ბრძოლა ოპორტუნისტულ ინფექციებთან



ოპორტუნისტული ინფექციები (ოპპორტუნისტიც ინფეცტიონს) - ეს არის პირობითად პათოგენური მიკროორგანიზმები, რომლებიც დასუსტებული იმუნური სისტემის მქონე ადამიანებში სხვადასხვა დაავადებებს იწვევენ. ჩვეულებრივ ადამიანებში ეს მიკროორგანიზმები, როგორც წესი, დაავადებას არ წარმოქმნიან. მრავალი მათგანი თითქმის ყველა ადამიანს აქვს ლატენტური ფორმით.

ოპორტუნისტული ინფექციები საშიშია იმ შემთხვევაში, თუკი იმუნური სტატუსი <300. პროფილაქტიკა მდგომარეობს იმაში, რომ:
• გამოირიცხოს დაავადების გამომწვევით (ბაქტერიები, სოკოები, ვირუსები, პარაზიტები) დაინფიცირება;
• დროულად იქნეს დაწყებული წამლების მიღება იმისათვის, რომ დაავადების გამომწვევის აქტივობა შეჩერდეს მანამდე, ვიდრე წარმოიშვება სიმპტომები.

ოპორტუნისტული ინფექციების ზოგიერთი გამომწვევი ადამიანების ორგანიზმში არანაირად არ მჟღავნდება. და მხოლოდ იმ შემთხვევაში, თუკი იმუნური სტატუსი დაბალია, ისინი საშიში დაავადებების გამომწვევები ხდებიან.

პნევმოცისტური პნევმონია.
მისი გამოწვევია მიკროორგანიზმი Pნეუმოცყსტის ცარინიი, რომელიც გარემოში ყველგან არსებობს. პნევმოცისტის ორგანიზმში მოხვედრის თავიდან აცილება შეუძლებელია, ამგვარად თუკი იმუნური სტატუსი 200-ზე ნაკლებია, ამ დაავადების განვითარების თავიდან ასაცილებლად პროფილაქტიკური მიზნით აუცილებელია ბაქტრიმისა ან ბისეპტოლის დანიშვნა.

ტოქსოპლაზმოზი - მისი გამომწვევია უჯრედშიდა პარაზიტი თოხოპლასმა გონდიი, რომელიც 100-ზე ნაკლები იმუნური სტატუსის ადამიანებში იწვევს თავის ტვინის ანთებას _ ენცეფალიტს. ტოქსოპლაზმით დაინფიცირება შეიძლება მოხდეს ნახევრად უმი ხორცის ან კატების ფეკალიებთან კონტაქტით. ინფიცირების შემდეგ ტოქსოპლაზმა დიდხანს ცოცხლობს ადამიანის ორგანიზმში _ მანამდე, ვიდრე იმუნური სტატუსის დაქვეითება მისცემს ინფექციას საშიშ დაავადებაში გადასვლის საშუალებას.

ტუბერკულოზი. თუ ცხოვრებაში ერთხელ მაინც ორგანიზმში მოხვდა ტუბერკულოზის გამომწვევი მიკობაქტერია - თქვენ ხართ ტუბერკულოზის განვითარების მაღალი რისკის მატარებელი, მიკობაქტერიებით ინფიცირება განისაზღვრება მანტუს კანის სინჯის _ აუცილებელია მისი ჩატარება რეგულარულად, წელიწადში ერთხელ მაინც. თუ სინჯი დადებითია (პაპულას დიამეტრი 5 მმ-ზე მეტია), ერთი წლის განმავლობაში უნდა ჩატარდეს პროფილაქტიკური მკურნალობა იზონიაზიდით. მიკობაქტერიებით დაინფიცირებისაგან თავის არიდება ძალიან ძნელია, რადგანაც ინფექციის გადაცემა ჰაერ-წვეთოვანი გზით ხდება.

ციტომეგალოვირუსი _ მას ძალუძს დაბალი იმუნური სტატუსის ადამიანებში თვალის მძიმე დაავადების _ რეტინიტის _ გამოწვევა, რომლის შედეგადაც ადამიანი მხედველობას კარგავს. ციტომეგალოვირუსი აგრეთვე იწვევს კუჭ-ნაწლავის ტრაქტის, ნერვული სისტემისა და ორგანოთა დაავადებებს. რისკი ყველაზე მაღალია, თუკი CD4<50. ციტომეგალოვირუსის ანტისხეულზე დადებითი რეაქციისა და დაბალი იმუნური სტატუსის შემთხვევაში საჭიროა პროფილაქტიკური მკურნალობა (მაგალითად, განციკლოვირით). ციტომეგალოვირუსი არსებობს მრავალი ადამიანის ორგანიზმში, ის ყველაზე ხშირად სქესობრივი გზით გადაიცემა. თუ თქვენ ციტომეგალოვირუს-უარყოფითი ხართ, დაიცავით თავი უსაფრთხო სექსის ან პრეზერვატივების გამოყენებით.

სოკოვანი ინფექციები - მათ შორის ყველაზე მეტად გავრცელებული კანდიდოზებია. ისინი წარმოიშვება აივ-ინფექციის ნებისმიერ სტადიაზე და ექვემდებარება მკურნალობას. დაბალი იმუნური სტატუსის დროს საშიშია საყლაპავი მილის კანდიდოზი. არანაკლებ საშიშია სხვა სოკოვანი ინფექციაც _ კრიფტოკოკური მენინგიტი, რომელიც CD4<50 დროს ჩნდება. ორივე შემთხვევაში აუცილებელია დაუყოვნებლივი მკურნალობის დაწყება, რომელიც უნდა გაგრძელდეს სიმპტომების გაქრობის შემდეგაც.

ბაქტერიული ინფექციები. აივ-ინფექციის დროს ბაქტერიებით დაინფიცირებისას შეიძლება განვითარდეს ბაქტერიული პნევმონია. რისკი იზრდება, თუ ადამიანი თამბაქოს ან ნარკოტიკების მომხმარებელია. პნევმოცისტული პნევმონიის პროფილაქტიკა ხელს უწყობს ბაქტერიული პნევმონიის თავიდან აცილებასაც. ბაქტერიები, შესაძლოა, კუჭ-ნაწლავის სისტემის მძიმე დაავადებების მიზეზიც გახდეს.

ჰერპეს-ვირუსები. ფართოდ გავრცელებული ინფექცია _ ჰერპესი - დაბალი იმუნური სტატუსის შემთხვევაში სერიოზულ პრობლემას წარმოადგენს. თუ თქვენ არა ხართ ინფიცირებული, თავი აარიდეთ ინფექციებს, რომლებიც სქესობრივი გზით არის გადამდები, ასევე ერიდეთ ადამიანებს, რომლებსაც ჰერპესის აქტიური ფორმა აქვთ.

გახსოვდეთ: აივ-ინფექციის ნებისმიერ სტადიაში ერიდეთ უმ კვერცხს, ნახევრადუმ ხორცს (მათ შორის ფრინველისას), არაპასტერიზებულ რძეს. თუ გყავთ შინაური ცხოველები, გაფრთხილდით მათი ფეკალიების ალაგებისას. წყალი, გაურეცხავი ხილი და ბოსტნეული, დაუბანელი ხელები _ თქვენთვის საშიში ინფექციების წყაროს წარმოადგენს.
































ტექსტის სანახავად გაიარეთ რეგისტრაცია.