უმოძრაობით ორგანიზმში გროვდება ტოქსინები, რაც ხელს უწყობს სხვადასხვა დაავადების განვითარებას



ადამიანის ჯანმრთელობა ბევრ ფაქტორზეა დამოკიდებული: მის ფსიქოლოგიურ მდგომარეობაზე, გარემოზე, ეკოლოგიურ მონაცემებზე, ცხოვრების წესზე, კვების რეჟიმზე, საკვების ხარისხზე და ა.შ. ექიმ -პედიატრის, ლია თვალავაძის თქმით, აგრესიული, ისტერიული, ბოღმიანი, შურიანი, დეპრესიული, პესიმისტური ტიპის ადამიანები ადვილად ავადდებიან ქრონიკული დაავადებებით და შემდგომ ძნელად ექვემდებარებიან მკურნალობას, ვიდრე ოპტიმისტი, კეთილი, მშვიდი და გაწონასწორებულები პიროვნებები.

ლია თვალავაძე:

- ცუდი გუნება-განწყობის დროს, რა მიზეზითაც უნდა იყოს ის განპირობებული, ადამიანის თავის ტვინში არსებული ელექტრო-მაგნიტური რხევები ირევა. სწორედ ამაზეა დამოკიდებული პერიფერიული ნერვული სისტემის, ანუ მთელი ორგანიზმის მდგომარეობა, რადგან ამ რხევებით მიდის ნერვული იმპულსები თითოეულ უჯრედამდე. რაც უფრო დარღვეულია ჰარმონიულობა, მით მეტად ირევა ფუნქციური მდგომარეობა, რასაც ადამიანი სხვადასხვა სახის დისკომფორტით გრძნობს. კარგი მუსიკის, გალობის, ლოცვის, მეგობრული მოფერება-დარიგების, კარგი ფსიქოლოგიური სეანსის ფონზე რხევებიც თანდათან ლაგდება და გადაეცემა მთელ სხეულს. ადამიანი ამ დროს მშვიდდება და მისი ზოგადი მდგომარეობაც უმჯობესდება. რაც უფრო ხშირად ხვდება ადამიანი სტრესულ გარემოში, მით უფრო უძნელდება მისგან გამოწვეულ დისკომფორტს დააღწიოს თავი, ამიტომ ეცადეთ, მოიწყოთ განტვირთვის დღეები თქვენთვის სასიამოვნო გარემოში, საყვარელი, ახლობელი ადამიანების გვერდით, ან განმარტოვდეთ ლამაზ ბუნებაში და დატკბეთ მისი ყურებით.

- ადამიანის ჯანმრთელობის შერყევის სხვა მნიშვნელოვან მიზეზებზეც გვესაუბრეთ?

- ერთ-ერთი მნიშვნელოვანი ფაქტორი ჯანმრთელობის შერყევისა არის სტატიური ცხოვრების წესი, ანუ უმოძრაობა, რასაც ადამიანები ნებით თუ უნებლიედ მიეჩვივნენ. სამსახურში ზიან, ტრანსპირტში - ზიან, სახლში მივლენ და კომპიუტერთან, ან ტელევიზორთან სხდებიან. თავადაც ვერ ხვდებიან, როგორ ეჯაჭვებიან ავტომანქანას. პურის საყიდლად ორი გაჩერების ფეხით გავლის ნაცვლად, იქაც მანქანით მიდიან. სპორტულ დარბაზებსა და ფიტნეს კლუბებში თუ ყველას არ შეუძლია ვარჯიში, ფეხით სიარულს ხომ არც ფული სჭირდება და არც ინვენტარი?

მუდმივად უმოძრაობაში მყოფი ადამიანი ემსგავსება დამდგარ, დაგუბებულ წყალს, რომელშიც ადვილად მრავლდებიან პათოლოგიური ბაქტერიები, პარაზიტები და მავნე მიკროორგანიზმები, რის გამოც წყალი ლპება და ყროლდება. ჩვენი ორგანიზმი შეიცავს 70-80 პროცენტ წყალს. მას სჭირდება მუდმივი ცვლა, რაშიც დიდ როლს ასრულებს კუნთოვანი სისტემა. იგი აიძულებს ლიმფურ სადინარებს და სისხლძარღვებს, ინტენსიურად იმუშაონ, რათა მოხდეს წყლის ცვლა, ანუ ახალი, სუფთა წყლის მიღება და ძველი, გამოსაყოფი ნივთიერებებით გაჯერებულის გამოყოფა. თუ ხშირად არ ვიმოძრავებთ, ორგანიზმში დაგროვდება დიდი რაოდენობით ტოქსინები, პათოლოგიური მიკროორგანიზმები და ეს ხელს შეუწყობს სხვადასხვა დაავადების განვითარებას.

ეს არის ძალიან მწირი ინფორმაცია ასეთ საკითხებზე. შემდგომ აუცილებლად ვისაუბრებთ ჯანმრთელობის შერყევის სხვა ფაქტორებზეც, რომლებზედაც ჩვენი უძვირფასესი ჯანმრთელობა არის დამოკიდებული.

pistalioni.com
































ტექსტის სანახავად გაიარეთ რეგისტრაცია.