https://lady.mcvane.ge/ ru https://lady.mcvane.ge/main/sasiyvarulo/other_sms/42363--.html https://lady.mcvane.ge/main/sasiyvarulo/other_sms/42363--.html https://lady.mcvane.ge/main/sasiyvarulo/other_sms/42363--.html Thu, 07 Jun 2018 16:43:42 +0000 index რა როლი აკისრია მამას გოგონას აღზრდისას?

მამის როლი ძალიან მნიშვნელოვანია შვილების აღზრდისას. ამჯერად გაგაცნობთ რჩევებს, თუ როგორ უნდა ჩაერიოს მამა ქალიშვილის ცხოვრებაში, ისე, რომ მისი გაღიზიანება არ გამოიწვიოს.

იყავით სამაგალითო მეუღლე, რათა თქვენი ქალიშვილისთვის მისაბაძ ადამიანად იქცეთ და ოჯახში მუდმივად სითბო და სიყვარული იყოს.

ნუ მოგერიდებათ მოუმზადოთ საჭმელი შვილს. ნუ დაანახებთ გოგონას, რომ სამზარეულოში ტრიალი მხოლოდ ქალის საქმეა.

გოგონებისთვის მამები ავტორიტეტები არიან, ამიტომ იოლად დაარწმუნებთ ქალიშვილს, რა საქმეს უნდა მოჰკიდოს ხელი და თქვენი დახმარებით წარმატებას მიაღწევს.

მოზრდილობისას მამამ უნდა აგრძნობინოს, რომ მისთვის მნიშვნელოვანია შვილის აზრი.

საყურადღებოა პერიოდი, როდესაც გოგონას პირველი თაყვანისმცემლები უჩნდება. მამა უნდა ეცადოს, კარგი ურთიერთობა ჰქონდეს მათთან, რათა თავიდან აიცილოს შვილთან კონფლიქტი.

გოგონებს უყვართ, როდესაც მამას საიდუმლოს ანდობენ. ამიტომ გახდით მისი მეგობარი. არასერიოზული დამოკიდებულება მისი პრობლემების მიმართ ნდობას დაგაკარგვინებთ და ქალიშვილი უფრო სერიოზულ ამბებს დაგიმალავთ.

www.izrune.ge
]]> https://lady.mcvane.ge/main/sasiyvarulo/other_sms/42313--.html https://lady.mcvane.ge/main/sasiyvarulo/other_sms/42313--.html https://lady.mcvane.ge/main/sasiyvarulo/other_sms/42313--.html Tue, 15 May 2018 15:25:08 +0000 index ჰარვარდის უნივერსიტეტის ფსიქოლოგები გვაფრთხილებენ!

ჰარვარდის უნივერსიტეტის მეცნიერების განმარტებით, ამ მულტფილმის ნახვის შემდეგ ბავშვები ხშირად კამათობენ და აგრესიულები ხდებიან.

საქმე ის გახლავთ, რომ გოჭი ხშირად უხეშობს. ამასთანავე, ერთ-ერთ ეპიზოდში პეპა და მისი ძმა უარს ამბობენ, დაალაგონ მინგრეული ოთახი. მშობლებს დასცინიან და ცინიკურად აგრძელებენ ოთახში არეულობას.

პეპას საკუთარ თავზე გადაჭარბებული წარმოდგენა აქვს, სხვის აზრს ანგარიშს არ უწევს, ამპარტავანი გახლავთ.

ბევრი მშობელი წუხს იმის გამო, რომ მისი შვილი ცდილობს, პეპასა და მის ძმა ჯორჯს დაემსგავსოს, ამიტომ მულტფილმის ყურებას უკრძალავს.

ექსპერტები და ფსიქოლოგები გვაფრთხილებენ, რომ ადამიანის გონებრივი განვითარების 80% სამ წლამდე ასაკში ყალიბდება. ამიტომ თუ ბავშვი ტელევიზორთან ან კომპიუტერთან დიდ დროს ატარებს, ყურადღება მიაქციეთ, რომ ნეგატიური პერსონაჟების ქცევის კოპირება არ დაიწყოს.

]]> https://lady.mcvane.ge/main/sasiyvarulo/other_sms/42043--.html https://lady.mcvane.ge/main/sasiyvarulo/other_sms/42043--.html https://lady.mcvane.ge/main/sasiyvarulo/other_sms/42043--.html Sat, 24 Feb 2018 17:14:40 +0000 index საერთოდ, არამარტო ბავშვი, ყველა ასაკის ადამიანი უნდა ზრუნავდეს ყურის ჯანმრთელობაზე. ყველა ასაკის ადამიანი უნდა მოერიდოს ძლიერ ხმაურს, ე.წ. მაღალ დეციბელებს. საქართველოს რესტორნები, დისკოთეკები, ღამის კლუბები ამ მხრივ ძალიან სახიფათოა... აყრუებს და ზოგჯერ ისეთ დაზიანებას იწვევს, რომლის აღდგენაც შეუძლებელია.

განსაკუთრებით რთულ დაზიანებებს იწვევს ხანშიშესულ ადამიანებში! ხშირად მოსულა ჩემთან პაციენტი და უთქვამს, რესტორანში დინამიკის მხარეს ვიჯექიო და რომ გამისინჯავს, იმ მხარეს სმენა ნული ყოფილა... რესტორნების მესვეურებთან ბევრჯერ მივსულვარ თხოვნით, მუსიკა ძალიან მაღალ ხმაზე არ ჟღერდეს, მაგრამ არავითარი შედეგი ჩემს გაფრთხილებას არ მოჰყვა.

- ბანაობის დროს როგორ უნდა ყურს მოვლა სხვადასხვა ასაკში?

- ბევრს ჰგონია, რომ ბანობის დროს ყური დიდხანს უნდა ხეხოს... შხაპს რომ ვიღებთ და თავზე წყალს ვისხამთ, ყურის ნიჟარები უნდა გადმოვკეცოთ და შესასვლელი დავფაროთ, წყალი რომ არ ჩავიდეს. თუ ჩავა, ამაშიც არაფერია საგანგაშო. თავს გადმოვაბრუნებთ და წყალი გადმოვა. შემდეგ პირსახოცი რამდენზეც შედის ყურში, იმდენზე გავიმშრალებთ... ზედმეტი წმენდით ზოგჯერ ყურში ინფექციები შეაქვთ, განსაკუთრებით სოკოვანი დაავადებები, რომელიც შეიძლება წლების განმავლობაში გაგრძელდეს... ირონიული იუმორით რომ გითხრათ, ოტორინოლარინგოლოგებმა ძეგლი უნდა დავუდგათ ყურსაწმენდებს. რაც ეს ყურსაწმენდები გამოვიდა, დაახლოებით სამჯერ-ოთხჯერ იმატა პაციენტთა რიცხვმა.

მეცოდება ეს ხალხი და ამიტომაც ვაფრთხილებ!

- ხშირად მშობელს აქვს შიში, რომ ბავშვს ყურში მწერი არ ვშეუძვრეს...

- საბედნიეროდ, ფაროსანა ყურში ვერ შეძვრება, რადგან დიდია, თორემ ყველაზე მეტად დღეს ეგ მწერია მოდებული საქართველოში... ადამიანს თუ ყურში მწერი ჩაუძვრა და აწუხებს, ყურში სპირტი უნდა ჩაისხას. ოღონდ იმ შემთხვევაში თუ ყურის ბარაბნები მთელია. სპირტი დაათრობს ან მოკლავს მწერს, შემდეგ მივა ექიმთან და ამოიღებს... გამორიცხულია, ადამიანს ძილში ჩაუძვრეს და ვერ მიხვდეს. მწერი თავის საცეცებით იმდენად აუტანელი რამეა და ისე ფართხალებს, რომ მაშინვე დისკომფორტს იგრძნობს... ბავშვს იმით შევამჩნევთ, რომ ხელს ძალიან ხშირად წაიღებს ყურისკენ. პატარას იქ მიაქვს ხელი, სადაც ტკივა და აწუხებს... ბავშვსაც შეგვიძლია ყურში სპირტი ჩავასხათ და შემდეგ ექიმთან მივიყვანოთ. დედამ უნდ იცოდეს ყურის ბარაბნები არის თუ არა მთელი, რისი დადგენაც დღეს ძალიან ადვილია.

მანანა გაბრიჭიძე

www.mshoblebi.ge]]> https://lady.mcvane.ge/main/sasiyvarulo/other_sms/41979--.html https://lady.mcvane.ge/main/sasiyvarulo/other_sms/41979--.html https://lady.mcvane.ge/main/sasiyvarulo/other_sms/41979--.html Tue, 13 Feb 2018 08:42:11 +0000 index შეიძლება ხშირად გიხუმრიათ, რომ თქვენს უმცროს და-ძმაზე უფრო ჭკვიანი ხართ იმ მარტივი მიზეზის გამო, რომ უფროსი ხართ და თქვენ არც ცდებით.

ედინბურგის უნივერსიტეტის მიერ ჩატარებულმა კვლევამ დაადგინა, რომ უფროს შვილებს უმცროს დედმამიშვილებზე უფრო მაღალი ინტელექტის კოეფიციენტი აქვთ, რადგან მშობლებისგან მეტ მენტალურ სტიმულაციას იღებენ.

კვლევის შედეგის თანახმად, მიუხედავად იმისა, რომ ერთ ოჯახში გაზრდილი ბავშვები, როგორც წესი, მშობლებისგან ერთნაირ ემოციურ მხარდაჭერას იღებენ , მშობლები პირველ ბავშვებს ბევრად უფრო აქტიურად ეხმარებიან იმ დავალებების შესრულებაში, რომლებიც აზროვნების უნარს ავითარებს.

კვლევაში, რომლის შედეგებიც Journal of Human Resources-ში გამოქვეყნდა, 5 000 ბავშვი მონაწილეობდა, რომელთა შეფასებაც 2-იდან 14-წლამდე ყოველ ორ წელიწადში ხდებოდა. IQ ტესტებში უფროსმა შვილებმა უფრო მაღალი შედეგები აჩვენეს, ვიდრე უმცროსებმა.

www.newposts.ge]]> https://lady.mcvane.ge/main/sasiyvarulo/other_sms/41756--2018-.html https://lady.mcvane.ge/main/sasiyvarulo/other_sms/41756--2018-.html https://lady.mcvane.ge/main/sasiyvarulo/other_sms/41756--2018-.html Tue, 12 Dec 2017 08:03:54 +0000 index ახალი 2018 წელი ძაღლის წელია. მიჩნეულია, რომ ძაღლი ოჯახისა და ნათესავების მოყვარული, სამართლიანი არსებაა. ის თავგანწირვით უვლის საკუთარ შვილებს და მიდრეკილება აქვს ზოგადად, ჰქონდეს დიდი ოჯახი. ამიტომ ასტროლოგები ამ წელს ერთმნიშვნელოვნად გირჩევენ იზრუნოთ გვარის გაგრძელებაზე.

2018 წელს სამყაროს შემოქმედებითი ნიჭით დაჯილდოებული, ლიდერული თვისებების მქონე და აქტიური პატარები მოევლინებიან. მათთვის მნიშვნელოვანი იქნება საკუთარი ოჯახის, ფესვების სიყვარული და პატივისცემა. ისინი იქნებიან უზომოდ კრეატიულები, ორიგინალურები, ნოვატორულად მოაზროვნეები და გულკეთილები.

ამ პერიოდში სამყაროს ბევრი პოტენციური იურისტი, სამხედრო მოღვაწე, ექიმი, სპორტსმენი, პოლიტიკოსი, არქიტექტორი, შოუბიზნესის გამოჩენილი მოღვაწე მოევლინება. 2018 წელში დაბადებული ბავშვები შესანიშნავი მეგობრები იქნებიან. თუმცა, სამეგობროს გულმოდგინედ შეარჩევენ და არასოდეს აიტანენ ორპირობასა და ტყუილს მეგობრობაში.

მათ უმეტესობას ექნება გამოკვეთილი სამსახიობო ტალანტი და უნარი დასახული მიზნების მისაღწევად გულმოდგინედ იშრომონ ცხოვრებაში. ისინი იქნებიან სამართლიანები და პრინციპულები. ექნებათ გასაოცარი ნებისყოფა და გამძლეობა.

www.astrologi.ambebi.ge]]> https://lady.mcvane.ge/main/sasiyvarulo/other_sms/41699--7-.html https://lady.mcvane.ge/main/sasiyvarulo/other_sms/41699--7-.html https://lady.mcvane.ge/main/sasiyvarulo/other_sms/41699--7-.html Mon, 20 Nov 2017 09:57:24 +0000 index დარწმუნებულები ვართ, რომ ჩვენი საიტის მკითხველები ერთმანეთზე უკეთესი მშობლები არიან. თუმცა ზოგჯერ კარგი მშობლებიც იქცევიან არასწორად. გაეცანით სტატიაში ჩამოთვლილი თვისებებს, რათა რაც შეიძლება იშვიათად დაემსგავსოთ ცუდ დედას.

ყვირილი

შეადარეთ ფრაზები: "რატომ დაყარე სათამაშოები?" და "გთხოვ, აალაგე სათამაშოები". თავად რომელ შემთხვევაში აალაგებდით სათამაშოებს? ხმაურიანი განცხადებები ბავშვს აშინებს და მასში პროტესტის გრძნობას იწვევს. ყვირილს არანაირი დადებითი ფუნქცია არ მოაქვს. გარდა დედის ემოციური განტვირთვისა, მაგრამ ამ უკანასკნელისთვის არსებობს იოგა, ფინჯანი ჩაი ან ყავა ტკბილეულთან ერთად და დაქალები.

თუ ბავშვს მხოლოდ ყვირილით ელაპარაკებით, როცა გაიზრდება, მისთვის ხმის მისაწვდენად მეგაფონიც აღარ გიშველით. იმისათვის, რომ ბავშვთან ყვირილით საუბარს გადაეჩვიოთ, წარმოიდგინეთ, რომ ყვირილის დროს თქვენი პირიდან საშიში არსების შავ-წითელი სახე ამოდის. შეიძლება, ასეთმა წარმოსახვამ ემოციების მოთოკვას მიგაჩვიოთ.

ფიზიკური დასჯა

ძალის გამოყენებით თქვენ ბავშვს ასწავლით, რომ:

1. პატარების ცემა შეიძლება;
2. დიდი გოგონები ისე იქცევიან, რომ საპასუხო დარტყმას მოითხოვენ;
3. კამათში საბოლოო არგუმენტი ძალაა.

სხვა სიტყვებით რომ ვთქვათ, თქვენ ზრდით ადამიანს, რომელიც სუსტებს ფიზიკურად გაუმკლავდება, თავზე ძლიერს კი უსიტყვოდ დაემორჩილება.

არათანმიმდევრობა

დედების უმრავლესობას ნერვული შეტევა ეწყება, როცა ბავშვი მათ სურვილს არ ასრულებს. გაიხსენეთ ექსპერიმენტი პავლოვის ძაღლზე, რომელსაც საჭმლის ფიალასაც აძლევდნენ და პარალელურად დენსაც ურტყამდნენ. საცოდავი ცხოველი შეშინებულ ნევროტიკად გადაიქცა. თუ არ გსურთ, თქვენი შვილსაც გაუფუჭდეს ნერვები, შეთანხმდით მამასთან და ბებია-პაპებთან, რომ ბავშვის მიმართ მოთხოვნები იყოს ერთნაირი. თუ ითხოვთ, რომ იყოს აკურატული, მოთმინებით აღიჭურვეთ და არც ბავშვი ააჩქაროთ.

დამცირება

კომედიებში ხშირად ჩნდება დოყლაპია, რომელსაც ყველაფერი ხელიდან უვარდება, ნივთებს კარგავს, პასუხის გაცემის ნაცვლად წითლდება და საბოლოოდ, სახეში ტორტი ხვდება. ასეთი ადამიანი შეიძლება გაიზარდოს ბავშვი, რომელსაც მუდამ ნაკლოვანებებზე მიუთითებენ. როგორ მოიქცევა ბავშვი, რომლის დედაც ამბობს: "ასეთ დებილ ბავშვს არც ერთ სკოლაში არ მიიღებენ" ან "ასეთ ჭუჭყიან კაბაში რომელ ბიჭს მოეწონები?". ასეთ სიტუაციაში მოხვედრილი ბავშვი გულწრფელად განიცდის მომხდარს და ოცნებობს, რომ მიწამ ჩაიტანოს, ოღონდ დედის ასეთი სიტყვები არ ისმინოს.

მოფერებისგან თავის შეკავება

თუ ბავშვისთვის მხოლოდ იშვიათ შემთხვევებში იმეტებს კოცნასა და მოფერებას, მას დაუცველობისა გრძნობა უჩნდება. ძველად მიაჩნდათ, რომ ბავშვის მოფერება და კოცნა საჭირო არ იყო. გამოთქმა: "შვილი მტრად გაზარდე, მოყვრად გამოგადგება" დაივიწყეთ, ასეთმა მოპყრობამ სიკეთე არავის მოუტანა. დედის სიცივე ბავშვზე ფიზიკური აგრესიასავით მოქმედებს; იგი უხილავ ბარიერს ქმნის დედასა და შვილს შორის მთელი სიცოცხლის მანძილზე. ამიტომ, რაც შეიძლება მეტი მოფერება და კოცნა გაიმეტეთ თქვენი შვილისთვის.

დანაშაულის გრძნობის პროვოკაცია

დედის მიერ ნათქვამი ფრაზების - "შენ გამო ღამეები არ მეძინა", "შენს გამო რამდენ სიამოვნებაზე ვთქვი უარი", "ნეტავ, რისთვის გაჩნდი" - გააზრება ბავშვს დეპრესიაში აგდებს, ხოლო გარდატეხის პერიოდში შეიძლება სუიციდამდეც მიიყვანოს. ამიტომ, ფრთხილად, ფრაზებთან, რომელსაც ბავშვს ეუბნებით, ნუ ატკენთ სათუთ გულს. მას ისედაც უამრავი გულსიტკენა ელის ცხოვრებაში.

ტყუილი

მშობელი პატარა ბავშვს ხშირად ატყუებს. ეს ზოგჯერ მის სასიკეთოდაც ხდება. ასაკის მატებასთან ერთად, ეცადეთ, ბავშვისთვის ნათქვამი ტყუილები შეამციროთ. ყველაფერი მისთვის გასაგებ ენაზე, მშვიდად აუხსენით. ბავშვი თუ ერთხელ მიხვდა, რომ ატყუებთ, ის აღარასდროს გენდობათ.

www.mshoblebi.ge]]> https://lady.mcvane.ge/main/sasiyvarulo/other_sms/41679--.html https://lady.mcvane.ge/main/sasiyvarulo/other_sms/41679--.html https://lady.mcvane.ge/main/sasiyvarulo/other_sms/41679--.html Tue, 14 Nov 2017 14:29:17 +0000 index ვაქცინისა და აუტიზმის კავშირზე საუბარი რამდენიმე წელია, დაუსრულებლად გრძელდება. თეორიას, რომ აცრა იწვევს აუტისტური სპექტრის აშლილობას, ბევრი მომხრე და მოწინააღმდეგეც ჰყავს. ყველაფერი კი ენდრიუ უეკფილდის ნაშრომიდან იღებს სათავეს, რომელშიც ნათქვამია, რომ ვაქცინაცია ბავშვებში აუტიზმს იწვევს.

მეცნიერი ამტკიცებდა, რომ წითელას დასუსტებული ვირუსი, რომელიც ვაქცინის შემადგენლობაში შედიოდა, იწვევდა კუჭის ანთებით პროცესს და საბოლოოდ აუტიზმის სიმპტომებიც ჩნდებოდა. რაც შეეხება კვლევის შედეგებს, თუ 1997 წლის მონაცემებით, ბრიტანეთში 2 წლამდე ბავშვების 91.5 პროცენტი იცრებოდა, ცნობილი კვლევის შემდეგ ეს რიცხვი 79.9 პროცენტამდე შემცირდა, რადგან მშობლებმა მასობრივად უარი თქვეს ვაქცინაციაზე.

ბრაიან დირნა ალტერნატიული გამოძიება დაიწყო და მისმა კვლევამ უკვე საწინააღმდეგო დაამტკიცა.

დირნის ახალმა გამოძიებამ მოთხოვნა ვაქცინაციაზე კვლავ გაზარდა და მხოლოდ 2012 წლისთვის დაუბრუნდა ძველ ნიშნულს.

ასეთივე სტატისტიკა იყო შოტლანდიაში, უელსსა და სამხრეთ ირლანდიაში.

ვაქცინაციის შემცირებამ გამოიწვია წითელას ეპიდემიის მკვეთრი ზრდა. 1998 წელს ინგლისსა და უელსში ლაბორატორიულად დადასტურდა წითელას 56 შემთხვევა, 2006 წელს კი – 740. უკვე 2008 წელს ეს რიცხვი 1370-მდე გაიზარდა.

ბრიტანეთის ჯანდაცვის ორგანიზაციამ ფაქტს “ეპიდემიის” კვალიფიკაცია მისცა. თამამად შეიძლება ითქვას, რომ ამაში დამნაშავე ენდრიუ უეკფილდია. მისი პუბლიკაციის შემდეგ 2000 წლიდან, წითელას აცრაზე უარის თქმის გამო, 3 მოზარდი გარდაიცვალა.

საბოლოოდ ბრიტანეთის სამედიცინო საბჭომ უეკფილდს უფლებამოსილება შეუწყვიტა.

დასკვნაში ნათქვამია, რომ შესაძლოა, უეკფილდის კვლევაში მონაწილე 12 ბავშვს რეალურად მართლა დაეწყო აუტისტური სპექტრის ნიშნების გამოვლენა აცრების შემდეგ, თუმცა ასეთი 12 ბავშვი, რომლებსაც მსგავსი სპექტრის ნიშნები გამოუვლინდა, სხვა ნიშნებითაც შეიძლება, მოიძიოთ.

გამომდინარე იქიდან, რომ ამ თემაზე საუბრები დღეს მაინც აქტუალურია, ჩვენ კომენტარისთვის ცნობილ უკრაინელ პედიატრს, ევგენი კომაროვსკის, დავუკავშირდით, რომელმაც „ფორტუნასთან“ აცრებსა და თანმხლებ მოვლენებზე ვრცელი კომენტარი გააკეთა:

„ის, რომ ვაქცინას აქვს უკუჩვენება, ეს სამედიცინო კვლევებით დასტურდება და კონკრეტული ვაქცინის კონკრეტული რეაქციაც გარკვეულ დროშია გაწერილი. მინდა, იცოდეთ, რომ აცრების შემდეგ ცხოვრება ჩვეულებრივად გრძელდება. დიახ, აცრის შემდეგ შესაძლოა, გაცივდეთ, მოიწამლოთ ან ფეხი მოიტეხოთ. თუ, მაგალითად, დიფტერიის კომბინირებული ვაქცინის შემდეგ სიცხემ აგიწიათ, ამის მიზეზი ვირუსული ინფექციაა, რომელიც შესაძლოა, პოლიკლინიკის დერეფანში „აიკიდეთ”. სამედიცინო კვლევები ამბობს, რომ პოლიკლინიკაში ვირუსის გადადების საფრთხე ერთიორად იზრდება, აცრის შემდეგ კი – არა.

“ხშირად ჰიპოთეზა აცრებისა და გართულებების თაობაზე, არანაირ სამედიცინო კვლევას არ ემყარება. ის ეფუძნება მშობლების, ბებიების, ბაბუების და ახლობელი ადამიანების მონაყოლს, რომლებიც საკუთარი „გამოცდილებით“ საუბრობენ. მეტსაც გეტყვით, ყველა დროსა და ეპოქაში ათი დაბადებული ბავშვიდან მექვსეს დაბადებიდან მეორეე დღეს სიყვითლე უვითარდებოდა. ექიმები ამას ბილირუბინს, ფერმენტებსა და სხვა მიზეზებს აბრალებდნენ. უბრალოდ ადრე ექიმების სჯეროდთ, დღეს ურჩევნიათ მითების სჯეროდეთ. დღეს ბვერი ამ სიყვითლეს B ჰეპატიტის საწინააღმდეგო ვაქცინას აბრალებს.

“1999 წელს ამერიკის აცრების კალენდარში შევიდა ვაქცინა როტავირუსის წინააღმდეგ. გარკვეული პერიოდის შემდეგ გამოითქვა მოსაზრება, რომ ეს ვაქცინა კუჭ–ნაწლავის პრობლემებს იწვევდა. მრავლობითმა კვლევებმა ეს ეჭვი დაადასტურა და ვაქცინა მოხმარებიდან ამოიღეს. როტავირუსის ინფექციის საწინააღმდეგო ვაქცინის ისტორია არის ნათელი მაგალითი, რომ კავშირი ვაქცინასა და შესაძლო დაავადებას შორის მუდმივი კვლევის საგანია. ყველა ვაქცინა და მისგან წამოსული შესაძლო გართულება არაერთგზის შესწავლილია მეცნიერების მიერ. არსებობს უამრავი მტკიცებულება იმისა, რომ არსებული ჭორები კვლევებით არ დასტურდება. მაგალითად, არ დადასტურდა, რომ ვაქინაცია ასუსტებს იმუნიტეტს, ზრდის ალერგიულ რეაქციებს, ქმნის აუტოიმუნური დაავადებების განვითარების რისკს და იწვევს შაქრიან დიაბეტს. მეგობრებო ეს არ დადასტურდა.

და ბოლოს, ყველაზე გავრცელებული მოსაზრება, რომ აცრა იწვევს აუტიზმს ბავშვებში. მეტიც, დასახელდა კონკრეტული ვაქცინა, წითელა-წითურა-ყბაყურას საწინააღდეგო ვაქცინა. რა მოხდა ამის შემდეგ? ათეულობით კვლევამ, რომელიც უახლესი მეთოდით უმაღლეს დონეზე ჩატარდა, ამ ვაქცინისა და აუტიზმის კავშირი ვერ დაადგინა. ასევე, ამერიკაში 10 წელია, რაც არ გამოიყენება ეგრეთწოდებული ტიომერსალი. ნივთიერება, რომელსაც აუტიზმის გამომწვევ კომპონენტს უწოდებენ და ამ ნივთიერების ვაქცინის შემადგენლობიდან ამოღების შემდეგ, აუტიზმის შემთხვევებმა არც ერთი პროცენტით არ იკლო. კვლევის ავტორმა, კი რომელიც აუტიზმის ვაქცინასთან კავშირს ამტკიცებვდა, აღიარა, რომ მისი კვლევა ფინანსდებოდა ორგანიზაციის მიერ, რომელიც აუტისტური სპექტრის აშლილობის მქონე ბავშვების ინტერესებს იცავდა, ანუ კვლევა იმთავითვე შესაძლოა, არაობიექტური იყო,“ – ამბობს ევგენი კომაროვსკი.

www.fortuna.ge]]> https://lady.mcvane.ge/main/sasiyvarulo/other_sms/41669--_-.html https://lady.mcvane.ge/main/sasiyvarulo/other_sms/41669--_-.html https://lady.mcvane.ge/main/sasiyvarulo/other_sms/41669--_-.html Sat, 04 Nov 2017 14:39:28 +0000 index უამრავი დიასახლისი წუწუნებს, რომ ჭურჭლის სარეცხი საშუალებები კანს აშრობს, ზოგი ალერგიას უჩივის. არაფერს ვამბობთ იმაზე, რომ ჟელეები, სარეცხის ფხვნილები თუ სხვა საშუალებები ძირითადად ქიმიური საშუალებებით არის დამზადებული და მათი სისტემატური ხმარება ასე თუ ისე მაინც აისახება ჩვენს ორგანიზმზე. განსაკუთრებით, თუ სახლში ბავშვია.

ბევრისთვის ალბათ ეს ახალი ამბავია, მაგრამ რეალურად საყოფაცხოვრებო ქიმია ერთ-ერთი სერიოზული საფრთხეა ბავშვიან ოჯახში. ფერად-ფერადი ხსნარები თუ ფხვნილები პატარებს განსაკუთრებით იზიდავენ. ხშირია ამ საშუალებების გადაყლაპვის ფაქტებიც.

სარეცხის ფხვნილი, ჭურჭლის სარეცხი ჟელე, წებო, ყოველგვარი ლამაზად შეფუთული ქიმიური ნივთი ბავშვის მზერას იპყრობს და ცდილობს, გემო გაუსინჯოს, რაც ტრაგიკულად მთავრდება. წელიწადში 700 ბავშვი ხვდება საავადმყოფოში, ჭურჭლისა და ტანსაცმლის სარეცხი კაფსულების დაგემოვნების შემდეგ. გარდა ამისა, არც ისე იშვიათია ალერგიები ასევე ბავშვებში, რომლებსაც გარკვეული გამოკვლევების შემდეგ სწორედ სარეცხ საშუალებებს უკავშირებენ ხოლმე.

თემაზე გვესაუბრება ექიმი, სამედიცინო ჟურნალ ”მკურნალის” მთავარი რედაქტორი ქალბატონი თამარ მამაცაშვილი:

– ჭურჭლის თუ ტანსაცმლის სარეცხი, ჰიგიენური საშუალებები, რომლებიც უამრავ ქიმიურ ნივთიერებას შეიცავს, ძალიან საშიში რომაა, ამაზე აღარავინ დაობს, რადგან ამ საშუალებებით გამოწვეული მოწამვლის და ალერგიული რეაქციების უამრავი შემთხვევაგვხვდება, როგორც უფროსებში, ისე ბავშვებში. ამიტომ ალბათ ერთ-ერთი მთავარი რეკომენდაცია იქნება, გამოვიჩინოთ სიფრთხილე ამ საშუალებების შერჩევისას და მაქსიმალურად შევეცადოთ, რაც შეიძლება უსაფრთხო, ეკოლოგიური სარეცხი საშუალებები შევარჩიოთ. ამ კუთხით გამოირჩევა გერმანული პროდუქცია.

ასევე აუცილებელი რეკომენდაციაა: ჭურჭლის რეცხვისას, მით უმეტეს, როდესაც ვრეცხავთ ბავშვის ჭურჭელს, ჟელე დავიტანოთ ზომიერად და აუცილებლად კარგად გავავლოთ, რომ არ დარჩეს ზედ სარეცხი საშუალება და შემდეგ არ მოხვდეს ადამიანის ორგანიზმში.

და თუ სახლში ბავშვი გყავთ, მისი სარეცხი არა მხოლოდ ცალკე უნდა ირეცხებოდეს, არამედ მისთვის ცალკე უნდა გქონდეთ სარეცხი საშუალებაც – არაქიმიური, ეკოლოგიური.

ბევრი ქალბატონი ასევე აქტიურად იყენებს ქლორს და ქლორის შემცველ სხვა საშუალებებს იატაკების წმენდისას, ასევე აბაზანის რეცხვისას. აუცილებელია, მაქსიმალურად იშვიათად გაირეცხოს ქლორის შემცველი საშუალებებით იატაკი, თუ მასზე ბავშვი ხოხავს ან ახალფეხადგმული პატარა დადის და არის შანსი, რომ ის ხელით შეეხოს და შემდეგ პირში ჩაიდოს ის ხელი. ან ეცადეთ, შემდეგ ბევრჯერ გაწმინდოთ იგივე იატაკი თუ აბაზანა სუფთა წყლით, რათა არ შერჩეს მასზე ქლორის კვალი. იატაკის წმენდისთვისაც ეკოლოგიურ საშუალებებს მიანიჭეთ უპირატესობა. თუ ანტიბაქტერიული წმენდა გინდათ, შეგიძლიათ შეარჩიოთ ლავანდის სითხეები. ამ მცენარეს ანტიბაქტერიული თვისება აქვს.
ერთი სიტყვით, ეძებეთ ეკოლოგიურად სუფთა საშუალებები და რაც შეიძლება კარგად გაავლეთ ყველაფერი სუფთა წყლით.

დაბოლოს, რამდენიმე რჩევა მშობლებს, თუ ბავშვმა ჭურჭლის ჟელე, სარეცხის ფხვნილი ან საპონი შეჭამა, რაც ასევე ხშირი მოვლენაა. რა გავაკეთოთ ექიმის მოსვლამდე?

1. პირველ რიგში სასწრაფო გამოიძახეთ.
2. პირში და ყელში წყალი გამოავლეთ
3. დაალევინეთ ერთი მოზრდილი ჭიქა წყალი და 1-2 აბი ნახშირი.
4. გაარკვიეთ, კონკრეტულად რა გადაყლაპა, რამდენი და როდის.
5. არავითარ შემთხვევაში არ სცადოთ გულისრევის ხელოვნურად გამოწვევა. ქიმიური ნივთიერებების ამოფრქვევა კუჭიდან საყლაპავი გზების განმეორებით დამწვრობას ან ინტოქსიკაციას გამოიწვევს. დასაშვებია მხოლოდ ზონდით ამოტუმბვა, რასაც ექიმი გააკეთებს. თუ მაინც აერია გული, ამოფრქვეული მასა ექიმის მოსვლამდე შეინახეთ.

წყარო: www.mshoblebi.ge]]> https://lady.mcvane.ge/main/sasiyvarulo/other_sms/41624--.html https://lady.mcvane.ge/main/sasiyvarulo/other_sms/41624--.html https://lady.mcvane.ge/main/sasiyvarulo/other_sms/41624--.html Fri, 29 Sep 2017 16:30:07 +0000 index ფიზიკურ ვარჯიშს რომ ადამიანის ჯანსაღი ცხოვრების წესში მნიშვნელოვანი ადგილი უკავია, ეს უკვე არავისთვის აღარ წარმოადგენს სიახლეს. სწორად შერჩეული ფიზიკურ აქტივობას კი ძალიან დიდი მნიშვნელობა აქვს. წყლის პროცედურები ამ მხრივ შეიძლება ითქვას უნივერსალურია, ერგება თითქმის ყველა საჭიროების მქონე ადამიანს. ამ სტატიაში გვინდა გესაუბროთ წყლის პროცედურების მნიშვნელობაზე ჩვილებში და მცირეწლოვან ბავშვებში.

პატარების ზრდა განვითარებაში წყლის პროცედურების როლზე ვესაუბრეთ თერაპევტ მაია ვარდოსანიძეს, რომელიც ამჟამად სწორედ ამ მიმართულებით მუშაობს, ბავშვთა სპა ცენტრ "ჭუპაში". მასთან საუბრისას გავარკვიეთ, რომ წყლის პროცედურები საჭირო და სასურველია ნებისმიერი ბავშვისთვის, როგორც სარელაქსაციო, ასევე გამაჯანსაღებელი და სამკურნალო თვალსაზრისით.

მაია ვარდოსანიძე: "ჩვილებისთვის წყალში ყოფნა ფაქტიურად ბუნებრივი მდგომარეობაა, ვინაიდან ისინი მთელი 9 თვის განმავლობაში მუცლად ყოფნისას სანაყოფე წყალში იზრდებიან და ვითარდებიან. წყალი აუმჯობესებს სისხლის მიმოქცევას, ხელს უწყობს ნერვიული სისტემის სწორად ჩამოყალიბებას, შედეგად ბავშვი ხდება უფრო მშვიდი, უკეთ სძინავს, უკეთ იკვებება. წყალში მოძრაობა ავითარებს კუნთოვან ქსოვილს, ბავშვის იმუნიტეტი კი მნიშვნელოვნად უმჯობესდება, ხდება უფრო გაკაჟებული და იოლად აღარ ცივდება. დადგენილია რომ რეგულარული ცურვა ხელს უწყობს ბავშვის სიმაღლეში ზრდას და სხეულის სწორად ფორმირებას. იმ ასაკში, როდესაც ბავშვი სიარულს იწყებს ხშირად გვხვდება ისეთი პრობლემა როგორიცაა ფეხის სისუსტე, რის გამოც ბავშვი დამოუკიდებლად ვერ დგება ფეხზე და შესაბამისად ვერც დადის. ამისთვის საუკეთესო და შეიძლება ითქვას შეუცვლელია წყალი, რადგან წყალში გაცილებით უფრო იოლია კუნთის გავარჯიშება, ვიდრე ნებისმიერი სხვა ვარჯიშისას. ასევე ძალიან მნიშვნელოვანია წყლის პროცედურები ორიენტაციის ცენტრის განვითარებისთვის, აუტისტური სპექტრის აშლილობის მქონე ბავშვებისთვის, დისპლაზიის და ჰიპოპოკინეზიის (კუნთის შემცირებული შეკუმშვა) მქონე ბავშვებისთვის."

ევროპულ ქვეყნებში დიდი ხანია განვითარებულია ეს მიმართულება და პატარებს ჩვილობის ასაკიდან აქვთ შესაძლებლობა იარონ ცურვაზე. ჩვენს ქვეყანაში კი ამ მხრივ ნამდვილად იგრძნობოდა ჩამორჩენა, თუმცა დღეს ეს ყველაფერი უკვე შესაძლებელია.

გვინდა გაცნობოთ იმ სასიამოვნო სიახლის შესახებ, რომელიც ვფიქრობთ რომ ყველა დედას გაახარებს. ჩვენს დედაქალაქში, დიდი დიღმის ტერიტორიაზე გაიხსნა ბავშვთა სპა ცენტრი "ჭუპა", სადაც ფუნქციონირებს სპეციალურად ბავშვებისთვის შექმნილი აუზები, რომლებსაც გააჩნია ჰიდრო მასაჟის ფუნქცია და იდეალურად არის მორგებული ჩვილებისა და მცირეწლოვანი ბავშვების საჭიროებებზე. "ჭუპაში" თქვენ დაგხვდებათ სუფთა და კომფორტული გარემო, სადაც პროფესიონალი რეაბილიტოლოგები და მასაჟისტები ინდივიდუალურად მოემსახურებიან თქვენს პატარებს. როგორც ვიზიტორები აღნიშნავენ სპა ცენტრში განსაკუთრებული სისუფთავეა და ჰიგიენის სტანდარტები მკაცრად არის დაცული. გარდა წყლის პროცედურებისა "ჭუპა"-ში ასევე შესაძლებელია სამკურნალო და გამაჯანსაღებელ მასაჟების ჩატარებაც.

იმედია ეს სასიამოვნო სიახლე ბევრ პატარას გაახარებს. ჩვენ ყველა დედას ვურჩევთ თავად ესტუმროს "ჭუპას" და პირადად შეაფასოს იქ არსებული გარემო და მომსახურების ხარისხი. "ჭუპა"-ს ხელმძღვანელობას კი მადლობას ვუხდით ასეთი სასიამოვნო ინიციატივისთვის და წარმატებებს ვუსურვებთ.

დამატებითი ინფორმაციისთვის ეწვიეთ სპა ცენტრ "ჭუპას" ფეისბუქგვერდს:

https://www.facebook.com/BabySpa.Chupa/

www.mshoblebi.ge]]> https://lady.mcvane.ge/main/sasiyvarulo/other_sms/41587--.html https://lady.mcvane.ge/main/sasiyvarulo/other_sms/41587--.html https://lady.mcvane.ge/main/sasiyvarulo/other_sms/41587--.html Tue, 05 Sep 2017 13:44:53 +0000 index რა თქმა უნდა, ნებისმიერი მშობელი ოცნებობს საკუთარი შვილის ბედნიერებაზე, თუმცა ბევრმა არ იცის, როგორც მოიქცეს ან რა უთხრას პატარას, ისე რომ ზედმეტად არ გაანებივროს, თუმცა დაიმსახუროს მისი სიყვარული და ბედნიერი ღიმილი.

ხშირად უთხარით საკუთარ შვილს:

* მაშინაც ძალიან მიყვარხარ, როცა გაბრაზებული ვარ შენზე

* ნებისმიერი ბავშვის არჩევა რომ შემეძლოს, მაინც შენ აგიჩევდი

* მაშინაც მიყვარხარ, როცა შორს ხარ ჩემგან. გახსოვდეს, რომ ჩემი სიყვარული ყოველთვის შენთანაა

* ძალიან მომეწონა დღეს შენთან თამაში

* მიხარია, რომ მთელი დღე თამაშის ნაცვლად მე მეხმარებოდი

სიამოვნებით მოუყევით:

* მისი დაბადების ისტორია

* როგორ შეარჩიეთ მისთვის სახელი

* როგორი იყავით თვითონ მის ასაკში

* როგორ გაიცანით მისი მამაიკო

* რას საქმიანობთ ახლა

* საკუთარი გეგმები

ყურადღებით მოუსმინეთ:

* ყოველთვის, როცა მოგმართავთ

* უფრო დიდხანს, ვიდრე მოთმინება გყოფნით

* რას ჰყვება ბავშვი საკუთარ სათამაშოებზე და დაფიქრდით, რამდენად მნიშვნელოვანია თითოეული სათამაშო მისთვის

* შეკითხვას, რომელზე პასუხიც მისთვის აუცილებელია

* გრძნობას, რომელსაც ბავშვი სიტყვებით გამოხატავს

ჰკითხეთ ინტერესით:

* როგორ გგონია, რატომ მოხდა ასე?

* როგორ ფიქრობ, რა მოხდება რომ..?

* რაზე ფიქრობ ახლა?

* ყველაზე მეტად რა მოგეწონა დღევანდელ დღეს?

აჩვენეთ:

* აკრძალვის ნაცვლად, აჩვენოთ როგორ გააკეთოს სწორად

* რომ საკუთარი თავის მოვლა და მოწესრიგება ყოველთვის აუცილებელია

* როგორ მოძებნოს ინფორმცია, როცა კითხვაზე არ აქვს პასუხი

* როგორ უყვართ მის მშობლებს ერთმანეთი

გამონახეთ დრო და…

* ერთად გაისეირნეთ

* გააცანით ცხოველები ზოოპარკში

* დაიხმარეთ მისი საყვარელი ნამცხვრის გამოცხობაში

* უბრალოდ მის გვერდით ჩამოჯექით, როცა ის თამაშობს

გაახარეთ ბავშვი:

* გაუკეთეთ სიურპრიზი და დაახვედრეთ ოთახში საყვარელი ტკბილეული

* მოამზადეთ მისი საყვარელი კერძი და თეფშზე „სმაილიკის“ ფორმით მოათავსეთ

* ითამაშეთ მასთან ერთად იატაკზე

ნუ შეახსენებთ:

* დანაშაულის გრძნობას

* ძველ შეცდომებს

არ დაგავიწყდეთ:

* გაიღიმოთ, როცა თქვენი პატარა ოთახში შემოდის

* დარწმუნდით, რომ გისმენთ როცა ესაუბრებით

* ხშირად მოეფერეთ და მიეცით უფლება თვითონაც მოგეფეროთ

www.fortuna.ge]]>