რას შეიცავს პომადა. ის რაც აქამდე არ იცოდით



პომადა მსოფლიოში ყველაზე გაყიდვადი კოსმეტიკური საშუალებაა.

ხარისხიანი პომადა ისეთ კომპონენტებს უნდა შეიცავდეს, როგორიცაა ვარდის, კარნაუბისა და ფუტკრის ცვილი, ასევე, ნუშისა და კარიტეს ზეთები. პომადა უნდა შეიცავდეს კაკაოსაც.

ხელოვნური ინგრედიენტების შემცველი პომადის გარჩევა ნატურალურ ინგრედიენტებიანი პომადისგან ადვილია. თუ პომადის წასმის შემდეგ ტუჩები გამოგიშრებათ და აიქერცლება, ე.ი. უხარისხო პომადას ხმარობთ. პომადის ყიდვისას აუცილებლად უნდა გაითვალისწინოთ, რომ ის გლიცერინსა და ვაზელინს უნდა შეიცავდეს.

ვიზუალურად ტუჩებს მენთოლის შემცველი პომადა გაგიზრდით. ასეთი პომადის შემადგენლობაში შედის პიტნა და მენთოლის ზეთი.

არსებობს მოსაზრება, რომ კაშკაშა პომადის ხმარებისას ტუჩების პიგმენტი ქრება. ეს მოსაზრება გადაჭარბებულია, თუმცა ასეთი პომადის ხანგრძლივმა გამოყენებამ შესაძლოა ტუჩებს ნატურალური მბზინვარება და ფერი დაუკარგოს, რადგანაც ტუჩების ქსოვილებში სისხლის მიმოქცევა ფერხდება. ასეთ დროს ტუჩები უფერულდება.

პომადა ორგანულად ითვლება იმ შემთხვევაში, თუ მასში 85 პროცენტზე არანაკლები ნატურალური ინგრედიენტებია. თუ პომადის ეტიკეტზე დაინახავთ წარწერას „ბიო“ ან „ორგანიკ,“ ე.ი. ის ნატურალური კომპონენტებისგან შედგება.

ქალებს პომადის მოხმარება თავდაჯერებულობას ჰმატებს. სამეცნიერო გამოკვლევებმა დაადასტურა, რომ ქალები, ვინც პომადას ყოველდღიურად მოიხმარს, უფრო ხშირად კარგ განწყობაზე არიან. ბევრმა, ალბათ, არც ის იცის, რომ პომადის მომხმარებელ ქალებს, რაოდენ უცნაურიც უნდა იყოს, ხერხემლის პრობლემები არ აწუხებთ.

მეცნიერებმა დაადგინეს, რომ სიცოცხლეში ქალები 4,5 კილოგრამ პომადას ჭამენ, მამაკაცები კი- 1,5 კილოგრამს.

პომადის შენახვის ხანგრძლივობა 1,5-2 წელია. თუ შეამჩნევთ, რომ პომადის გერმეტიკა დარღვეულია, შეცვლილია სუნი და ჰერმეტიკა, ის აუცილებლად უნდა შეცვალოთ. გაფუჭებული პომადის მოხმარებამ შესაძლოა ჰაილიტი (ტუჩების ქსოვილის დაზიანება) გამოიწვიოს.

არ დაგავიწყდეთ პომადის სუფთად შენახვაც. თანამედროვე პომადებს მბრუნავი ფუტლიარი აქვთ, რომელშიც სხვადასხვა სახის ბაქტერიები ადვილად აღწევს. შეეცადეთ პომადა ერთჯერადი პლასტიკური შპატელებით წაისვათ.

gmvideo.net
































ტექსტის სანახავად გაიარეთ რეგისტრაცია.