჩნდეთ. ღამეულ გასეირნებებასა და სახის ჯანსაღ ფერს შორის არჩევანი თქვენი გასაკეთებელია. თუ უძილობის მიზეზს ვერ არკვევთ, ექიმითან ვიზიტის დროა. ხანდახან უძილობა უფრო სერიოზული დაავადების სიმპტომია.

3. ალერგიით გამოწვეული ანთება. თუ უკვე იცით, რა იწვევს ალერგიულ რეაქციას, გამღიზიანებელთან კონტაქტს აუცილებლად მოერიდეთ. თუ ეს შეუძლებელია, საგანგებო სამედიცინო პრეპარატები გამოიყენეთ. ნებისმიერ შემთხვევაში, ექიმთან კონსულტაციაა საჭირო.

4. არასასიამოვნო ჩრდილების მიზეზი ფერმკრთალი კანიც ხდება ხოლმე. ამიტომ პირველ რიგში იმიას, დადგენა სჯობს, ბუნებრივია ეს სიფერმკრთალე თუ არა. თუ კანის ასეთი ფერი მემკვიდრეობითი არაა, საკმაოდ სერიოზული პრობლემის ნიშანიც შეიძლება იყოს: გულ-სისხლძარღვთა და სისხლის დაავადებები.

5. მუქი წრეები შეიძლება მემკვიდრეობითიც იყოს: არც დაავადება და არც ცხოვრების წესი ამ შემთხვევაში, მიზეზი არ არის. ამიტომ სიმართლესთან უფრო ახლოა ის, რომ მუქი წრეები თქვენს სავიზიტო ბარატად გადაიქცევა. ამიტომ მათი შენიღბვა მოგიწევთ, ან იქნებ მოიხდინოთ? ასეც ხომ ხდება?!

6. კანის დაბერების პროცესი. თვალების ქვეშ განსაკუთრებით ნაზი კანია, ის უფრო ადრე კარგავს სიმკვრივეს და თითქოს თხელდება. მერე თითქოს ჰკიდია, ჩნდება ნაოჭები, ხანდახან ე. წ. ტომრები (შესიებული წრეები თვალებქვეშ), ხან კიდევ მუქი წრეები. საერთოდ სიტუაციის გამოსწორებას, მაშინ, როცა კანი უკვე დაბერდა და დროის კვალი აღიბეჭდა, დაბერების პროცესის შენელება წინასწარ სჯობს. ამიტომ სრულიად ახალგაზრდა ქალბატონებმაც კი საგანგებო საშუალებები უნდა შეარჩიონ და იზრუნონ თვალის გარშემო კანის მოთხოვნილებების დაკმაყოფილებაზე.

7. კანს წყალი აკლია. საჭიროა დამატენიანბელი საშუალებები.


წყარო: week.ge
































ტექსტის სანახავად გაიარეთ რეგისტრაცია.