ფელამუში

felamushi
მასალა:

1/2 ლ. ბადაგი
1/2 ლ. წყალი
1 ჩ.ჭ. მჭადის ფქვილი
50 გრ. ნიგოზი (სურვილისამებრ)
შაქარი გემოვნებით

მომზადების წესი:

ბადაგში წყალი შეურიეთ, ჩაყარეთ შაქარი გემოვნებით, შეათბეთ და გახსენით შიგ ფქვილი ისე, რომ “კურკუშელები” არ ჰქონდეს; შედგით ნელ ცეცხლზე და მუდმივი მორევით ადუღეთ.
როცა გასქელდება და ერთგვაროვანი გახდება, მერე უკვე იშვიათად ურიეთ ოღონდ ისე, რომ ფსკერზე არ მიეწვას.
მოუხარშავი ფქვილის გემო როდესაც გაქრება და ფელამუში კარგად გასქელდება, ჩაყარეთ დაჭრილი ნიგოზი, აურიეთ, გადმოდგით ცეცხლიდან და გადაიტანეთ ჯამებში.
უკვე კარგად გაცივებული გადმოაბრუნეთ თეფშზე, დაჭერით და გემრიელად მიირთვით.

სამარხვო ბლინები

samarxvo blinebi
მასალა:

1/2 ჩ.ჭ. ფქვილი
1 ჩ.ჭ. ანადუღარი წყალი
1 ს.კ. ზეთი
სასურველი ხილის ჯემი
ზეთი შესაწვავად

მომზადების წესი:

თბილ წყალს დაამატეთ ერთი სუფრის კოვზი ზეთი და შეაზილეთ ფქვილი ისე, რომ თხელი არაჟნის სისქის ცომი მიიღოთ. ცხელ ტაფაზე მოზრდილი კოვზით დაასხით ცომი და ტაფა ისე ამოძრავეთ, რომ ცომი მასზე თანაბრად გაიშალოს. ბლინი შეწვით მხოლოდ ცალი მხრიდან და გადმოიღეთ. ასე ამზადეთ ბლინები მანამ, სანამ ცომი გეყოფათ.
თითოეული ბლინის შემწვარ მხარეს სუფრის კოვზით დადეთ ჯემი, შეახვიეთ მუთაქის ფორმით და შეწვით ყველა მხრიდან.

ვაშლის ნამცხვარი ( სამარხვო )

vashlis namcxvari samarxvo
მასალა:

1 კგ. ვაშლი
1 ჩ.ჭ. ზეთი
1 ჩ.ჭ. შაქარი
3.5 ჩ.ჭ. ფქვილი
2-3 ს.კ. შაქრის ფქვილი
1 ჩ.კ. სოდა
1 პაკეტი ვანილი
1/2 ჩ.ჭ. ცხელი წყალი

მომზადების წესი:

ჯამზე დაყარეთ სამი ჩაის ჭიქა ფქვილი, გაუკეთეთ ღრმული, ჩაასხით ზეთი და ნახევარი ჭიქა ცხელი წყალი, დაამატეთ სოდა და მოზილეთ ცომი. ვაშლი (სასურველია მცირე ზომის) გათალეთ და დაჭერით.

გულის მოსამზადებლად ერთმანეთს აურიეთ ერთი ჩაის ჭიქა შაქარი, ნახევარი ჭიქა ფქვილი და ვანილი.

ცომი გაყავით ორ ნაწილად. ერთი ნაწილი გააბრტყელეთ, დადეთ ფქვილმოყრილ ტაფაზე, თანაბრად გადაანაწილეთ მასზე გული, დააწყვეთ ვაშლის ნაჭრები და დააფარეთ ცომის მეორე ფენა. გვერდები ამოუკეცეთ და გამოაცხვეთ ნელ ცეცხლზე.

როდესაც გავარდისფერდება, გამოიღეთ და დაჭერით თბილი.

როცა გაცივდება, მოაყარეთ შაქრის ფქვილი.

კარტოფილი ნიგვზით (სამარხვო)

kartofili nigvzit samarxvo
მასალა:

1 კგ კარტოფილი
2 ჭიქა ნიგოზი
2 თავი ხახვი
2 კბილი ნიორი
ოხრახუში, კამა, ქინძი
ვაშლის ძმარი
პილპილი და მარილი

მომზადების წესი:

კარტოფილი მოვხარშოთ, გავაცალოთ კანი და დავჭრათ საშუალო ზომის კუბიკებად. ხორცსაკეპმანქანაში გავატაროთ ნიგოზი, ნიორი და ქინძი. დავუმატოთ წვრილად დაჭრილი ხახვი, მოვაყაროთ მარილი, პილპილი და დავასხათ ძმარი.

კარტოფილს მოვაყაროთ ნიგვზის ნარევი და მოვრთოთ წვრილად დაჭრილი ოხრახუშით და კამით.

კომბოსტოს სალათა წიწაკით (სამარხვო)

kombostos salata wiwakit samarxvo
მასალა:

400 გრამი კომბოსტო
100 გრამი ბულგარული წიწაკა
100 გრამი ხახვი
50 გრამი მწვანილი
50 გრამი ზეთი
მარილი გემოვნებით

მომზადების წესი:

ხახვი დავჭრათ და მოვშუშოთ ზეთში მწვანილთან ერთად. ბულგარული წიწაკა დავჭრათ ღერებად. კომბოსტო დავჭრათ, დავასხათ მდუღარე წყალი, გავაცივოთ და შემდეგ გავწუროთ. შევურიოთ ერთმანეთს ხახვი, მწვანილი, წიწაკა, კომბოსტო, მოვაყაროთ მარილი და კარგად ავურიოთ.

ჭარხლის სალათა ტყემლით ( სამარხვო )

charxlis salata tyemlit samarxvo
მასალა:

1 კილოგრამი ჭარხალი
1/2 ჩაის ჭიქა ტემლის საწებელი
1 კონა მწვანილი
გემოვნებით – მარილი, პიმპილი და წიწაკა

მომზადების წესი:

მოხარშული ჭარხალი გაფრცქვენით და ფირფიტებად დაჭერით. ფენა-ფენა მომინანქრებულ ჭურჭელში ჩააწყვეთ. თითოეულ ფენას მოასხით ტყემლის საწებელი და მოაყარეთ წვრილად დაჭრილი მწვანილი. შემდეგ თავი დაახურეთ და რამდენიმე საათით გააჩერეთ.

კომბოსტოს სალათა ( სამარხვო )

kombostos salata samarxvo
მასალა:

1/2 კილოგრამი კომბოსტო
3 ცალი სტაფილო
4 სუფრის კოვზი ზეთი
2 სუფრის კოვზი ძმარი
გემოვნებით – მარილი
1 ცალი ხახვი
1 კონა მწვანილი

მომზადების წესი:

კომბოსტოს ფოთლები წვრილად დაჭერით, გარეცხეთ, მარილი მოაყარეთ და ნახევარი საათით გააჩერეთ. შემდეგ გაწურეთ ხელით, მოასხით ზეთი და ძმარი, შეურიეთ წვრილად დაჭრილი კამა და ხახვი, სურვილისამებრ სამარხვო მაიონეზიც და გახეხილი სტაფილო დაუმატეთ.

კარტოფილის სალათა მდოგვით (სამარხვო)

kartofilis salata mdogvit samarxvo
მასალა:

1/2 კილოგრამი კარტოფილი
2 ცალი ხახვი
4 სუფრის კოვზი ზეთი
3 სუფრის კოვზი ძმარი
1 ჩაის კოვზი მდოგვი
3-4 ძირი ოხრახუში და კამა
პიმპილი და მარილი გემოვნებით

მომზადების წესი:

კარტოფილი კარგად გარეცხეთ, კანიანად მოხარშეთ, გაფცქვენით, დაჭერით, შეკაზმეთ მარილით, პილპილით. კარტოფილს კარგად შეურიეთ წვრილად დაჭრილი ხახვი, ძმარსა და ზეთში გახსნილი მდოგვი. ზემოდან მოაყარეთ წვრილად დაჭრილი ოხრახუში და კამა.

"მწვანე” სალათა (სამარხვო)

mcvane salata samarxvo
მასალა:

მწვანე სალათის ფოთლები
1 ს/კ ღვინის ძმარი
4-5 ს/კ ზეითუნის ზეთი
1/2 ჩ/კ მარილი
1/8 ჩ/კ პილპილი

მომზადების წესი

სალათის ფოთლები გავრეცხოთ და 15 წუთით ჩავდოთ ცივ წყალში. შემდეგ ამოვიღოთ წყლიდან და დავჭრათ. დაჭრილ სალათის ფოთლებს დავასხათ სოუსი და მოვურიოთ ქვემოდან ზემოთ. სალათას შეგიძლიათ დაუმატოთ 1 ცალი დაჭრილი პამიდორი ან ქათმის 2-3 ცალი დაჭრილი ღვიძლი.

სოუსის მომზადების წესი:

ჩავყაროთ ჯამში მარილი და პილპილი. დავუმატოთ ძმარი და ვურიოთ მარილის გადნობამდე. შემდეგ დავუმატოთ ზეითუნის ზეთი და კარგად მოვურიოთ. ჯამში მარილთან და პილპილთან ერთად შეგიძლიათ მოურიოთ დანაყილი ერთი კბილი ნიორი.

სტაფილო ნივრით (სამარხვო)

stafilo nivrit samarxvo
მასალა:

2 ცალი საშუალო ზომის სტაფილო
3-4 კბილი ნიორი
1/4-1/3 ჭიქა ნიგოზი

მომზადების წესი:

სტაფილო გავხეხოთ ძალიან წვრილად. ნიორი დავჭყლიტოთ. ნიგოზი დავფქვათ ყავის საფქვავში. ყველაფერი ერთმანეთში ავურიოთ, მოვაყაროთ მარილი და მოვასხათ მაიონეზი.


Âñ¸ íåîáõîäìîå äëÿ äâèæêà DLE