შემწვარი თევზი მაიონეზით

shemwvari tevzi maionezit
მასალა:

1 კგ. თევზი (მაგ. სიგა, კეფალი, სკუმბრია)
100 გრ. ზეთი
300 გრ. მაიონეზი და წყალი
3-4 ძირი ქინძი
2-3 კბილი ნიორი
3 ს.კ. ფქვილი
მარილი გემოვნებით

მომზადების წესი:

კარგად გასუფთავებული თევზი დაჭერით, ამოავლეთ ფქვილისა და მარილის ნარევში, ადუღებულ ზეთში ორივე მხრიდან კარგად შეწვით და გამოაცალეთ ძვლები.
ცალკე აიღეთ მაიონეზისა და წყლის თანაბარი რაოდენობა, კარგად აურიეთ, ადუღეთ 2-3 წუთი, დაამატეთ მარილთან ერთად დანაყილი ნიორი, წვრილად დაჭრილი და დანაყილი ქინძი; შეაზავეთ მარილთან და დაასხით შემწვარ თევზს.

შემწვარი ქვირითი

shemwvari qviriti
ქვირითი

ნებისმიერი თევზის ქვირითი ზეთში შეწვით. მოხრაკული ხახვი და ცოტა შავი პილპილი ზემოდან მოაყარეთ. ირგვლივ კარტოფილის პიურე ან შემწვარი კარტოფილი შემოუწყვეთ, შემდეგ – ორად გაჭრილი მჟავე კიტრის გრძელი ნაჭრები და მოაყარეთ დაჭრილი მწვანილი.


შემწვარი თევზი პამიდვრით

shemwvari tevzi pamidvrit
მასალა:

1 კგ. თევზი (მაგ. სიგა, კეფალი, სკუმბრია)
1 კგ. პამიდორი
4 თავი ხახვი
მჭადის ფქვილი და ზეთი შესაწვავად
მარილი გემოვნებით

მომზადების წესი:

კარგად გასუფთავებული თევზი დაჭერით, ამოავლეთ მჭადის ფქვილისა და მარილის ნარევში და ორივე მხრიდან შეწვით ზეთში; გამოაცალეთ ძვლები.
ცალკე ზეთში მოშუშეთ წვრილად დაჭრილი ხახვი; დაამატეთ გაფცქვნილი და დაჭრილი პამიდორი. შეაზავეთ მარილით, როცა კარგად ჩაიშუშება. დაასხით მიღებული მასა შემწვარ თევზს, გააჩერეთ რამდენიმე საათით და შემდეგ გემრიელად მიირთვით.

თევზის წვნიანი ბერძნულად

tevzis wvniani berdznulad
მასალა:

250 გ ზღვის თევზი
30გ ხახვი
500 გ წყალი
10 გ მწვანილი
10გ ფქვილი
10 გ კარაქი
50 გ პამიდორი (ან ტომატის პასტა 10 გ)
20 გ ნაღები
პილპილი, მარილი
დაფნის ფოთოლი

მომზადების წესი:

გავასუფთაოთ თევზი (ქორწილა ან ზღვის სხვა თევზი), მოვაცილოთ თავი, კანი, ხერხემალი და დავჭრათ ნაჭრებად. თავი, კანი და ძვლები ჩავაწყოთ ქვაბში, დავასხათ წყალი, დავამატოთ ხახვი, მწვანილი, პილპილი (მარცვალი), დაფნის ფოთოლი და ვხარშოთ 30 წუთის განმავლობაში. მიღებული ბულიონი გადავწუროთ, ჩავამატოთ თევზის ნაჭრები და ვადუღოთ დაბალ ცეცხლზე მოხარშვამდე. ცალკე ტაფაზე კარაქში მოვშუშოთ ფქვილი, შევურიოთ ცოტა ბულიონის წვენი და ჩავასხათ ბულიონში. შემდეგ დავამატოთ პამიდორი ან ტომატის პასტა, დანაყილი ნიორი, ნაღები, პილპილი, მარილი და წვნიანი წამოვადუღოთ. ცეცხლიდან გადმოღების შემდეგ გავაჩეროთ თავდახურულ ქვაბში 5-10 წუთის განმავლობაში.

სალამისი (თევზის ფილე ბერძნულად)

salamisi tevzis file berdznulad
მასალა:

250 გ თევზის ფილე
20 გ ლიმონის წვენი
20 გ ზეთი
40 გ ხახვი
30 გ თეთრი ღვინო
2 გ ნიორი
50 გ ბულგარული წიწაკა
100 გ კიტრი
100 გ პამიდორი
5 გ მწვანილი
პილპილი, მარილი

მომზადების წესი:

თევზის ფილეს მოვასხათ ლიმონის წვენი და მოვაყაროთ მარილი. ტაფაზე დავასხათ ზეთის ნახევარი (მითითებული ნორმის), მოვშუშოთ მასში წვრიალდ დაჭრილი ხახვი, ნიორი, შემდეგ დავაწყოთ თევზი, მოვასხათ ღვინო, მოვაყაროთ მწვანილი და ვხარშოთ 10-15 წუთის განმავლობაში თავდახურულ ტაფაში. დავჭრათ თხელ რგოლებად ბულგარული წიწაკა და დარჩენილ ზეთში შევწვათ ცალკე ტაფაზე. 10 წუთის შემდეგ წიწაკას დავუმატოთ ნაჭრებად დაჭრილი, გაფრცქვნილი კიტრი, 5 წუთის შემდეგ დავამატოთ შუაზე გაჭრილი პამიდორი და შევაზაოთ გემოვნებით პილპილითა და მარილით. როცა ბოსტნეული მზად იქნება, გადავიტანოთ ტაფაზე, სადაც თევზია და ვშუშოთ 5 წუთის განმავლობაში თავდახურულ ჭურჭელში, დაბალ ცეცხლზე. მაგიდასთან მივიტანოთ ცხელი თეთრ პურთან ან კარტოფილთან ერთად.

თევზის კვერები იაპონურად

tevzis kverebi iaponurad
მასალა:

500 გრამი თევზი
1 სუფრის კოვზი სიმინდის ფქვილი
1 კონა ოხრახუში
1 ჩაის კოვზი მცენარეული ზეთი
1 სუფრის კოვზი ღვინო
პილპილი და მარილი გემოვნებით

მომზადების წესი:

თევზს გავაცალოთ ფხა, გავატაროთ ხორცსაკეპ მანქანაში და დავუმატოთ სიმინდის ფქვილი, კვერცხის გული, ზეთი, წვრილად დაჭრილი ოხრახუში და ღვინო. ცალკე ავთქვიფოთ კვერცხის ცილაში ცოტაოდენი შაქარი, მარილი, პილპილი. დავუმატოთ მომზადებული მასა და კარგად ავურიოთ. მიღებული ნარევი დავყოთ პატარა ზომის გუნდებად და შევწვათ ცხიმიან ტაფაზე ირივე მხრიდან.

შემწვარი ძროხის ხორცი სოკოთი

shemwvari dzroxis xorci sokoti
მასალა:

400 გრამი საქონლის მჭლე ხორცი
1/2 ჩაის ჭიქა წითელი მშრალი ღვინო
120 გრამი ქამა სოკო
4 სუფრის კოვზი ზეთი
პილპილი და მარილი გემოვნებით

მომზადების წესი:

საქონლის ხორცი დაჭერით 2 სმ. სისქის ნაჭრებად. დაბეგვეთ, მოაყარეთ პილპილი, მარილი და შეწვით ზეთში.
ხორცი გადმოიღეთ ლანგარზე. შეწვისას დარჩენილ ცხიმს დაუმატეთ ღვინო, თხლად დაჭრილი ქამა სოკო და შუშეთ 15 წუთით.
ხორცს მოასხით სოკოს სოუსი და გარნირად გამოიყენეთ შემწვარი ან მოხარშული კარტოფილი.

შემწვარი სოკო ჩინურად

shemwvari soko chinurad
მასალა:

20 გრ კარაქი
2 კბილი ნიორი
1 ჩ/კ დაფქვილი კამა
1 ჩ/კ დაფქვილი ქინძი
1 ს/კ სოიას სოუსი
1 ს/კ კარტოფილის ფქვილი
750 გრ სხვადასხვა ჯიშის სოკო
2 ს/კ მშრალი თეთრი ღვინო
4 ცალი მწვანე ხახვი
1/4 ჭიქა წვრილად დაჭრილი რეჰანი
2 ს/კ წვრილად დაჭრილი ოხრახუში
მარილი და პილპილი გემოვნებით

მომზადების წესი:

გაახურეთ ვოკი, დაამატეთ კარაქი, ზეთი და აბრუნეთ ისე, რომ ცხიმი მის მთელ ზედაპირს მოედოს. დაამატეთ დაჭყლეტილი ნიორი, კამა, ქინძი, მარილი, პილპილი და მუდმივად ურიეთ. დაამატეთ სოკო და შუშეთ 3-4 წუთის განმავლობაში. სოკოს დაასხით ღვინის, სოუსის და ფქვილის ნაზავი და წამოადუღეთ. ნახევარი წუთის განმავლობაში გააჩერეთ თავდახურული. დაამატეთ დაჭრილი მწვანე ხახვი, ოხრახუში, რეჰანი და ამოურიეთ.

სოკოს კატლეტი

sokos katleti
მასალა:

400 გ სოკო
1 თავი ხახვი
4 ს.კ. ზეთი
100 გ პური
100 გ არაჟანი
70 გ რძე
20 გ კამა
1 კვერცხი
2 კბილი ნიორი
პილპილი, მარილი და საფანელი

მომზადების წესი:

მოხრაკულ ხახვში ჩაყარეთ დაჭრილი სოკო, დაასხით 2 სუფრის კოვზი წყალი და მოშუშეთ 10 წუთით თავდახურული. შემდეგ გააგრილეთ და გაატარეთ ხორცსაკეპში. რძეში დაალბეთ პური, გაწურეთ და შეაზილეთ სოკოს. დაუმატეთ დაკეპილი კამა, სანელებლები, კვერცხი, საფანელი. სოკოს პატარა ზომის კვერები შებრაწეთ ზეთში ძლიერ ცეცხლზე.
სოუსისთვის დანაყილი ნიორი, პილპილი და მარილი შეათქვიფეთ არაჟანს. გარნირად მიაყოლეთ შებრაწული კარტოფილი.

ომლეტი ესპანურად

omleti espanurad
მასალა:

2 კვერცხი
15 გ სახამებელი
50 გ რძე
20 გ შპიკი
20 გ ხახვი
20 გ სოკო
5 გ ზეთი
დაფქვილი წითელი წიწაკა
პილპილი და მარილი

მომზადების წესი:

კვერცხი ავთქვიფოთ სახამებელთან, რძესთან მარილთან და წითელ წიწაკასთან ერთად. შპიკი დავჭრათ ნაჭრებად, ხახვი დავკეპოთ, სოკო გავასუფთავოთ და დავჭრად პატარა ნაჭრებად. შოიკი მსუბუქად შევწვათ, დავუმატოთ ხახვი, მოვშუშოთ 10 წუთი, მოვაყაროთ პილპილი და მარილი. მოშუშული სოკო გავაციოთ, ფრთხილად შევურიოთ კვერცხს და სწრაფად შევწვათ ზეთში.


Âñ¸ íåîáõîäìîå äëÿ äâèæêà DLE