სიტყვის ძალა: რა უნდა წარმოვთქვათ ყოველდღე ცხოვრების უკეთესობისკენ შესაცვლელად - ზოდიაქოს ნიშნის მიხედვით



ფრთხილად შეარჩიეთ სიტყვები, რადგან ისინი ენერგიას ატარებენ, ენერგია კი არსად იკარგება, მხოლოდ ერთიდან მეორეში გარდაიქმნება და უკან აუცილებლად ბრუნდება, ბუმერანგივით. თუ თქვენ არასწორად შეარჩევთ ფრაზებს აზრის გამოხატვისას და გეგმების შედგენისას, შესაძლოა თქვენივე სიტყვა თქვენს უძლიერეს მტრად იქცეს. გთავაზობთ ფრაზებს, რომელიც თითოეულმა ზოდიაქოს ნიშანმა უნდა თქვას ყოველდღე, თუ თავისი ცხოვრების უკეთესობისკენ შეცვლა სურს.

ვერძი: მე ნამდვილად ძლიერი ვარ, მაქვს ნებისყოფა და მიზანსწრაფულობა, ამიტომ უკან ვერაფერი დამახევინებს. ადამიანებთან ურთიერთობისას მჭირდება მეტი დიპლომატია. სულ ცოტა დამრჩა ნანატრ ძალაუფლებამდე.

ლომი: ჩემი მისია სუსტების დაცვაა, რადგან სამყარომ სულიერი და ფიზიკური მხნეობით დამაჯილდოვა. მე მაქვს დაუშრეტელი ენერგია, რომელსაც სწორი კუთხით მივმართავ - დავეხმარები საკუთარ თავსა და ადამიანებს. უნდა მოვთოკო ჩემი ეგოიზმი და სიამაყე. ზოგჯერ ზედმეტად ჭირვეული ვხდები, ამ სიჯიუტესაც უნდა ვებრძოლო.

მშვილდოსანი: მეტი პასუხისმგებლობით უნდა მოვეკიდო საქმეს. უმჯობესია, ადამიანებს მოვუსმინო და ზოგჯერ მაინც გავითვალისწინო მათი რჩევა. უნდა ვისწავლო პრობლემებისთვის თვალის გასწორება და პირობების შესრულება.

კურო: ცხოვრება ძალიან მოსაწყენად ჩაივლის, თუ ზოგჯერ მაინც არ გავრისკავ! ზედმეტად მომთხოვნი ვხდები საყვარელ ადამიანებთან, რითაც შეიძლება ურთიერთობა გავაფუჭო, როგორმე უნდა ვისწავლო მათთვის თავისუფლების მინიჭება. ოცნების სახლს, რომელსაც გონებაში ვხატავ, აუცილებლად ვიყიდი და ჩემი კუთვნილი კერაც მექნება.

ქალწული: აუცილებლად ვიპოვი შესაფერის პარტნიორს, რომელიც დააფასებს ჩემს რაციონულობას, დროის მენეჯმენტს, პრაქტიკულობასა და სტაბილურობას. ამის შემდეგ კი, დასრულდება მარტოსულობა, რომელიც პერიოდულად თავს მაბეზრებს. იმის მიუხედავად, რომ არ ვარ უნაკლო, ვამაყობ საკუთარი თავით!

თხის რქა: დროა შევწყვიტო თავის დათრგუნვა ფიქრებით, რომ ადამიანებს არ მოვწონვარ და ვცადო მათი გულის მოგება, დავანახვო როგორი ვარ სინამდვილეში, რამდენი პლუსი მაქვს. კონსერვატიზმმა ხელი არ უნდა შემიშალოს პროგრესის შეგრძნობასა და გამოყენებაში. თუ ოდესმე ლიდერი გავხდები, ანუ ჩემი ფარული სურვილი ახდება, არ ვიქნები ტირანი და გონივრულ რჩევებს გავითვალისწინებ.

ტყუპი: ურთიერთობა, რომელშიც ახლა ვარ, იქნება სტაბილური და ბედნიერებით სავსე. ორი ”მე“, რომელიც მუდმივ კონფლიქტშია, როგორც იქნა, ჰარმონიას მიაღწევს. საქმეს, რომელიც დავიწყე აუცილებლად ბოლომდე მივიყვან.

სასწორი: ჩემი პერიოდული სიავე ადამიანებს, რომლებიც მიყვარს, ტკივილს აყენებს, ამიტომ მაქსიმალურ მიმტევებლობას გამოვიჩენ, როცა მაწყენინებენ. საბოლოო გადაწყვეტილების მიღებამდე აუცილებლად დავფიქრდები, მაგრამ ისე დიდხანსაც არა, რომ შანსი ხელიდან გავუშვა!

მერწყული: დროა ახლო მეგობარი გავიჩინო, ვისაც ბოლომდე მივენდობი და მისგან საიდუმლოებების დამალვა არ მომიწევს. ცნობისმოყვარეობა, რომელიც ჩემი ხასიათის მთავარი ელემენტია, კარგია, მაგრამ სხვის საქმეში ცხვირის ჩაყოფაც არ ღირს - ”არამკითხე მოამბეო მიტყიპე და მიაგდეო.“ კარგი იქნება, თუ ტყუილებს გადავეჩვევი, ადამიანები მეტად მომენდობიან.

კირჩხიბი: მაცივართან ყოველღამე მიცუნცულებას თავი უნდა დავანებო! გვიან ჭამა საზიანოა ჩემი ჯანმრთელობისთვის! ნებისმიერი სიტყვის გულთან ახლოს მიტანა - დიდი სისულელეა. ყველაფერზე ნერვიულობა საბოლოოდ დამანგრევს! ვეცდები ვძლიო ჩემს ბუტიაობას. კარგია, რომ ვოცნებობ, მაგრამ ოცნებების ასახდენად მოქმედება სჯობს! დაბრუნება ტკბილია, როცა სამსახურიდან კი არა, მოგზაურობიდან მიიჩქარი შინ.

მორიელი: ადამიანების შეშინება უნდა შევწყვიტო. ყველას ხელს ვკრავს, ვინც კი ჩემს სულთან მოახლოება განიზრახა. მარტო დარჩენა არ მინდა, ამიტომ ვინმეს მაინც უნდა მივცე ჩემი გაცნობის შანსი. შურისძიებისას ვითრგუნები, ამიტომ ბოღმას უნდა ვძლიო და ცხოვრებას მივანდო ადამიანების დასჯა, მე კი ენერგია სხვა, სასარგებლო მიზნებისკენ მივმართო.

თევზები: სუსტი ფსიქიკა მაქვს, მაგრამ ყველაფერს ვიღონებ მის გასაძლიერებლად! დამთავრდა ფიქრები იმის შესახებ, რომ დაუცველი და სუსტი ვარ! ადამიანები არ ამართლებენ ჩემს მოლოდინებს, ამიტომ მათზე ზედმეტად დაყრდნობა არ ღირს. პარტნიორულ ურთიერთობაში მოვიწყინე, საუბრები და ერთად ფილმის ყურება ბანალური გახდა, რაღაც მეტი მინდა! მჯერა, მალე ყველაფერი გამოსწორდება!

www.astrologi.ambebi.ge
































ტექსტის სანახავად გაიარეთ რეგისტრაცია.