კოსმეტიკური ხაზი - lady.mcvane.ge

რა უნდა გაითვალისწინოთ, რომ სელფსა და ფოტოებში კარგად გამოჩნდეთ? - კონკრეტული რჩევები გამოცდილი ვიზაჟისტისგან

Thu, 07 Jun 2018 16:21:55 +0000

სელფი თანამედროვე თინეიჯერების ერთგვარ გატაცებად იქცა. ისინი ერთმანეთს ორიგინალური სელფების გადაღებაში ეჯიბრებიან. მიიჩნევა, რომ სელფი საკუთარ თავზე გარედან დაკვირვებისა და იმის გაგების საშუალებაა, თუ როგორ გვხედავენ სხვები და როგორები გვინდა წარვსდგეთ გარესამყაროს წინაშე.

დამამთავრებელი კლასის მოსწავლეებისთვის, რომლებიც ბანკეტისთვის და ახალი ცხოვრებისთვის ემზადებიან, დიდი მნიშვნელობა აქვს, როგორ გამოჩნდებიან სელფებსა თუ სხვა ფოტოებზე. როგორ და რა მასალით გავიკეთოთ მაკიაჟი, რომ ჩვენი მცდელობა წარმატებული იყოს? ამ და სხვა საინტერესო კითხვაზე Etaloni.ge-ს წარმოშობით ებრაელმა ვიზაჟისტმა, ელგა იაკოვმა უპასუხა.

– ელგა, პირველ რიგში, რა რჩევები შეიძლება მივცეთ თინეიჯერებს, როგორ უნდა მოუარონ სახის კანს?

– სახის კანი აუცილებლად მოვლილი უნდა იყოს, რომ მაკიაჟი კარგი გამოვიდეს. კანის სწორად მოვლა კი, პირველ რიგში, სახის კანის დილა-საღამოს გასუფთავებას გულისხმობს. მერე კი კანზე დამატენიანებელი კრემის წასმაა საჭირო. თინეიჯერების კანი უფრო ნაზია და არსებობს სპეციალური, სახის კანის ე.წ. მსუბუქი საპონი, რომელიც აფთიაქებში იყიდება. სახის კანისთვის პილინგიც აუცილებელი, მაგრამ თინეიჯერების კანისთვის ეს ცოტა მძიმე იქნება. ამიტომ, თუ მაინცდამაინც პილინგის გაკეთებას გადაწყვეტენ, ისიც მსუბუქი უნდა იყოს.

– როგორია სწორად შერჩეული მაკიაჟი?

– ეს ინდივიდუალურია და დამოკიდებულია იმაზე, ვის როგორი მოსწონს და უხდება. არსებობს თბილი და ცივი სახე, მაკიაჟის ფერები თუ ფორმა სწორედ ამის მიხედვით უნდა შეირჩეს. როცა საქმე თინეიჯერებს შეეხება, ხშირ შემთხვევაში, ჩვენი შეხედულებები აზრს კარგავს, რადგან, ისინი არ ითვალისწინებენ ვიზაჟისტის რჩევებს. ზოგს მსუბუქი მაკიაჟი უნდა, ზოგს – გამოკვეთილი თვალი თუ ტუჩი. ამავე დროს, უნდა გაითვალისწინო, როგორი კაბა აცვია. ვიზაჟისტი ზეპირ რჩევას ვერ გასცემს, თუ არ დაინახა გოგონას სახის ნაკვთები, რა მოუხდება...

თუმცა, არსებობს საერთო რჩევებიც. თუ გოგონას სახე პუტკუნა აქვს, კონტური ისე უნდა გაიკეთოს, რომ პუტკუნა ადგილები „ჩაუვარდეს“. არ უნდა გამოიყენოს ღია ფერები, რადგან ანათებს და გამოკვეთავს ინ ნაკვთებს, რისი დაფარვაც გვინდა. დასაფარად მუქი ფერები გამოიყენება.

– თხელ სახეს ნათელი ფერი უხდება?

– რა თქმა უნდა, და მაკიაჟიც შესაბამისი უნდა იყოს.

– ახლა მოდაშია სელფი. რა დროს, როგორი მაკიაჟით გამოდიან გოგონები სელფში კარგად?

– სელფსა და ფოტოებში რომ კარგად გამოჩნდნენ, ამისთვის აუცილებელია ტონალური კრემი და პუდრი, რომელსაც სახეზე დაიტანენ, არ შეიცავდეს SPF-ის დიდ რაოდენობას. რაც უფრო მეტ SPF-ს შეიცავს ტონალური, ის აბრუნებს განათებას და კარგი ფოტო არ გამოდის, წაშლილი სახე ჩანს. ხომ გინახავთ გადათეთრებული სახე და მხოლოდ გამოკვეთილი თვალები? სწორედ ასეთი კრემის გამო გამოდის მსგავსი ფოტო. SPF მზის სხივებისგან გვიცავს, მაგრამ როცა გვინდა, საღამოს კარგად გამოვიყურებოდეთ და ფოტოებიც კარგი გამოვიდეს, SPF-ით გაჯერებული ტონალური არ უნდა მოვიხმაროთ.

ყველას მოვუწოდებ, არავითარ შემთხვევაში ხელით არ წაისვან ტონალური კრემი, რადგან ჩვენი თითების ბალიშები ცხიმს გამოჰყოფს, რომელიც სახეზე გადადის და კანს აპრიალებს. თუ გინდათ, მაკიაჟი იყოს მდგრადი, დამატენიანებლის შემდეგ პრაიმერი უნდა წაისვათ. პრაიმერი არის დამცავი ფენა ტონალურსა და სახის კანს შორის, რომელიც ტონალურის მდგრადობას უწყობს ხელს.

– როგორი მაკიაჟია ახლა მოდური – მსუბუქი თუ ფერებით გადატვირთული?

– დღეისთვის მოდაშია პასტელური, დაჯდარი ფერები – ლურჯი, მწვანე, ვარდისფერი... ტუჩი კი – წითელი და სტაფილოსფერი. გრაფიკული მაკიაჟია მოდაში. წარბები არავითარ შემთხვევაში არ უნდა იყოს დახატული – ბუნებრივი წარბია მოდაში. რამდენიმე დღის წინ გვქონდა სემინარი ვიზაჟისტებისთვის, სადაც ყველა სახის მაკიაჟი განვიხილეთ – მსუბუქიც და ფერადიც. ესეც ინდივიდუალურია. შეიძლება ვიღაცას მუქი ფერის მაკიაჟი უნდოდეს, მაგრამ არაფრით არ მოუხდეს.

ევროპული სტილი უფრო მსუბუქი მაკიაჟია და ქართველებიც ასე ითხოვენ. აღმოსავლეთში კი, საიდანაც მე ვარ – ისრაელში, მძიმე მაკიაჟი კეთდება. იქ თვალზე გადადის აქცენტი და ფერები აინტერესებთ, საქართველოში კი ძირითადი შავი, თეთრი და ნაცრისფერი მოსწონთ.

– თქვენ რომელი უფრო მოგწონთ?

– რა თქმა უნდა ის, სადაც მეტი ფერია, რადგან უფრო საინტერესოა. თუ რამდენიმე ფერთან არ მაქვს შეხება მაკიაჟის კეთებისას, ის ჩემთვის მაკიაჟი არ არის. კარგი ვიზაჟისტი ბევრ ფერზე ერთად უნდა მუშაობდეს.

– რა აზიანებს სახის კანს?

– სახის კანს აზიანებს ცუდი კოსმეტიკა. თინეიჯერები ისე ისვამენ, არ აკვირდებიან, ტონალური კრემი რა შემადგენლობის არის. ტონალური კრემი უნდა იყოს ვიტამინებით და მინერალებით. თუ ტონალური ვიტამინებითა და მინერალებით არის დატვირთული, ის არ აფუჭებს სახეს. როცა ბევრ ქიმიას შეიცავს, ის ცუდად მოქმედებს და აზიანებს კანს. გასათვალისწინებელია ასევე ის, თუ როგორი ტიპისაა კანი – ცხიმიანი, კომბინირებული თუ მშრალი და შესაბამისი ტონალური უნდა შეირჩეს. იმისთვის კი, რომ ტონალური სახეზე კარგად დაჯდეს, პრაიმერიც სახის კანის ტიპის შესაფერისად უნდა შევარჩიოთ. თუ სწორად შეარჩევთ პროდუქციას და გაიკეთებთ შესაფერის მაკიაჟს, სელფი და ფოტო აუცილებლად კარგი გამოვა.

www.etaloni.ge

სახიდან და სხეულიდან პაპილომების (ხორცმეტების) მოცილება ეფექტური მეთოდით – სახლში ყველას გვაქვს ეს ინგრედიენტები!

Sat, 07 Apr 2018 15:30:34 +0000

პაპილომა კანის კეთილთვისებიანი წარმონაქმნია, რომელსაც იმუნიტეტის დაქვეითება, ორსულობა, მძიმე დაავადებები, ძლიერი სტრესი, გენეტიკური ფაქტორები, ნაწლავის პოლიპოზი, სიმსუქნე, ენდოკრინული დარღვევები იწვევს.

პაპილომები ყველაზე ხშირად კისერზე, სახეზე და იღლიის ქვეშ ჩნდება. მათი გავრცელება კი ძალიან ადვილად ხდება კანზე, რადგან ვირუსული ხასიათის არის.

როგორც წესი, პაპილომა ძალიან ნელა იზრდება, მაგრამ გარკვეულმა ფაქტორებმა შეიძლება დააჩქაროს ზომის გაზრდა. მაგალითად, ორსულობამ, სტრესმა, ავადმყოფობამ.

ალბათ, უმეტესმა თქვენგანმა პირველად გაიგო ამ დაავადების შესახებ, არადა პაპილომები მთელ მსოფლიოში ჩქარი ტემპით მატულობს. ყოველდღიურად უამრავი ადამიანი მიმართავს დერმატოლოგს, თუმცა მე მინდა შემოგთავაზოთ ხალხური რეცეპტი, რომელიც ქიმიურ საშუალებებთან შედარებით 10-ჯერ ეფექტურია.

1. აიღეთ 72%-იანი საპონი, დაასველეთ და წაისვით პაპილომებზე. პროცედურა ძილის წინ გაიკეთეთ და დაიძინეთ. დილით საპონი ჩამოიბანეთ. გაიმეორეთ 4-5 დღე. თუ კანი გაღიზიანდა, შეაჩერეთ პროცედურა 1 დღე და ისევ გააგრძელეთ. შედეგს 5 დღეში დაინახავთ.

2. ვაშლის ძმრის ტამპონი – ნიუ იორკელმა ექიმმა დაგ უილმა გამოიყენა პირველად ეს მეთოდი და ფართოდ გავრცელდა მთელ მსოფლიოში. ბამბა ან სუფთა პირსახოცი ჩაასველეთ ჩვეულებრივ ვაშლის ძმარში და პაპილომებზე დაიდეთ ტამპონივით 2-3 წუთის განმავლობაში. ეს მარტივი პროცედურა გაიმეორეთ დღეში 3-ჯერ რამდენიმე კვირის განმავლობაში.

პაპილომები ჯერ დაიწყებენ ფერის შეცვლას, შემდეგ კი გაქრებიან თქვენი კანიდან სამუდამოდ. უფრო უსაფრთხოებისთვის კი შეგიძლიათ ვაშლის ძმარი გააზავოთ ცოტა წყალთან და გამოიყენოთ ასეთი სახის ტამპონი.

www.genius.ge

ზუსტი ტესტი! აირჩიეთ ბუ და გაიგეთ მეტი თქვენს ხასიათზე

Sun, 11 Mar 2018 09:17:45 +0000

ფაქტია, ჩვენმა ქვეცნობიერმა უფრო მეტი იცის ჩვენ შესახებ, ვიდრე ცნობიერმა. შეხედეთ ამ საყვარელ ბუებს და აირჩიეთ ის, რომელიც მეტად მოგეწონებათ. რას ამბობს თქვენზე თქვენივე არჩევანი - იხილეთ ქვემოთ.

1. თქვენ ცნობისმოყვარე ხართ. მუდმივი მოთხოვნილება გაქვთ რაიმე ახლის და საინტერესოს ძიების. საკმაოდ ღია ადამიანი ხართ. თქვენი ძირითადი მინუსი - სხვის საქმეში ცხვირის ჩაყოფაა; აჯობებს, თუ ამ თვისებას ბოლოს მოუღებთ.

2. ზომიერად ცნობისმოყვარე და ძალიან გულუბრყვილო ხართ. თქვენში ისევ ბავშვი ცოცხლობს. გაინტერესებთ თქვენ გარშემო არსებული სამყარო, მაგრამ ამავდროულად, ძალიან გიჭირთ არაკეთილის მსურველთა გარემოში; გიჭირთ საკუთარი თავის დაცვა. არ ინერვიულოთ, მალე ყველაფერი მოგვარდება.

3. მცივანა ხართ! თქვენ შეიძლება 30º სიცხეშიც კი- შეგცივდეთ. გარშემო ყველაფერი გაშინებთ, ასე არ გამოდგება. დაძლიეთ თქვენი შიშები და ეცადეთ გიჟური რამეები აკეთოთ.

4. თავდაჯერებული ხართ და ისწრაფვით ახალი ჰორიზონტების დაპყრობისკენ; თუმცა არის რაღაც, რაც ხელს გიშლით ამ საქმეში. საქმე ეხება, ბავშვურ გულუბრყვილობას. გაიზარდეთ, და მაშინ ყველაფერი გამოგივათ.

5. ბუნებით პესიმისტი ხართ. თქვენი შეცვლა ან თქვენთან კარგი ურთიერთობის ქონა შეუძლებელია. შეიცვალეთ, და ხალხიც სხვანაირად მოგეპყრობათ.

6. ამაყი, ნარცისი ხართ. ყველას ზემოდან უყურებთ, ასე ცხოვრება არ შეიძლება. თუ არ შეიცვლებით, თქვენთან ნამდვილად კარგი ადამიანები არ იმეგობრებენ.

თაკო ცილიკიშვილი

Interpreter - Tako Tsilikishvili

წყარო: www.Lady.Mcvane.Ge

მასალის გამოყენების პირობები: აუცილებელია წყაროს მითითება!!!

რა ღირს "სილამაზე" პლასტიკური ქირურგიის ქართულ ბაზარზე?

Sat, 03 Mar 2018 15:59:27 +0000

პლასტიკური ქირურგია თანამედროვე მედიცინაში საკმაოდ პოპულარული და პროგრესირებადი მიმართულებაა.

პლასტიკური ოპერაციის გაკეთების მსურველთა რიცხვი წლიდან წლამდე იზრდება.

საქართველოში ქირურგიის ეს მიმართულება საკმაოდ პოპულარულია და შესაბამისად, რამდენიმე წამყვანი ესთეტიკური ქირურგიის კლინიკა აქტიურ რეჟიმში მუშაობს.

კლინიკები პაციენტებს სხვადასხვა ტიპის სერვისს და გადახდის საშუალებას სთავაზობენ.

რომელი ნაკვთების, სხეულის რომელი ნაწილის პლასტიკურ ოპერაციაზეა ყველაზე მაღალი მოთხოვნა ქართულ ბაზარზე? სხეულის კორექციისთვის რომელ ოპერა ციებს იკეთებენ ყველაზე ხშირად? რა ფასად შეგვიძლია სასურველი სილამაზის „ყიდვა“?

აღნიშნულ კითხვებზე პასუხები M2B–მ პლასტიკური ქირურგიის წამყვან ქართულ კლინიკებში პროფესიონალებისგან მოისმინა.

„კუზანოვის კლინიკის“ დირექტორი ავთანდილ ტუღუში M2B-სთან საუბარში ამბობს, რომ მათთან ყველაზე მაღალი მოთხოვნა რინოპლასტიკასა და სეპტორინოპლასტიკაზეა.

„მოგეხსენებათ, რინოპლასტიკა არის ცხვირის ოპერაცია და ამ შემთხვევაში მხოლოდ პლასტიკური ოპერაცია კეთდება, მაგრამ როცა სეპტორინოპლასტიკა კეთდება, ხდება სუნთქვის აღდგენა. ჩვენს კლინიკაში ფასები შემდეგნაირი პრინციპით არის. ოპერაციებს კუზანოვები და ასევე სხვა პლასტიკური ქირურგები აკეთებენ. რინოპლასტიკა კუზანოვებთან 3900 ლარი ღირს, ხოლო სხვა პლასტიკურ-ქირურგებთან – 2700. საშუალო ფასი ყველა ბრენდულ კლინიკებში, 3900 ლარიდან იწყება. რაც შეეხება სხეულის კორექციისთვის ჩატარებულ ოპერაციებს, ყველაზე მოთხოვნადია მკერდის გადიდება“, -უთხრა M2B-ს ავთანდილ ტუღუშმა.

იაშვილი-ჯანაშიას პლასტიკური ქირურგიის ცენტრის მენეჯერის ნინო ლომთათიძის თქმით, სხეულის კორექციისთვის ჩატარებულ ოპერაციებს შორის ყველაზე მოთხოვნადი აუგმენტაცია და აბდომინოპლასტიკაა.

„ჩვენთან მოსული პაციენტების უმრავლესობა რინოპლასტიკას იკეთებს, ხოლო სხეულის კორექციისთვის ჩატარებულ ოპერაციებს შორის ყველაზე მოთხოვნადია აუგმენტაცია. შემდეგ მუცლის პლასტიკა მოდის. რინოპლასტიკაში სხვადასხვა მიმართულებები შედის, სეპტორინოპლასტიკა, ნიჟარები და ა.შ. ფასები 3500 ლარიდან იწყება და 6900 ლარამდე მერყეობს“, - ამბობს იაშვილი-ჯანაშიას პლასტიკური ქირურგიის ცენტრის მენეჯერი ნინო ლომთათიძე.

წმინდა იოანე მოწყალეს სახელობის პრივატ კლინიკის პლასტიკური ქირურგი თამარ მირაშვილი ამბობს, რომ მათ კლინიკაშიც ყველაზე მაღალი მოთხოვნა რინოპლასტიკაზეა.

„პლასტიკური ქირურგიის ბაზარზე, და ასევე ჩვენს კლინიკაშიც, ყველაზე მაღალი მოთხოვნა არის რინოპლასტიკაზე. ჩვენთან მოსული პაციენტების უმრავლესობა რინოპლასტიკას იკეთებს. საქართველოში სტატისტიკის მიხედვითაც ყველაზე მაღალი მოთხოვნა არის რინოპლასტიკაზე და შესაბამისად მიწოდებაც ხდება. სხეულის კორექციისთვის ჩატარებულ ოპერაციებს შორის ყველაზე ხშირია ლიპოსაქცია და მკერდის გადიდება. ჯერ მაინც ლიპოსაქციას იკეთებენ და შემდეგ მკერდს იდიდებენ. რაც შეეხება ფასებს, რინოპლასტიკის ფასები 3000 ლარიდან 4000 ლარამდე მერყეობს, სირთულეზეა დამოკიდებული. 6000 ლარამდე ღირს მკერდის გადიდება. ლიპოსაქციის ფასი კი შემდეგნაირია, 1 ზონა დაახლოებით 450 ლარი ღირს, დაახლოებითი ფასები ითვლება ზონების მიხედვით. აბდომინოპლასტიკის ფასი დაახლოებით 4500 ლარიდან 5500 ლარამდე მერყეობს“, - უთხრა M2B-ს თამარ მირაშვილმა.

გვარამიას კლინიკის მთავარი მენეჯერი გრიგოლ მიქაუტაძე ამბობს, რომ პაციენტები ამ ეტაპზე ყველაზე ხშირად მკერდის გადიდებას ითხოვენ.

„ამ ეტაპზე, შეიძლება ითქვას, რომ ჩვენთან მოსული პაციენტები მკერდის გადიდებას ითხოვენ. ასევე ძალიან პოპულარულია ლიპოსაქცია. მკერდის გადიდება 6000 ლარიდან იწყება და 8500 ლარამდე მერყეობს. ცხადია, განვადებაც მოქმედებს. ასევე ძალიან პოპულარულია რინოპლასტიკა, კეთდება როგორც სეპტორინოპლასტიკა ანუ სუნთქვის აღდგენა, ასევე რინოპლასტიკა. რინოპლასტიკის ფასები 4500 ლარიდან იწყება, დამოკიდებულია ოპერაციის სირთულეზე“, - ამბობს გრიგოლ მიქაუტაძე.

რაც შეეხება, კლინიკა „მედის“, პლასტიკური ქირურგი ვახტანგ პეტრიაშვილი ამბობს, რომ მაინც ყველაზე მაღალი მოთხოვნა რინოპლასტიკაზეა.

„ბაზარზე ყველაზე მაღალი მოთხოვნა არის ცხვირის რინოპლასტიკაზე. რაც შეეხება ფასებს, ეს დამოკიდებულია ცხვირზე, თუ როგორი სირთულის არის და რა არის გსაკეთებელი, იმის მიხედვით. ჩვენს კლინიკაში სხეულის კორექციისთვის ჩატარებულ ოპერაციებს შორის ყველაზე ხშირად ლიპოსაქციას იკეთებენ და ასევე იდიდებენ მკერდს. მათ შორის მოთხოვნა დაახლოებით თანაბარია“, - უთხრა M2B-ს პეტრიაშვილმა.

P.S. თუ სად გადის ზღვარი სილამაზესა და პლასტიკურ თოჯინებს შორის, ინდივიდუალური განსაზღვრის საკითხია.

მომხიბვლელობა ინდივიდუალიზმშია. პლასტიკური ქირურგიის ისტორია კი 3000 წელზე მეტს ითვლის.

ავტორი: თაკო მაქაცარია, ჟურნალისტი.

www.m2b.ge

ის რაც ზოგჯერ აკნე გგონიათ შესაძლოა კანის ტკიპა აღმოჩნდეს - როგორ ამოვიცნოთ დემოდეკოზი?

Fri, 16 Feb 2018 14:45:42 +0000

როგორ ამოვიცნოთ დემოდეკოზი?

[media=https://www.youtube.com/watch?v=y9MV7FbhWPw]

დაემშვიდობეთ გამონაყარს, ნაოჭებს, შავ წერტილებსა და ფორებს სამუდამოდ!

Thu, 01 Feb 2018 16:37:59 +0000

ნებისმიერი ქალის სურვილია მისი კანის შესანიშნავად გამოიყურებოდეს. კანის ხარისხი დამოკიდებულია იმაზე, თუ როგორi ცხოვრების წესით ცხოვრობთ, ეს არის ჯანსაღი, თუ მავნე ნივთირებებითა და არააქტიური მოქმედებებებით გამდიდრებული დრო. გარდა ამისა კანზე დიდ ზეგავლენას ახდენს სტრესი, სწორედ ეს არის მთავარი მიზეზები კანის პრობლემების, პორების, ნაოჭებისა და შავმჭამელების ...

როგორც წესი ქალები მზად არიან ყველაფერი მიომოქმედონ ამ პრობლემების აღმოსაფხვრელად, რისთვისაც უამრავ თანხასა და დროს ხარჯავენ, მაგრამ შედეგი ხშირად 0-ის ტოლია! სწორედ ამიტომ დღეს ჩვენი რედაქცია გთავაზობთ სრულიად ბუნებრივ და მარტივ მეთოდს, რომელიც დაგეხმარებათ ყოველგვარი გვერდითი ეფექტების გარეშე მიაღწიოთ მიზანს!

შემადგენლობაში შედის ქოქოსის ზეთი და საცხობი სოდა. ისინი ძალიან სასარგებლო და ამავდროულად ანთების საწინააღმდეგო და ანტისეპტიკური თვისებებით არიან გაჯერებულები!

თქვენ დაგჭირდებათ:

1. ერთი სუფრის კოვზი საცხობი სოდა

2. ორი სუფრის კოვზი ქოქოსის ზეთი

მომზადება და გამოყენება:

პირველ რიგში საჭიროა მოიმარჯვოთ საშუალო ზომის კონტეინერი და მასში მოათავსოთ ყველა ინგრედიენტი. ახლა აურიეთ ყველაფერი კარგად და გაავრცელეთ წრიული მოძრაობით სახეზე. ის უნდა დატოვოთ სახეზე 10 წუთის განამვლობაში, შემდეგ ჩამოიბანეთ თბილი წყლით!

აღსანიშნავია, რომ მასში შემავალი ყველა ინგრედიენტი ხელმსიაწვდომია და არ მოითხოვს დიდ თანხას შესაძენად!

ww.ge

ყინულის საოცრება სახის კანისთვის - ჩაიტარეთ ეს პროცედურა დილა-საღამოს და შედეგს მალევე ნახავთ

Fri, 22 Dec 2017 14:17:04 +0000

ყინულის მასაჟი ნამდვილი თერაპიაა სახლის პირობებში. ეს მარტივი პროცედურა ძალიან ეფექტურია, შედეგს კი რამდენიმე სეანსის შემდეგ შეამჩნევთ - კანი უფრო რბილი და ნაზი გახდება.

უმჯობესია ყინულის გამოყენება დილას და საღამოს.

სასურველია სუფთა სახეზე ყინულის წასმა მისი გადატარებით , კანის ერთ ადგილზე დიდხანს გაუჩერებლად.

პროცედურის შემდეგ უმჯობესია სისველის დატოვება სახეზე ნახევრად შეშრობამდე.

შემდეგ შეგიძლიათ, დამატენიანებელი კრემის წასმა - თუკი პროცედურა დილით ჩაატარეთ, ხოლო მკვებავი კრემი - თუკი ძილისთვის ემზადებით.

თუკი არ დაგეზარებათ, შესაძლოა ყინულს მეტი სასარგებლო თვისება შემატოთ.

1. ლიმონის ყინული. რამდენიმე სუფრის კოვზი ლიმონის წვენი 1 ჭიქა მინერალურ წყალთან. ძალიან ეფექტურია გაფართოებული ფორების დროს.

2. გვირილას ყინული. მოამზადეთ ნაყენი, გაფილტრეთ და გაყინეთ. გააჩნია დამაშვიდებელი და ანთების საწინააღმდეგო მოქმედება.

3. პიტნის ყინული. მოამზადეთ პიტნის ნაყენი და გაყინეთ. შემდეგ კი გამოიყენეთ ყინულის მასაჟის პროცედურებისთვის.

www.newposts.ge

რას აღნიშნავს კრემზე წარწერა „BB“

Tue, 28 Nov 2017 14:24:46 +0000

ჰოლივუდში გავრცელებული ანეკდოტის მიხედვით, თუ ვარსკვლავი ამტკიცებს, რომ უმაკიაჟოდაა, ე. ი. BB კრემს იყენებს. ამგვარი კრემი კარდინალურად განსხვავდება უბრალო ტონალურისაგან იმით, რომ არა მარტო ნიღბავს კანის დეფექტებს, ებრძვის კიდეც მათ. ერთ პატარა ტუბს მთელი კოსმეტიკის ჩანაცვლება შეუძლია, რადგანაც BB კრემის შემდეგ აღარ არის საჭირო პრაიმერის, კონსილერის, ჰაილაიტერის, დამატენინებელი და მზისგან დამცავი კრემები - ეს ყველაფერი გაქვთ ფლაკონში, წარწერით BB კრემი.

რა არის BB კრემი
ყველაზე დიდი პოპულარობით BB კრემი აზიის ქვეყნებში სარგებლობს და მის ძირითად მწარმოებლად კორეა ითვლება, შემქმნელები კი გერმანელი კოსმეტოლოგები არიან. ამ კრემს ისინი არა ყოველდღიურად, არამედ პლასტიკური ოპერაციების შემდეგ სახის კანის აღსადგენად იყენებდნენ. აბრევიატურა „BB“ ასე იშიფრება - Blemish Balm Cream ან Blemish Base Cream. ეს არის კრემი, რომელიც ნიღბავს და ფარავს კანის ნაკლოვანებებს.

თავდაპირველად მას გერმანული პლასტიკური ქირურგიის კლინიკების პაციენტები იყენებდნენ. ღრმა პილინგის ან სახის პლასტიკის შემდეგ კანის აღსადგენად. კრემი ეხმარება ქსოვილების სწრაფ რეგენერაციას, რადგან კანის შეხორცების ბუნებრივი პროცესის შესანიშნავი სტიმულატორია. ფარავს იარებსა და ქირურგიული ჩარევის სხვა კვალს.

კრემს გააჩნია დამატენიანებელი, აღმდგენი, დამცავი და ანთების საწინააღმდეგო ფუნქცია. ის აქტიურად ებრძვის გამონაყარსაც.

ამ უზადო ინსტრუქციის მიუხედავად, ევროპელმა მომხმარებლებმა კრემის არსებობა გაცილებით გვიან შეიტყვეს და არც მის შესაძენად გამოუჩენიათ დიდი ენთუზიაზმი, მიზეზი კი არასაკმარისი რეკლამა იყო. აზიის ქვეყნებში კი, პირიქით, კრემმა მეგაპოპულარობა მოიპოვა. დასაწყისში მას მაკიაჟისთვის მხოლოდ ცნობილი ადამიანები - ტელეწამყვანები და მსახიობები იყენებდნენ. შემდგომ აზიელმა კოსმეტოლოგებმა BB კრემის ფორმულა შეავსეს, ამიტომ კანზე დადებითად მოქმედი ინგრედიენტების რაოდენობა მნიშვნელოვნად გაიზარდა. ახლა კრემი ჩინებულად ათანაბრებს სახის კანს და აცილებს არასასურველ პიგმენტაციას.

BB კრემის ძირითადი უპირატესობა ისაა, რომ ტონალური კრემისგან არაფრით გამოირჩევა, ისევე ადვილად ესმება და შეგრძნებაც მსგავსია, კანს კი გაცილებით უკეთ ნიღბავს, შესაბამისად, მაკიაჟიც ბუნებრივი გამოდის.

ყველას სჭირდება თუ არა BB კრემი?

ცხადია, იდეალურ კანს ეს საშუალება არ სჭირდება.

BB კრემი აუცილებელია, თუ კანი მოითხოვს:

არა მარტო გათანაბრებას, კანის სერიოზული ნაკლოვანებების - სიწითლის, გამონაყარის ან გაფართოებული კაპილარების შენიღბვას;

ეს კრემი შეგიძლიათ გამოიყენოთ ღია ფერის ტონალურის ნაცვლად;

აქტიური მზისგან კანის საიმედოდ დასაცავად.

როგორ წავისვათ BB კრემი
ტონალური კრემივით, BB კრემიც სუფთა კანზე უნდა დაიტანოთ. კანში შეზელა მას არ სჭირდება. დასაწყისში დაამუშავეთ Т-ზონა, რადგან ის უფრო ცხიმიანია, შემდეგ კი U-ზონა. როგორც კი სიმშრალეს იგრძნობთ, ეს ნიშნავს, რომ კანმა კრემი შეიწოვა და შესაძლებელია სიწითლის, გამონაყარისა და კანის სხვა დეფექტის შენიღბვაც, ანუ BB კრემის კორექტორად გამოყენება.

როგორ ჩამოვიბანოთ BB კრემი
კრემი უნდა მოიშოროთ სპეციალური ჰიდროფილური ზეთით. წაისვით ზეთი სახეზე და დაიმასაჟეთ 1 წუთის განმავლობაში. სწორედ ეს დროა საჭირო BB კრემის კარგად გასახსნელად. შემდეგ გამოიყენეთ აპრობირებული დასაბანი საშუალება. ამით თავიდან აიცილებთ ფორების დახშობასა და სხვა უსიამოვნებებს. ამიტომ ჰიდროფილური ზეთისთვის ფულს ნუ დაინანებთ.

www.mkurnali.ge

ფეხზე სოკომ და ოფლიანობამ შეგაწუხათ? სცადეთ მარტივი რეცეპტი, რომლის ძირითადი ინგრედიენტებიც მარილი და იოდია

Sat, 16 Sep 2017 11:48:50 +0000

ფეხის სოკო იწვევს დისკომფორტს და ქავილის შეგრძნებას. ამ პრობლემის მოსაგვარებლად არაერთი საშუალება იყიდება აფთიაქებში, თუმცა ზოგიერთი მათგანი არაეფექტური და ძვირადღირებულია.

ფეხზე ჭარბი ოფლიანობის და სოკოს სამკურნალოდ დაგეხმარებათ მარტივად მოსამზადებელი რეცეპტი, რომელიც არ იწვევს უკუჩვენებებს.

რა უნდა გავაკეთოთ ფეხზე ჭარბი ოფლის და სოკოს დროს?

თასში ჩაასხით თბილი წყალი, დაუმატეთ 6 წვეთი იოდი და 4 სუფრის კოვზი მარილი. მიღებულ ხსნარს კარგად მოურიეთ და მოათავსეთ ფეხები 5-10 წუთის განმავლობაში.

პროცედურა გაიმეორეთ ყოველ საღამოს. ერთი კვირის შემდეგ ცვლილებას აუცილებლად შეამჩნევთ.

www.news.lider.ge

როგორ გავთავისუფლდეთ არასასურველი თმისაგან მარტივი საშუალებების დახმარებით

Sat, 12 Aug 2017 11:17:16 +0000

თითქმის ყველა გოგონას აქვს არასასურველი თმის მოშორების პრობლემა. უმეტესობა ამის მოსაგვარებლად იყენებს ქიმიურ და ძვირადღირებულ საშუალებებს.

საბედნიეროდ არსებობს ორი ნატურალური საშუალება, რომელიც ამ პრობლემის მოგვარებაში დაგეხმარებათ.

ინგრედიენტები:

ლიმონის წვენი- 2 ს.კ.

შაქარი- 2 ს.კ.

წყალი- 2 ჩ.კ.

მომზადების და გამოყენების წესი:

შაქარი გაადნეთ ტაფაზე, დაუმატეთ წყალი, ლიმონის წვენი და კარგად აურიეთ. ნარევი წაისვით კანის იმ ადგილზე, სადაც თმის მოშორება გსურთ. 10 წუთის შემდეგ ის გაშრება და მის მოშორებას ცივი წყლით შეძლებთ.

პროცედურა გაიმეორეთ ყოველ დღე ერთი თვის განმავლობაში. ლიმონმჟავა გააღიავებს ბეწვს და გაანადგურებს მის სტრუქტურას, შედეგად ახალი თმის ღერები აღარ გაიზრდება.

www.cnn.ge