7 რეცეპტი თმის ცვენის შესაჩერებლად



ლამაზი თმა ქალბატონების სავიზიტო ბარათია. სპეციალისტები ამბობენ, რომ თუ დღეში 60-100 ღერი თმა გვცვივა-ეს ნორმალურია, ხოლო თუ ამ რაოდენობაზე მეტი – მაშინ უნდა ივარაუდო, რომ ორგანიზმს რაღაც პრობლემა აქვს. როგორც კი შეამჩნევ მომატებულ თმის ცვენას, გაიკეთე გამოკვლევა ექიმთან. ჩაიტარე თმის ცვენის გამომწვევი დაავადების მკურნალობა და პარალელურად დაეხმარე თმებს ნიღბებით.

ვისაც ეს პრობლემა აწუხებს, მისთვის კარგადაა ცნობილი ძვირადღირებული ნიღბები საფულეს როგორ აცარიელებს, სამწუხაროდ ხშირად უშედეგოდაც კი. ამიტომ გთავაზობთ თმის ცვენის საწინააღმდეგო ხალხურ მეთოდებს:

1. ჭინჭარი
100 გრამ ჭინჭრის ფოთოლს დაასხი 0,5 ლიტრი წყალი და 0,5 ლიტრი ღვინის ძმარი; ხარშე ნახევარი საათის განმავლობაში ნელ ცეცხლზე. ამ ნახარშით ძილის წინ დაიბანე თავი საპნის გამოუყენებლად.


2. მუხა და ხახვი
მუხის ქერქისა და ხახვის ფურცლების თანაბარ რაოდენობას დაასხი 1 ლიტრი მდუღარე წყალი და ადუღე 1 საათი ძალიან დაბალ ცეცხლზე, გააციე და გადაწურე. მიღებული ნაყენით დაისველე თმა. 2 საათის შემდეგ თავი დაიბანე თბილი წყლით.

3. აბუსალათინი და სხვა…
აიღე თითო ჩაის კოვზი-აბუსალათინის ზეთი, ხახვის წვენი, კალენდულას ნაყენი, წიწაკის ნაყენი, თაფლი, კონიაკი და ერთი კვერცხის გული. აურიე ინგრედიენტები ერთმანეთში და თავის კანში შეიზილე. ზემოდან ცელოფანი და შემდეგ პირსახოცი მოიხვიე.

4. ხნა და კეფირი
გახსენი უფერო ხნა შემთბარ კეფირში. ნიღაბი თავის კანზე და თმებზე გადაინაწილე. ჩამოიბანე30 წუთის შემდეგ. პროცედურა რამოდენიმე თვის განმავლობაში ჩაიტარე, კვირაში ერთხელ.

5. ბანანისა და თაფლის ნიღაბი თმის ძირებს ამაგრებს.
დაჭყლიტე 1 ბანანი, დაამატე 2 ჩაის კოვზი დაღერღილი ხორბალი და 50 გრამი თაფლი, კარგად აურიე, ვიდრე ერთგვაროვან მასას არ მიიღებ. წაისვი სუფთა, ტენიან თმაზე და 20 წუთს გაიჩერე. ის განსაკუთრებით მარგებელია დაზიანებული და დამწვარი თმისათვის. თაფლი ღერებს ბზინვარებას მატებს, ბანანი ატენიანებს, ხოლო ხორბლის მარცვლები, რომლებიც ვიტამინებით არის მდიდარი, თმას კვებავს.

6. ნიღაბი თხელი, მსხვრევადი თმისთვის.
აიღე 1 ჩაის კოვზი აბუსალათინის ზეთი; 1 ჩაის კოვზი არყის ხის ფოთლების ნაყენი; 1 ჩაის კოვზი ლიმონის წვენი. ჩამოთვლილი ინგრედიენტები კარგად აურიე ერთმანეთს, ცოტა შეათბე და შეიზილე თავის კანსა და თმაზე. ნიღაბი გაიჩერე 30–40 წუთის განმავლობაში და ჩამოიბანე.

7. მბზინავი და დამყოლი თმა.

დაგჭირდება 1 ჩაის კოვზი კონიაკი, აბუსალათნის ზეთი და ლიმონი. კარგად აურიე და თმის ძირებში შეიზილე. ჩამოიცვი პოლიეთილენის პარკი, შემოიხვიე პირსახოცი და 4 საათი გაიჩერე. შემდეგ ჩამოიბანე. ნიღაბი ეფექტურია, თუ მას კვირაში ერთხელ გაიკეთებ. ეს ნიღაბი თმებს მატებს ბზინვარებას, ხდის დამყოლს და საგრძნობლად ალამაზებს.

წყარო: galanews.ge
































ტექსტის სანახავად გაიარეთ რეგისტრაცია.