ქამა ან კალმახა სოკო ერბო-კვერცხით

qama an kalmaxa soko erbo-kvercxit
მასალა:

600 გრამი სოკო
100 გრამი ხახვი
2 სუფრის კოვზი დაჭრილი მწვანილი
2 სუფრის კოვზი ერბო
3 ცალი კვერცხი
მარილი გემოვნების მიხედვით

მომზადების წესი:

კარგად დარჩეული გარეცხილი სოკო დავჭრათ წვრილად და მოვხრაკოთ ერბოში ხახვთან ერთად. მოვაყაროთ მარილი. კარგად რომ მოიხრაკება, ჩავასხათ ათქვეფილი 3 კვერცხი და კიდევ ვადუღოთ 5 წუთის განმავლობაში. შემდეგ გადმოვიღოთ თეფშზე, ზემოდან მოვაყაროთ მწვანილი.

შემწვარი ბრინჯი სოკოთი

shemwvari brinji sokoti
მასალა:

4 ჭიქა მოხარშული ბრინჯი
8 კბილი ნიორი (დაჭყლეტილი)
500გრ სხვადასხვა ჯიშის სოკო
5 ცალი მწვანე ხახვი
2 ს/კ ზეთი
1/2 ს/კ სოიას სოუსი
3 ს/კ მშრალი თეთრი ღვინო
1 ს/კ ქათმის ბულიონი
1/5 კონა ქინძი
მარილი და პილპილი გემოვნებით

მომზადების წესი:

გახურებულ ვოკს დაასხით ზეთი და აბრუნეთ ისე, რომ ცხიმი მთელ ზედაპირზე მოედოს. შეწვით ნიორი და სოკო მაღალ ცეცხლზე 2-3 წუთის განმავლობაში, თან მუდმივად ურიეთ. დაამატეთ წვრილად დაჭრილი ხახვი, შემდეგ დაასხით ღვინო და შუშეთ.

შეურიეთ ერთმანეთს სოიას სოუსი, ბულიონი, დაამატეთ მარილი და პილპილი გემოვნებით. მოასხით მოხარშულ ბრინჯს და ამოურიეთ.

ბრინჯი გადაიტანეთ ვოკში და შეურიეთ სოკოს. შუშეთ 2-3 წუთის განმავლობაში, თან მუდმივად ურიეთ. მოაყარეთ წვრილად დაჭრილი ქინძი დ ამიირთვით სანამ თბილია.

თევზი სოკოთი

tebvzi sokoti
მასალა:

1 კილოგრამი თევზი
1/2 ჩაის ჭიქა ზეთი
2 ცალი ხახვი
1/2 კილოგრამი სოკო
100 გრამი მწვანილი
3 ცალი სტაფილო
3 სუფრის კოვზი ღვინო
1 ცალი ლიმონი

მომზადების წესი:

ნედლი თევზი გაასუფთავეთ, გარეცხეთ და მოხარშეთ მარილწყალში. წვრილად დაჭრილი ხახვი ზეთში მოშუშეთ, დაამატეთ ქამა სოკო, წვრილად დაჭრილი ოხრახუშის და ნიახურის ძირები, მრგვალ ნაჭრებად დაჭრილი სტაფილო.

მეორე ქვაბში ჩააჭყეთ მოხარშული, დაჭრილი თევზი და ზედ ზეთი დაასხით. როცა მოიშუშება, ცოტა თეთრი ღვინო დაასხით. წამოდუღებისას გადმოდგით.

თევზი დიდ თეფშზე გადმოიღეთ, ზედ მოხრაკული ხახვი და სოკო მოაყარეთ. გვერდებზე და ზემოდან შემოუწყვეთ ლიმონის ტხელი ნაჭრები, მოაყარეთ წვრილად დაჭრილი მწვანილი. მიირთვით გემრიელად.

ქამა სოკო ბერძნულად

qama soko berdznulad
მასალა:

120 გ სოკო
50 გ წყალი
5 გ თეთრი ღვინო
25 გ ზეთი
5 გ ლიმონის წვენი
დაფნის ფოთოლი
პილპილი- მარილი

მომზადების წესი:

ავურიოთ ერთმანეთს წყალი, თეთრი ღვინო, ზეთი, ლიმონის წვენი, დაფნის ფოთოლი, პილპილი, მარილი და ვადუღოთ დაბალ ცეცხლზე 5 წუთის განმავლობაში. გასუფთავებული სოკო დავჭრათ ოთხ ნაწილად, ჩავაყაროთ მომზადებულ ნახარშში და ვხარშოთ 6-8 წუთის განმავლობაში. მაგიდასთან მივიტანოთ ცივი.

სოკო არაჟნით

soko arajnit
მასალა:

600 გრამი სოკო
1 ჩაის ჭიქა არაჟანი
მარილი გემოვნების მიხედვით

მომზადების წესი:

კარგად დარჩეული სოკოები რამდენიმეჯერ გავრეცხოთ ცივ წყალში, მოვაყაროთ მარილი და ასე დავტოვოთ 1 საათს. შემდეგ ერთხელ კიდევ გადავავლოთ ცივი წყალი, ჩავყაროთ მდუღარეში და ვადუღოთ 5-10 წუთის განმავლობაში. ამოვიღოთ და დავაწყოთ ტაფაზე, ზედ მოვასხათ 1 ჩაის ჭიქა არაჟანი და შევდგათ ცხელ აირღუმელში. სუფრაზე მივიტანოთ იმავე ტაფით, რომლითაც სოკო შევწვით.

კალმახა სოკო ნიგვზით

kalmaxa soko nigvzit
მასალა:

600 გრამი სოკო
100 გრამი ხახვი
2 სუფრის კოვზი ზეთი
1 ჩაის ჭიქა ნიგოზი
ქინძი, წიწაკა და მარილი გემოვნების მიხედვით

მომზადების წესი:

კალმახა სოკო დავარჩიოთ, გავრეცხოთ და დავჭრათ გრძლად, ჩავყაროთ ცივ წყალში. შემდეგ ხელით მაგრად დავწუროთ, მოვათავსოთ ფიცარზე და დავკეპოთ დანით ძალიან წვრილად. ასევე წვრილად დავკეპოთ 5 თავი ხახვი. ჩავყაროთ ერთ ქვაბში, დავასხათ ცხელი წყალი და ვხარშოთ დაახლოებით ნახევარი საათის განმავლობაში. წყალი რომ შეაშრება, დავუმატოთ 2 სუფრის კოვზი ზეთი და 2 სუფრის კოვზი წყალი. კიდევ ვადუღოთ ცოტა ხანს. შემდეგ გადმოვიღოთ თეფშზე და ზემოდან მოვაყაროთ დანაყილი ნიგოზი და ცოტა პილპილი, აგრეთვე წვრილად დაჭრილი ქინძი.

სამარხვო ფუნთუშა

samarxvo funtusha
მასალა:

2 კგ. პურის ფქვილი
1 ჩ.ჭ. შაქარი
1 ს.კ. მარილი
3 ს.კ. მშრალი საფუარი
0.5 ჩ.ჭ. ზეთი
1 ჩ.ჭ. ქიშმიში
5 ჩ.ჭ. თბილი წყალი

მომზადების წესი:

საფუარს დაამატეთ ორი სუფრის კოვზი ფქვილი, გახსენით ერთ ჩაის ჭიქა თბილ წყალში, გადააფარეთ თავზე და დადგით თბილ ადგილას.
შაქარი გათქვიფეთ ზეთში. ქიშმიში გადაარჩიეთ და გარეცხეთ. როდესაც საფუვრიანი მასა გაფუვდება, ჯამში ჩაასხით ოთხი ჩაის ჭიქა თბილი წყალი, ჩაყარეთ რვა ჩაის ჭიქა ფქვილი და ჩაასხით საფუვრიანი წყალი; ჩაუმატეთ შაქრიანი ზეთი, ჩაყარეთ მარილი, ქიშმიში და მოზილეთ ცომი; გადააფარეთ და დადგით თბილ ადგილას ასაფუებლად.
როცა აფუვდება, კიდევ კარგად ზილეთ. აირღუმელის ტაფას მოუსვით მცირე ოდენობის ზეთი და, როდესაც ცომი მეორედ აფუვდება, ამოიღეთ ფუნთუშების ზომებად, დააწყვეთ ტაფაზე და დადეთ თბილ ადგილას.
როცა ფუნთუშები ზრდას დაიწყებს, თავზე ფრთხილად მოუსვით ზეთი (ბამბით) და შედგით აირღუმელში. როცა ფუნთუშები დაიბრაწება, გამოიღეთ და ფრთხილად დააწყვეთ საცერზე/ფიცარზე/თუშფალანგზე.

სამარხვო ტორტი

samarxvo torti
მასალა:

1 ჩ.ჭ. ზეთი
4 ჩ.ჭ. ფქვილი
1.5 ჩ.ჭ. შაქარი
100 გრ. სამარხვო ცხიმი/მარგარინი
0.5 ჩ.ჭ. მოხალული თხილი/ნიგოზი
2 ჩ.ჭ. თბილი წყალი
1 ჩ.კ. სოდა
1 შეკვრა ვანილი
არომატული წვეთები ან ხილის ვაჟინი
ნუში

მომზადების წესი:

ერთი ჩაის ჭიქა ზეთი, ორი მესამედი ჩაის ჭიქა ცხელი წყალი, ნახევარი ჩაის ჭიქა შაქარი და სოდა კარგად აურიეთ და შეაზილეთ დაახლოებით სამნახევარი ჩაის ჭიქა ფქვილი. მიღებული რბილი ცომი დაყავით ორ მოზრდილ (და ერთ პატარა)* ნაწილად. თითოეული გააბრტყელეთ და გამოაცხვეთ ნელ ცეცხლზე ცოტაოდენ ფქვილმოყრილ ტაფაში. როცა გავარდისფერდება, მზად იქნება.
სამარხვო ტორტის კრემი: ნახევარი ჩაის ჭიქა ფქვილი, ერთი ჩაის ჭიქა შაქარი და ვანილი აურიეთ და კარგად გახსენით ერთნახევარ ჩაის ჭიქა თბილ წყალში. შედგით ნელ ცეცხლზე, მორევით აადუღეთ და ხარშეთ ხუთი წუთით. შემდეგ გადმოდგით ცეცხლიდან, გააგრილეთ, შეაზილეთ სამარხვო ცხიმი და შეურიეთ დაჭრილი მოხალული თხილი/ნიგოზი.
ერთ გამომცხვარ ფირფიტას თანაბრად წაუსვით კრემის ნახევარი, დაადეთ მეორე ფირფიტა, წაუსვით კრემის დარჩენილი მეორე ნახევარი. სამარხვო ტორტს ზემოდან მოაყარეთ თხლად დაჭრილი ნუში (ან დაფხვნილი პატარა ფირფიტა)*.

ჩურჩხელა

churchxela
მასალა:

1 ლ. ბადაგი
1 ჩ.ჭ. პურის ფქვილი
შაქარი გემოვნებით
ნიგოზი ან სხვა საგულე მასალა
ბამბის ან აბრეშუმის მსხვილი ძაფი

მომზადების წესი:

ბადაგი ჩაასხით ქვაბში, ცოტათი შეათბეთ და გადმოდგით ცეცხლიდან. დაუმატეთ ცოტა შაქარი ჩურჩხელის სიტკბოსა და სირბილისთვის. წმინდა საცერში გაცრილ ფქვილს ნელ-ნელა დაასხით ბადაგი, თან ურიეთ და ისე გახსენით, რომ კურკუშელები არ დარჩეს. შემდეგ შედგით ნელ ცეცხლზე და მუდმივი მორევით აადუღეთ. როცა შესქელდება, ზილეთ ხის კოვზით; როცა შეწითლდება და თავზე ბუშტუკები გაუჩნდება, მაშინ იქნება მზად თათარაც. თუ სქელი გამოგივათ, დაამატეთ ბადაგი, მაგრამ თუ თხელი გამოგივათ, ფქვილს ნუ დაამატებთ.

ჩურჩხელის მოსამზადებლად იყენებენ ნიგოზს, თხილს, ნუშს, გოგრის გულს, ჭერმის კურკის გულს, ჩამიჩსა და ჩირს. მასალას ააცვამენ 20-25 სანტიმეტრის სიგრძის ძაფზე ბოლოში მსხვილი ნასკვით და მეორე ბოლოში იმავე ძაფის ორმაგ საკიდს, ყულფებს უკეთებენ.
თხილისა და ნუშის გულს კანი უნდა მოაცილოთ. ამისათვის თხილი დაყარეთ ცხელ ტაფაზე და შედგით ნელ ცეცხლზე. დროდადრო შეანჯღრიეთ, რომ თხილი არ დაიწვას. როდესაც კანი დაიწყებს მოცილებას, გადმოდგით ცეცხლიდან და ცხელსავე თხილს ხელით მოაცილეთ კანი. ასევე შეგიძლიათ თხილი ადუღებულ სოდიან წყალში ჩაყაროთ, 2-3 წუთით ადუღოთ და ამოიღოთ – თხილს ასეც იოლად გაეცლება კანი.
ნუჭის და ჭერმის კურკის გულები რამდენიმე წუთით ჩაყარეთ მდუღარე წყალში, შემდეგ გადაწურეთ, მოაცილეთ კანი, გაამშრალეთ და ორად გაჭერით.
გოგრის თესლებს ჯერ გააცილეთ ქერქი, მერე ჩაყარეთ პატარა ტომარაში, დაასველეთ და გარედან ხელის წასმით მოაცილეთ კანი.
ნიგოზს და ჩირს კანის გაცლა არ სჭირდება. ნიგვზიანი ჩურჩხელა შეიძლება მომზადდეს მთელი, ნახევარი ან მეოთხედი ლებნისაგან. მთელი ლებნის შემთხვევაში ჩურჩხელას გული კარგად არ უშრება და დიდხანს შენახვისას შეიძლება დაობდეს; ნახევარი ლებნის შემთხვევაში ჩურჩხელა უსწორმასწორო გამოდის; ამიტომ უფრო ხშირად ჩურჩხელას მეოთხედი ლებნებისგან ამზადებენ. ჩირსაც ნიგვზისნაირად ჭრიან.

მოადუღეთ მომზადებული თათარა, სათითაოდ ამოავლეთ ძაფზე აცმული გულები და ყულფით დაკიდეთ ხარიხაზე ისე, რომ ერთმანეთს არ შეეხონ. როცა შეშრება, ისევ გაავლეთ და დაკიდეთ. შეიძლება, მესამედაც გაავლოთ. თუ თათარა კარგად არის მოდუღებული, გავლების შემდეგ წვეთას არ დაიწყებს ჩურჩხელები. ჩურჩხელები კარგად უნდა გაშრეს, მაგრამ არ უნდა გახმეს, რბილი უნდა შეინახოთ. დღისით მზეზე დაკიდეთ, ღამით კი სახლში შეიტანეთ. შეინახეთ ისეთ ადგილას, რომ არც გაიყინოს და არც ზედმეტი სითბო იყოს. ქვემოდან რაიმე ქსოვილი დაუფინეთ და ზემოდანაც გადააფარეთ – ასე შენახული ჩურჩხელა დაშაქრდება, გათეთრდება.

სამარხვო შოკოლადი

samarxvo shokoladi
მასალა:

3 ჩ.ჭ. ჰერკულესი
1 ჩ.ჭ. შაქარი
1 შეკვრა სამარხვო მარგარინი
2 ს.კ. კაკაო
1 შეკვრა ვანილი
2 შეკვრა ქოქოსის ნაფხეკი

მომზადების წესი:

აზილეთ დარბილებული მარგარინი, ჰერკულესი, შაქარი, კაკაო და ვანილი ერთგვაროვანი მასის მიღებამდე. შემდეგ მიღებული მასისგან დაამზადეთ პატარა ბურთულები და ამოავლეთ ქოქოსის ნაფხეკში. გააცივეთ და მიირთვით ან შეინახეთ გრილ ადგილას.


Âñ¸ íåîáõîäìîå äëÿ äâèæêà DLE