ისევ წახვედი და მიმატოვე

ისევ წახვედი და მიმატოვე

(isev waxvedi da mimatove)


ისევ წახვედი და მიმატოვე
ისე დამშორდი არც გამაფრთხილე
ისე ვტიროდი არც შეგეცოდე
ისე ვნანობდი რომ შეგიყვარე
სულ დრო მაჩერებს
სულ სხვას მახვედრებს
თანდათან ვხვდებიდი
დროს ვერ ვაჩერებ
გული ბაგუნობს
ცრემლი მატულობს
ღმერთი თან მირჩევს...

მე გადავწყვიტე ვიქცე ჰაერად

მე გადავწყვიტე ვიქცე ჰაერად

(me gadavwyvite viqce haerad)


მე გადავწყვიტე ვიქცე ჰაერად,
რომ ჩამისუნთქო,
მე ჩემს სურვილებს ოცნებებივით
ჩუმად ვინახავ,
მე გადავწყვიტე ვიქცე მთვარედ,
ცაში ვიქნები,
და "ღმერთო ჩემო”-ს როცა იტყვი,
ხომ დამინახავ…
მე გადავწყვიტე ვიქცე ლექსად,
რომ წამიკითხო,
მერე დადუმდე…
დაგადუმებს დროის დაკარგვა,
მე გადავწყვიტე ამ ქვეყნიდან გადავიკარგო,
რომ ერთხელ მაინც მოგენატროს
ჩემი დანახვა…

გარეთ წვიმს

გარეთ წვიმს

(garet wvims)


გარეთ წვიმს და ჩემს ფანჯარას
წვიმის წვეთი ეფერება,
შენზე ფიქრი გამიტაცებს
და ადვილად ვერ მელევა.
ოცნებებიც მომაკითხავს
გამაქროლებს ისევ სადღაც,
და წვიმის ხმა დამაბრუნებს
ჩემს ადგილას ისევ, დამთვრალს.
თითქოს ტირის ჩემთან ერთად
და მიყუჩებს დიდ იარებს,
ცხოვრებამ რომ მომისაჯა
იმ ტკივილსაც იზიარებს,
ზეცამ იცის რომ მიყვარხარ,
ისიც იცის ვერ გივიწყებ.
მხილველია ყოველ ღამით
შენზე ფიქრით რომ ვიძინნებ,
ზეცამ ხედავს როგორ მტკივა
ზეცამ იცის როგორ ვწვალობ
ამიტომაც ყოველ ღამით
შენზე ფიქრებს მას ვუამბობ.

დაკარგულ სიყვარულს ნუ დაელოდები...

დაკარგულ სიყვარულს ნუ დაელოდები...

(dakargul siyvaruls nu daelodebi)


დაკარგულ სიყვარულს ნუ დაელოდები,
ნუ დაღვრი უაზროდ ცრემლს,
გაქცეულ მეგობარს ნუ გაეკიდები
ტყუილად დაიღლი ნერვს....
რასაც ვერ მიწვდები, პოტინს ნუ დაუწყებ,
თორემ გაიღიმებს ღმერთი...
თუკი გიწერია მისი დაბრუნება,
თვითონ დაგიბრუნებს ღმერთი....
შენი სიყვარული ისევ შენთან მოვა,
ბოლომდე იქნება შენი....
ოღონდ ერთი გწამდეს, ცხოვრების დიდ გზაზე
იწამე უფალი ღმერთი !!!

სიყვარულის წვიმა იყო

სიყვარულის წვიმა იყო

(siyvarulis wvima iyo)

სიყვარულის წვიმა იყო მაგრამ სულ არ დავსველდი,
ყველა სადღაც მიდიოდა მე კი მაინც გავჩერდი...
თუმცა ირგვლივ ცეცხლი ენთო მე კი მაინც მციოდა
მშვენიერი ცხოვრებისგან თვალზე ცრემლი მდიოდა.......

მივდიოდი მარტოდ მარტო მომყვებოდა აჩრდილი,
მივდიოდი ჩემთვი ჩუმად და მომესმა ძახილი......!

მივიხედე გაოცებით და შევხედე იცი რას?
დღე პირველად შენ აჩრდილმა ჩემთან ერთად იტირა...

გზა გავნაგრძე თუმცა აჩრდილს გული ისევ სტკიოდა,
თუმცა ირგვლივ ცეცხლი ენთო მე უშენოდ მციოდა..

თუ გინდა რომ მიპოვო

თუ გინდა რომ მიპოვო

(tu ginda rom mipovo)

თუ გინდა რომ მიპოვო და შემიგრძნო,
შორს ნუ მეძებ!
მანდვე ვარ...
შენს გულში..
გინდა ჩემს გულისცემას მოუსმინო?
საკუთარ გულზე დაიდე ხელი,
შენი გულისცემა ჩემი გულისცემაა...
როცა ერთმანეთზე ვფიქრობთ, გული ერთნაირად
გვიცემს...
ასე რომ, დაიდე გულზე ხელი და გაიგონებ ჩემს
გულისცემას...
ხომ ხედავ, რა ახლოს ვართ ერთმანეთთან,
აქვე მყავხარ გულში,
შენი ტარებაც კი შემიძლია,
გამუდმებით თან დამყავხარ ყველგან,
ჩვენ სულ ერთად ვართ.
დაფიქრდი განა ასე არ არის?
განა სულ ჩემთან არ ხარ ფიქრებით?
მე შენ გული მოგპარე,
ჩემი გული კი შენ გაქვს,
სიყვარულისთვის ესაა მთავარი

მშობლიური ეფემერა

მშობლიური ეფემერა

(mshobliuri efemera)


ვეღარ ვცნობილობ მშობლიურ ხეებს,
ზამთარს ბილიკი დაუტანია...
,,დიდი ხანია? - მივმართავ ტყეებს
და ტყე გუგუნებს: ,,დიდი ხანია!

შეხავსებია კლდეები კლდეებს,
იქ ვიღაც კვნესის დიდი ხანია.
,,ამირანია?” - მივმართავ ტყეებს
და ტყე გუგუნებს: ,,ამირანია!

ეს მძაფრი კვნესა მიწამლავს დღეებს,
ის გული ისევ ჩემი გულია...
,,დაკარგულია? - მივმართავ ტყეებს
და ტყე გუგუნებს: ,,დაკარგულია!

გუგუნებს თერგი, ხმაურობს თერგი,
მზე ჩავა, ჯერ კი შორსაა ბინდი...
ფერების ჭევრი ირევა ბევრი,
ლალების ტევრი - ლილა და შვინდი.

ყაზბეგის შუბლი შემოსეს ღრუბელით
და ცა ალუბლით სავსეა... კმარა,
ყვავილთა ციდან კალათებს ცლიდნენ,
დარიალიდან ზარავდა ზარა.

სულ ერთი წამით განსაცდელ ჟამად,
შეხვედრა ჩუმი მე შენად მერგო,
მოგონებებით, რაც ჩემს გულს ანთებს,
იმ ძვირფას ლანდებს გადაეც, თერგო!

შეხავსებია კლდეები კლდეებს,
იქ ვიღაც კვნესის დიდი ხანია.
,,ამირანია? - კვლავ ვკითხავ ტყეებს
და ტყე გუგუნებს: ,,ამირანია!

1915 წ.

რადგან ქალი ლაზია და ნაზი მოვლა სჭირდება

რადგან ქალი ლაზია და ნაზი მოვლა სჭირდება

(radgan qali lazia da nazi movla schirdeba)


ღმერთო შეგთხოვ გულით ამ გულს გულიანად გაუგო,
ალერსით და მოფერებით ტკივილები გაუქრო.
მაშინ ფერი ვარდის მათაც აღარ დაუბინდდებათ,
რადგან ქალი ლაზია და ნაზი მოვლა სჭირდება.

რადგან ქალი რთველია და ვნებით დაიკრიფება,
რადგან ქალი წყაროა და წვეთად დაიწრიტება,
შემოდგომის ფოთოლთცვენით ფერიც გაუყვითლდება,
მოეფერეთ სანამ ფერი ვარდისფერი იქნება.

ქალი, ქალი, ქალი - მარგალიტის თვალია,
დიდების და უკვდავების წმინდა კელაპტარია,
ღვთისმშობელი მარიამი - სალოცავი ხატია,
ქალი - სამყაროს გვირგვინი, მზე და დედოფალია.

არ გეგონოს

არ გეგონოს

(ar gegonos)


არ გეგონოს, რომ მიყვარდე ქალავ,
მე მხოლოდ ყვითელ დალალებს ვეტრფი,
ეს გული რამდენ ტკივილებს მალავს,
რამდენი ვთქვი და რამდენი ვერ ვთქვი.

სიყვარულისა რა გითხრა ქალავ,
თუ ვეღარ ვუძლებ მწარე მარწუხებს,
შენდამი ტრფობას ჩემს გულში ვკრძალავ,
ვკრძალავ და უფრო ძლიერ მაწუხებ.

არ ვიცი იქნებ მიყვარხარ ქალავ,
ან თმები მიყვარს მხრებზე რომ იხვევ,
ხევსურ კაცივით სიყვარულს ვმალავ
და პოეტივით ლექსებად გიმხელ.

უშენოდ წამი ჩემთვის დღე არის

უშენოდ წამი ჩემთვის დღე არის

(ushenod wami chemtvis dge aris)

უშენოდ წამი ჩემთვის დღე არის
შენი ცრემლი კი ჩემთვის სიკვდილი
შენ ხარ პეპელა ბაღში ნავარდობ
მე პატიმარი ციხის ვალს ვიხდი
როცა გითხარი, რომ შემიყვარდი
მომეფერე და გულში დამცინე
ისევ მახსოვხარ ვერ დაგივიწყე
და ისიც მახსოვს როგორ ვიტირე.


Âñ¸ íåîáõîäìîå äëÿ äâèæêà DLE