სამედიცინო ცნობარი რჩევები - lady.mcvane.ge

ტიბეტური "ჯანმრთელობის განრიგი"

Sat, 12 Aug 2017 16:06:43 +0000

გთავაზობთ ტიბეტურ "ჯანმრთელობის განრიგს", რომლის გათვალისწინებაც დღის დაგეგმვისას დაგეხმარებთ.

9 სთ-დან 13 სთ-მდე: ფიზიკურად და ინტელექტუალურად უფრო აქტიურები ვართ.

13 სთ-დან 15 სთ-მდე: აქტივობა იკლებს, სამაგიეროდ, ეს საუკეთესო დროა წამლების მისაღებად.

15 სთ-დან 17 სთ-ამდე: სასიცოცხლო ძალების კლებას განვიცდით. ჩვენი შრომის უნარიანობა საშუალოზე დაბალია. თუ ამ დროს დაისვენებთ, სასიცოცხლო ძალები აღდგება.

17 სთ-დან 19 სთ-ამდე: ენერგიის დაგროვება გრძელდება.

19 სთ-დან 21 სთ-ამდე: აქტივობის მეორე პიკი დგება. ძალის მოზღვავებას ვგრძნობთ.

21 სთ-დან 23 სთ-მდე: საუკეთესო დროა ბავშვის ჩასახვისთვის.

23 სთ-დან ღამის პირველ საათამდე: ძალიან ცუდი დროა, რადგან ამ დროს ნაღველი აქტიურად გამომუშავდება. ჩვენი სურვილის დამოუკიდებლად, გარშემომყოფთა მიმართ აგრესიულები ვხდებით. ამიტომ ამ დროს უმჯობესია დავიძინოთ და მეორე დღისთვის მოვემზადოთ.

for.ge

კვების 30 წესი, რომელსაც 103 წლის ქალბატონი იცავს

Sat, 15 Jul 2017 15:39:39 +0000

ინდრა დევას შეხება იოგასთან 17 წლის ასაკიდან დაიწყო, როდესაც იგი გაეცნო იოგას, ვეგეტარიანელობას და ჯანსაღი კვების წესებს. ინდრა დევას ნამდვილი სახელი და გვარია ევგენია ლობუნსკაია-პეტერსონი. იგი დაიბადა 1899 წელს რიგაში გარუსებული შვედისა და რუსეთში ცნობილი მსახიობის ოჯახში.

სამოქალაქო ომის დროს ევგენია ოჯახთან ერთად ემიგრაციაში იმყოფებოდა გერმანიაში, სადაც ის გაეცნო ინდურ კულტურას, შემდეგ კი გაემგზავრა ამ ქვეყანაში. ინდოეთში იგი გაეცნო ცნობილ გურუს შრი კრიშნამაჩარის და დაიწყო იოგის საფუძვლიანი შესწავლა. ის პირველი ევროპელი ქალბატონი იყო, რომელიც იოგას თავად ინდუსებს ასწავლიდა. ქმრის გარდაცვალების შემდეგ ინდრა დევი საცხოვრებლად ამერიკაში გადავიდა. 1947 წელს გახსნა იოგას სტუდია კალიფორნიაში და პოპულარული გახდა ჰოლივუდის ვარსკვლავებს შორის. მისი მოსწავლეები იყვნენ მერლინ მონრო, გრეტა გარბო, რიტა ჰეიუორტი, გლორია სვენსონი და 1940-იანი წლების სხვა ვარსკვლავები. 1960 წელს იგი ვიზიტით იმყოფებოდა საბჭოთა კავშირში, სადაც ხვდებოდა კოსიგინს, გრომიკოს და მოქოიანს. ამის გამო დასავლელი ჟურანლისტები მას უწოდებდნენ ქალს, რომელმაც კრემლს გააცნო იოგა.

„ყოველი ადამიანი მხოლოდ მოგებული რჩება გონივრული და დაბალანსებული დიეტის დაცვით. არასწორი კვება ხომ ნელა, მაგრამ საფუძვლიანად არყევს ადამიანის ჯანმრთელობას. ამიტომაც, თუკი თქვენ გსურთ დაიბრუნოთ, ან შეინარჩუნოთ ჯანმრთელობა, არავითარ შემთხვევაში არ უგულებელყოთ ის წესები, რომელსაც მე მივდევ ყოველდღიურად:

1. არასოდეს დალიოთ წყალი ყინულით, განსაკუთრებით ჭამის შემდეგ, რადგანაც ის არღვევს კუჭის წვენის ცირკულირებას და ხელს უშლის საჭმლის მონელებას. ყინულიანი წყლის სმა -ეს ამერიკული „ცოდვაა“ ჯანსაღი საჭლის მონელების მიმართ.

2. დალიეთ ჭიქა ოთახის ტემპერატურის სუფთა წყალი დილით უზმოზე და ღამით ძილის წინ. შეგიძლიათ დაამატოთ ლიმონის წვენი. ცხელი წყალი, ან ბალახის ჩაი თაფლით, ან ლიმონით ზაფხულის ცხელ დღეს აცოცხლებს და სიგრილის განცდას გვანიჭებს.

3. ყოველ დღე დალიეთ 5-8 ჭიქა წყალი. წყალი ისევე აუცილებელია, როგორც ჰაერი. ჩვენი სხეულის რვა მეათედი სწორედ წყლისაგან შედგება. ყოველდღიურად ჩვენ გამოვყოფთ 2,5ლიტრ წყალს. წყლის დეფეციტი ხშირად ხდება შეკრულობის და სწორი (მსხვილი) ნაწლავის გაუვალობის, ღვიძლისა და თირკმელების დისფუნქციის მიზეზი.

4. წყალი არ დალიოთ ჭამის დროს, არამედ ჭამამდე ნახევარი საათით ადრე, ან ჭამიდან 2-3- საათის შემდეგ, რათა არ დაირღვეს საჭმლის მონელების პროცესი კუჭის წვენის განზავების გამო.

5. წყალი პატარა ყლუპებით სვით და არა ერთბაშად.

6. იმისათვის, რომ „გავაცოცხლოთ“ დუღილის შედეგად დაკარგული ელემენტები, წყალი ერთი ჭურჭლიდან მეორეში რამდენჯერმე გადაასხით. ასეთი წყალი იძლევა მსუბუქ გამამხნევებელ და მასტიმულირებელ ეფექტს, რაც არ გააჩნია „უსიცოცხლო“ და „არაცოცხალ“ წყალს.

7. უფრო სასარგებლოა ხილის ჭამა, ვიდრე ხილის წვენის დალევა.

8. ბოსტნეულის წვენებს მწვანილის ფოთლებიც დაუმატეთ.

9. ალკოჰოლი, ჩაი, ყავა და შოკოლადი რეკომენდებული არ არის, რადგანაც კოფეინი და თეობრომინი ერთგვარი დოპინგია (სტიმულატორი).

10. რძე -ეს საკვებია და არა სასმელი. ის პატარა ყლუპებით უნდა ვსვათ, სხვაგვარად, შესაძლოა, საჭმლის მომნელებელი სისტემის მოშლილობა გამოიწვიოს.

11. ჩვენს ორგანიზმს კვებავს არა ის საჭმელი რომელსაც ვიღებთ, არამედ მხოლოდ ის, რომლის შეთვისებაც მას შეუძლია.

12. გულდასმით შეარჩიეთ ის საკვები, რომელიც უფრო შესაფერისია. არანაკლებ გულმოდგინედ, რითაც თქვენ ირჩევთ კაბას, ჰალსტუხს, ან სამკაულს. თავიდან საჭიროა დავაკვირდეთ: მივიღოთ სხვადასხვა საკვები სხვადასხვა კომბინაციაში, რათა შევარჩიოთ ის რაციონი, რომელიც ჩვენი ორგანიზმს უფრო მეტად უხდება.

13. მოერიდეთ „უსიცოცხლო“ პროდუქტებს, როგორიცაა კონსერვები, თეთრი ფქვილი, რაფინირებული შაქარი. ამის ნაცვლად მიიღეთ ცეხვილი ფქვილი, ყავისფერი შაქარი, ან თაფლი. მოერიდეთ კანფეტების, ნამცხვრების, აგრეთვე ძმრის მიღებას.

14. საკვები გულმოდგინედ დაღეჭეთ, ისე, რომ ის ნერწყვით საკმარისად გაჯერდეს, სხვაგვარად სახამებელი რამდენიმე საათით კუჭში დაილექება.

15. გახუხული (ტოსტი), ან გამომშრალი პური ახალზე უფრო სასარგებლოა. მაგრამ მას წყალი არ უნდა მივაყოლოთ. დაე, კბილებმა იმუშაონ, როგორც საჭიროა. ჯერ სითხე დალიეთ, პური კი შემდეგ მიირთვით. ასეთ შემთხვევაში ნერწყვი სახამებელს გლუკოზად გადააქცევს.

16. ერთ ჯერზე ერთ ულუფა სახამებელზე მეტს ნუ მიიღებთ. მაგალითად, თუ თქვენ მიირთვით ბრინჯის ულუფა, პურის, კარტოფილის, მაკარონის, ან პუდინგის მიღებისაგან, სჯობს, თავი შეიკავოთ.

17. თუ თქვენ გაწუხებთ ძლიერი პერისტალტიკა, რეკომენდებულია, მენიუ ისე შეადგინოთ, რომ სახამებელი და პროტეინები ერთად არ მივიღოთ. განსაკუთრებით გოგირდის შემცველ ისეთ პროდუქტებთან, როგორიცაა ბარდა, კომბოსტო, ყვავილოვანი კომბოსტო კვერცხი და სხვა. საქმე იმაშია, რომ გაზები წარმოიქმნება სახამებლების და გოგირდის ურთიერთქმედებით.

18. წყალს, რომელშიც ბოსტნეული მოხარშეთ, ნუ გადაღვრით. მისი გამოყენება შეიძლება სუპში, ან საწებელში. კარტოფილის ნახარშიც ძალიან სასარგებლოა.

19. სტაფილოს, ჭარხლის ან ბოლოკის ფოჩებს ნუ გადაყრით, ის კონის სახით ჩაუმატეთ თქვენს წვნიანში. მას შემდეგ, რაც წვნიანი მომზადდება, ეს კონა ამოიღეთ და გადააგდეთ.

20. ბოსტნეული დაბალ ცეცხლზე, მცირე რაოდენობის წყალში უნდა მოიხარშოს, კიდევ უკეთესია მისი მომზადება ორთქლზე.

21. მოერიდეთ შემწვარ და ცხიმიან საკვებს, რადგანაც ის კიდევ უფრო ნელა შეითვისება, ვიდრე უბრალოდ ცხიმი. ცხიმი ორგანიზმს ბოლოს ტოვებს, ნახშირწყლები ყველაზე ადრე, მის შემდეგ კი პროტეინები.

22. ყველა ცხოველური ცხიმი, როგორიცაა ღორის ქონი, კვერცხი, კარაქი და რძის პროდუქტები, ასევე მარგარინი, მაღლა სწევს სისხლში ქოლესტერინის დონეს და შეიძლება მივაკუთვნოთ ჩვენი ორგანიზმისათვის არასაჭირო ცხიმებს.

23. ქოლესტერინის მაღალი შემცველობაა ტვინში, კვერცხის გულში, ყველაზე ცოტა რძეში, ხაჭოსა და თევზში. ცოტა ქოლესტერინია აგრეთვე ყველანაირ ხილში და ბოსტნეულის უმეტეს ნაწილში.

24. ცხოველური ცხიმით მდიდარი ნებისმიერი საკვები სახიფათოა. ცხიმის მაღალი პროცენტი და პროტეინის დაბალი პროცენტი ხელს უშლის ფერმენტების მოქმედებას.

25. გახსოვდეთ, რომ კვებისა და ჯანმრთელობის საკითხებში მნიშვნელოვანია არა მარტო მოხმარებული კალორიებისა და ცხიმების რაოდენობა, არამდე ამ ცხიმების შემადგენლობაც. მაგალითდ ბეკონში არაფერი შედის გარდა კალორიებისა: არც ვიტამინები, არც მინერალები.

26. ცხიმიანი საკვები (მცენარეული ზეთის ჩათვლით) ყოველი გაცხელებისას უფრო და უფრო უვარგისი ხდება საკვებად. ასეთივე შედეგი ექნება ფრიტიურში ან ტაფაზე დარჩენილი ცხიმის გამოყენებას.

27. უმთვრესი წესი, თუმცაღა, არ არის კავშირში საკვების არც რაოდენობასთან, არც ხარისხთან, არც მისი მომზადების წესთან. უმთავრესია თვქენი დამოკიდებულება ამ საჭმლისადმი ტრაპეზის დროს.

28. დანაყრების პროცესი უნდა იყოს აუჩქარებელი. მნიშვნელოვანია, რომ ის გვანიჭებდეს სიამოვნებას და მიმდინარეობდეს მეგობრულ და სასიამოვნო გარემოში.

29. სტრესის, გაღიზიანების, ან უხასიათობის მდგომარეობაში გადაყლაპული საჭმელი ორგანიზმში ტოქსიკურ ცვლილებებს იწვევს. ამიტომ, ასეთ დროს, სჯობს, საერთოდ არ მივუჯდეთ მაგიდას. სჯობს დავიცადოთ, სანამ გუნება არ გამოგვიკეთდება.

30. ეცადეთ, ჭამის დროს თავი აარიდოთ უსიამოვნო თემებზე საუბარს. ლამაზად გაწყობილი მაგიდა ტრაპეზს კიდევ უფრო სასიამოვნოს ხდის, ისევე, როგორც ღიმილი, მხიარული საუბარი, ლამაზი ყვავილი, ან სურათი. აკურთხეთ თქვენი საჭმელი: დაე, მას თქვენთვის სიხარული მოჰქონდეს. უსიამოვნო სიახლეები არასოდეს გააჟღეროთ ჭამის წინ, ან ჭამის დროს. ეს საზიანოა არა მარტო საჭმლის მონელებისათვის, არამედ მთელი ორგანიზმისათვის“

ლელა გორდეზიანი

www.4motivi.com

ინსულტის გავლენა ტვინის ფუნქციებზე

Wed, 26 Apr 2017 12:24:40 +0000

ინსულტი წარმადგენს პათოლოგიურ მდგომარეობას, რომლის დროსაც ხდება ტვინის დაზიანება, იშემიის ან ჰემორაგიის გამო. მარტივად, რომ განვსაზღვროთ ინსულტი ვითარდება, როდესაც ტვინის რომელიმე უბანს სისხლი არ მიეწოდება, ან რომელიმე უბანში მოხდება სისხლჩაქცევა.

ახალი კვლევების შედეგად დადგინდა, რომ ინსულტი ტვინს „აბერებს“ დაახლოებით რვა წლით. აუარესებს მეხსიერებას, ხდება ფიქრის შენელება და შეიძლება მოჰყვეს უფრო მძიმე შედეგებით მაგ. კიდურების პარალიზება და მოძრაობის შეუძლებლობა. კვლევები ჩატარდა მიჩგანის უნივერსიტეტში 4900 ადამიანს შორის. ისაზღვრებოდა მათი გონებრივი შესაძლებლობები ინსულტამდე, ინსულტის შემდგომ და დროთა განმავლობაში 1998 წლიდან მოყოლებული 2012 წლამდე.

იმ ადამიანებს ვისაც გადატანილი ჰქონდათ ინსულტი, გონებრივი მაჩვენებლები თითქმის მთელი 8 წლით გაუარესდა ერთბაშად.

იმისთვის, რომ ადამიანმა შეინარჩუნოს გონებრივი ჯანმრთელობა, აუცილებელია მოახდინოს ინსულტის პრევენცია, ვინაიდან თუ ის განვითარდა შედეგები უკვე მძიმეა, ამიტომ აუცილებელია მისი პრევენცია და არ დაშვება.

გზები რითიც შეიძლება ინსულტის პრევენცია:

სისხლის წნევის კონტროლი
ქოლესტერინის და ჭარბი წონის კონტროლი
მოწევის შეწყვეტა (თამბაქოს მოხმარების შეზღუდვა)
ფიზიკური აქტივობა
დიაბეტის და გლუკოზის კონტროლი.

power.ge

დიაბეტის ადრეული ნიშნები, რაც უნდა იცოდეთ

Wed, 26 Apr 2017 07:17:41 +0000

თითქმის ყოველი მესამე ადამიანი დიაბეტის რისკის ჯგუფშია, ამერიკაში 29 მილიონ ადამიანს აქვს დიაბეტი და არადიაგნოსტირებული შემთხვევების რიცხვი კი გაცილებით მაღალია. ადამიანების დიდმა ნაწილმა იცის დიაბეტის ზოგადი განმარტება, როგორც სისხლში შაქრის მომატება. მაგრამ დიაბეტი მოქმედებს ცხოვრების ხარისხზე მთლიანად და ამცირებს სიცოცხლის ხანგრძლივობასაც. რაც მალე მოხდება დიაბეტის იდეტიფიცირება, მით მაღალია შანსი, რომ ის უფრო ეფექტურად იყოს გაკონტროლებული. ამიტომ გთავაზობთ დიაბეტის განვითარების ადრეულ ნიშნებს.

თუ თქვენი სმენა იცვლება - სმენის გაუარესება დიაბეტის ერთ-ერთ ნიშანია. რა თქმა უნდა როცა სმენა უარესდება ყოველთვის დიაბეტი არ არის, ასაკის მატებასაც ახასიათებს სმენის გაუარესება, ასევე მრავალი მიზეზი არსებობს, მაგრამ ერთერთი მიზეზი არის დიაბეტი. ამიტომ თუ ტელევიზორს ნელ ნელა უფრო და უფრო მაღალ ხმაზე უსმენთ აუცილებლად მიიტანეთ ეჭვი და გამორიცხეთ დიაბეტი. ჯანმრთელობის ნაციონალური ინსტიტუტის კვლევებით სმენის გაუარესება დიაბეტის წინარე ნიშანი შეიძლება იყოს. 30 % უფრო იმატებს დიაბეტის განვითარების შანსი , როცა სმენა ქვეითდება.

თუკი მხედველობა შეგისუსტდათ - იგივე ითქმის მხედველობაზეც. ასაკობრივად რა თქმა უნდა შეიძლება ის შესუსტდეს, მაგრამ თუ ყოველ წელს გრძნობთ რომ უფრო და უფრო გიუარესდებათ მხედველობა, შეიძლება დაბეტი იყოს გარეული ამ საქმეში ამიტომ უყურადღებოდ არ დატოვოთ.

თუ თქვენი კანი იცვლება უარესობისკენ - კანზე ნაოჭები ასაკთან ერთად ჩნდება, მაგრამ თუ თქვენი კანი ხდება უფრო მუქი, უფრო ხაოიანივით/ხავერდოვანივით, განსაკუთრებით კისერზე, იდაყვებში, თითებთან. მაშინ აუცილებლად გაიზომეთ შაქრის დონე სისხლში. კანის ასეთ ცვლილებებს აკანტოზის ნიგრიკანს ეძახიან, რომელიც დიაბეტის ან ინსულინ რეზისტენტობის ერთ-ერთი ნიშანია.

თუ გექავებათ - თუ სხეული უფრო ხშირად გექავებათ ხოლმე, დაბუჟების შეგრძნება, ჭიანჭველების ცოცვის შეგრძნება თუ გაქვთ ხოლმე, აუცილებელია დიაბეტზე მიიტანოთ ეჭვი და განსაზღვროთ შაქრის დონე. ეს სიმპტომები ნეიროპათიის ერთ ერთი ნიშანია, რაც ახასიათებს დიაბეტს და ზოგჯერ დიაბეტის წინარე მდგომარეობასაც.
ასევე გაითვალისწინეთ ეს ნიშნები შეიძლება იყოს, მაგრამ ლაბორატორიულად დიაბეტი ჯერ არ ფიქსირდებოდეს, ამიტომ მაინც გააკონტროლეთ თავი და თქვენი კვება რადგან რაც მალე დაიწყებთ დიაბეტთან ბრძოლას მით უკეთესი შედეგი და ცხოვრების ხარისხი გექნებათ.

power.ge

ლიმონი და სოდა: ძლიერი კომბინაცია, რომელიც 1000 ჯერ უფრო ძლიერია, ვიდრე ქიმიოთერაპია!

Thu, 20 Apr 2017 15:13:11 +0000

ყველამ ძალიან კარგად ვიცით, რომ ლიმონი ყველაზე სასარგებლო ციტრუსია მსოფლიოში, რომელიც ძალიან ეფექტური სამკურნალო საშუალებაა სხვადასხვა დაავადების წინააღმდეგ. მას შეუძლია შეამციროს სტრესი, დაარეგულიროს არტერიულ წნევა, განგკურნოთ სოკოვანი დაავადებისგანა და ბაქტერიულ ინფექციებისგან, ხსნის შიდა პარაზიტებსა და ჭიებს, ასევე ის ითვლება საუკეთესო ანტიდეპრესანტად.
მაგრამ იცით თუ არა, რომ ლიმონი შეიძლება იყოს ეფექტური მებრძოლი კიბოს წინააღმდეგ?
ლიმონი მდიდარია ძლიერი კიბოს საწინააღმდეგო თვისებებით. მას შეუძლია თითქმის ნებისმიერი სახის კიბოს უჯრედების წინააღმდეგ ბრძოლა, რაც მრავალმა კვლევამ დაადასტურა.
უფრო ძლიერი ეფექტის მიღება შეგვიძია საცხობი სოდისა და ლიმონის გაერთიანებით, რადგან სოდას შეუძლია pH-ს ნორმალიზება ორგანიზმში. ამ ძლიერ კომბინაციას შეუძლია გაანადგუროს ძალიან ეფექტურად კიბოს უჯრედები, ჯანმრთელობის დაზიანების გარეშე.
მას არ გააჩნია გვერდითი მოვლენები, როგორც ვრცელდება ქიმიოთერაპიის შემდგომ. მიზანშეწონილია გამოიყენოთ ორგანული ლიმონი, რადგან ის 100-ჯერ უფრო ეფექტურია, ვიდრე ქიმიური სასუქით გამდიდრებული ლიმონი.

ასევე არსებობს რამდენიმე მნიშვნელოვანი ფაქტორი, რომლის შესრულების შემთხვევაში შევინარჩუნებთ იდეალურ рН-ს ორგანიზმში.

1. თქვენი რაციონის 80%-ს უნდა შეადგენდეს ახალი ხილი და ბოსტენული. განსაკუთრებით ბოსტენული, როგორიცაა ისპანახი და კომბოსტო.
2. დარწმუნდით, რომ თქვენ სვამთ მინიმუმ ნახევარ ლიტრ გამოხდილ წყალს ყოველდღე.
3. ეცადეთ შეამცრიოთ სტრედი და დაძაბულობა.

შესაძლოა ეს ჟღერდეს წარმოუდგენლად, მაგრამ ამ საშუალებას შეგვიძლია ვუწოდოთ კიბოს “მკვლელი”, რადგან ის 1000 ჯერ უფრო ეფექტურია, ვიდრე ქიმიოთერაპია!

თქვენ დაგჭირდებათ:

1. ერთი ჩაის კოვზი საცხობი სოდა
2. ერთი ლიმონის წვენი
3. 240მლ გაფილტრული წყალი

მომზადება და გამოყენება:
საჭიროა აურიოთ ყველა ინგრედიენტი და გამოიყენოთ ეს სასმელი მინიმუმ სამი დღის განმავლობაში.

რა მოხდება თქვენს ორგანიზმში თუ ყოველდღიურად მწვანე ხახვს შეჭამთ

Fri, 31 Mar 2017 05:24:20 +0000

მწვანე ხახვი უძველესი დროიდან გამოიყენება, ის საუკეთესო მკურნალი საშუალებაა და მას ამ კუთხით ხშირად იყენებდნენ.
მწვანე ხახვს უნიკალური თვისებები გააჩნია, ის მკურნალობს უამრავ დაავადებას და თავიდან აგაცილებთ ჯანმრთელობასთან დაკავშირებულ პრობლემებს.

მწვანე ხახვის ყოველდღიური მიღებით თქვენ თავიდან აიცილებთ:
1)კუჭ-ნაწლავის პრობლემებს
2) სპაზმებსა და ღებინებას
3) გრიპსა და ცხელებას
4) სახსრებისა და წელის ტკივილს
5) რევმატიზმს
6) ქრონიკულ დაავადებებს

საუკეთესოა მისი ნედლად ჭამა, ხოლო სამკურნალოდ გამოიყენეთ მწვანე ხახვის ნახარში, დალიეთ ყოველ 8 საათში.

new.lider.ge

როგორ უნდა დაშალოთ კისრის მარილები მარტივად? მრავალჯერნაცადი მეთოდია

Fri, 31 Mar 2017 05:12:37 +0000

მარილები წლების გასვლის შემდეგ ბევრი ადამიანისთვის პრობლემას წარმოადგენს. კისერთან მარილების დაგროვება ძალიან უსიამოვნო და მტკივნეულია, გარდა ამისა ის ხელს უშლის აზროვნების პროცესს და ამ დროს ადამიანს ხშირად აქვს ყურებში გამუდმებული ხმაურის შეგრძნება, ამიტომ გირჩევთ, ამ რეცეპტის დახმარებით პრობლემა მარტივად გადაჭრათ.

თქვენ დაგჭირდებათ:

კარტოფილი;
თაფლი;
ნაძვის ზეთი.

მომზადების წესი:

1. უმი კარტოფილი დააქუცმაცეთ და პროპორციით 1:1 თაფლს შეურიეთ.

2. ნაზავი დაიდეთ მტკივან ადგილას და შეიხვიეთ.

3. კომპრესი სხეულზე გაიჩერეთ 2 საათის განმავლობაში. მისი მოშორების შემდეგ კი პრობლემური ადგილი დაიმუშავეთ ნაძვის ზეთით.

მკურნალობის კურსის ხანგრძლივობა არის 7-10 დღე.

pres.ge

4 ჩვევა, რომელიც სჯობს, რომ დაივიწყოთ საღამოს 9 საათის შემდეგ

Fri, 31 Mar 2017 05:10:03 +0000

ვერაფერი შეცვლის კარგ და ჯანმრთელ ძილს, მაგრამ მისი გაფუჭება შეუძლია 4 ჩვევას, რომლებზე უარის თქმაც ბევრ ჩვენგანს ძალიან უჭირს. არადა, მოგიწევთ.

აი, 4 მავნე ჩვევა, რომელიც საღამოს ნორმალურ დასვენებაში ხელს შეგიშლით.

სიგარეტი

კვლევებმა აჩვენა, რომ ადამიანები, რომლებიც ძილის წინ სიგარეტს ეწევიან, მეორე დილით დაღლილობის შეგრძნებით იღვიძებენ. გარდა ამისა, მწეველებს არ შეუძლიათ დატკბნენ მეორე ნახევრის სითბოთი ძილის წინ: ნიკოტინი აქვეითებს ჰორმონის, სეროტონინის გამოყოფას, რაც სასიამოვნო შეგრძნებებს იწვევს.

ხორცი ძილის წინ

თუ გსურთ, მშვიდად გეძინოთ და არ იხვრინოთ ღამით (რაც, არც ისე უსაფრთხოა), ღამით ნუ შეჭამთ ხორცს. ეს მძიმე საკვები შეიცავს ბევრ ცხიმსა და ცილას: იმისათვის, რომ ხორცი ორგანიზმმა გადაამუშაოს, კარგად უნდა იმუშაოს, ღამე კი სამუშაოდ და კალორიების დასაწვავად საუკეთესო დრო ნამდვილად არ არის.

ვიწრო ტანსაცმელი

ზედმეტად ვიწრო ტანსაცმელს შეუძლია დაარღვიოს სისხლის მოძრაობა და ორგანიზმში ჰაერის ცირკულაცია, რაც სხეულის ტემპერატურის მაღლა აწევას იწვევს, ხოლო სეროტონინის დონეს დაბლა სწევს. ამიტომაც

დაძინებამდე რამდენიმე საათით ადრე რეკომენდებულია პიჟამის ჩაცმა.

ხოლო ძილი – საერთოდაც შიშვლად ჯობია.

რძე

ითვლება, რომ რძე – კალცისა და ცილის საუკეთესო საბადოა, მაგრამ პრობლემა იმაშია, რომ ეს სასმელი ბევრ ლაქტოზასაც შეიცავს (ცილა, რომელსაც ზრდასრული ადამიანის ორგანიზმი რთულად შეითვისებს). მაგრამ კიდევ უარესია, რომ ეს ნივთიერება სისხლში შაქრის შემცველობას მაღლა სწევს, რის გამოც ღამით რამდენჯერმე გაგაღვიძებთ.

ერთი სიტყვით, თუ გსურთ, ბოლოს და ბოლოს, ნორმალურად გამოიძინოთ, გირჩევთ, მისდიოთ ამ რეკომენდაციებს.

pres.ge

აი რა სარგებლობა მოაქვს ვაშლის ძმარს ჩვენი ჯანმრთელობისთვისა და სილამაზისთვის

Fri, 31 Mar 2017 05:07:24 +0000

თქვენ ალბათ ფიქრობთ, რომ ეს უკანასკნელი არ გჭირდებათ, რადგან საყვარელი კოსმეტიკური ხაზი გაქვთ.

სინამდვილეში ეს უკანასკნელი შეიცავს უამრავ ტოქსიკურ ნივთიერებას და აქვს მხოლოდ ერთი გამოყენება.

1 ბოთლი ვაშლის ძმარი კი ამდენ რამეში მოგემსახურებათ:

#1 – ასაკისგან გამოწვეული ლაქების მოშორება

დრო საშინელებაა. ის არა მარტო გაბერებთ, არამედ „გალაქავებთ“ კიდევაც. მათი მოშორება ვაშლის ძმრით შეგიძლიათ. ბამბა მასში ცოტათი ჩაასველეთ და დაიტანეთ ლაქებზე. გაიჩერეთ 30 წუთით, შემდეგ კი ჩამოიბანეთ და გაიმშრალეთ. ეს პროცედურა დღეში 2-ჯერ გაიმეორეთ. რამდენიმე კვირაში ცვლილებას შეამჩნევთ.

#2 – აკნეს მკურნალი

არ აქვს მნიშვნელობა ტინეიჯერი ხართ თუ ზრდასრული, აკნე ნებისმიერს შეიძლება დაგვემართოს.

ვაშლის ძმარი აშორებს ზიანის მომტან ბაქტერიას. სახე დაიბანეთ, გახსენით ვაშლის ძმარი წყალში პროპორციებით 1:3. ჩაასველეთ ბამბა ამ მიქსტურაში, დაბანილ სახეზე დაიტანეთ. გაიმეორეთ დღეში ორჯერ.

#3 – ნაოჭები შემცირება

ვაშლის ძმარი ბეტა კაროტინს შეიცავს. ეს უკანასკნელი ანტიოქსიდანტია, რომელიც ებრძვის ნაოჭებს.

ვაშლის ძმარი გააზავეთ წყალში პროპორციებით 1:3, ჩასველეთ ბამბა და დაიტანეთ ნაოჭებზე.

#4 – აშორებს ტოქსინებს

კომერციული სილამაზის პროდუქტებისგან თქვენ სახეზე უამრავი ტოქსიკური ნივთიერება გრჩებათ. მათი მოშორება მარტივია.

ვაშლის ძმარი შარდმდენია. ის ხელს უწყობს ორგანიზმიდან ტოქსინების გამოსვლას.

თუ მგრძნობიარე კანი გაქვთ, იცოდეთ, რომ ვაშლის ძმრის მიქსტურას შეუძლია თქვენი დაწვა. როცა წყალში გააზავებთ, პატარა ტესტირება ჩაატარეთ. ხელზე პატარა ადგილას მოისვით. თუ ის არ აგეწვათ, ესეიგი ვაშლის ძმრის გამოყენება ჩვეულებრივ შეგიძლიათ. თუ აგეწვათ, დაამატეთ იმდენი წყალი, სანამ ტკივილს აღარ იგრძნობთ.

pres.ge

5 ცუდი ჩვევა, რომელიც ფარისებრი ჯირკვლის დაავადების დროს უნდა დავივიწყოთ!

Fri, 31 Mar 2017 05:04:58 +0000

ამერიკული ფარისებური ჯირკვლის ასოციაციის მიხედვით, ამერიკის მოსახლეობის 12 %-ზე მეტი ფარისებური ჯირკვლის გარკვეულ დაავადებებს განიცდის. ამ დაავადებას შეუძლია გამოიწვიოს ძილის, ხასიათის, მეტაბოლიზმისა და მეხსიერების დარღვევა. საბედნიეროდ, ცხოვრების წესის დარეგულირებით, თქვენი მდგომარეობის მართვა შეგეძლებათ.

თუ ფარისებური ჯირკვლის რომელიმე დაავადება გაწუხებთ, ეს 5 ცუდი ჩვევა, მდგომარეობას გაგიუარესებთ.

ჩვევა #1 – იყოთ მუდმივად სტრესის ქვეშ

სტრესი და ფარისებრი ჯირკვლის დაავადების ტანდემი წარმოქმნიან ისეთ სიმპტომს, როგორიცაა ხანგრძლივი მეხსიერების გაუარესება. სტრესი ზუსტად ასე მოქმედებს ფარისებრი ჯირკვლასა და ჰორმონების სეკრეციაზე.

ჩვევა #2 – მოწევა

1995 წელს კვლევებმა აღმოაჩინეს, რომ მოწევა ზრდის ფარისებრი ჯირკვლის დაავადებისგან გამოწვეულ პრობლემებს. ციანიდი (რომელსაც სიგარეტი შეიცავს) აჩერებს გლანდებს ჰორმონების სინთეზირებისგან . ამას ასევე თქვენი ღვიძლის დაზიანებაც შეუძლია.

ჩვევა #3 – სოიოს ჭამა

სოიოს ჭამა ყველამ უნდა შევწყვიტოთ, განსაკუთრებით იმ ადამიანებმა, ვისაც ფარისებრი ჯირკვლის დაავადება აქვს. სოიო შეიცავს უამრავ კომპონენტს, რომელიც ნეგატიურად მოქმედებს პეპლის ფორმის გლანდზე. ისინი ამცირებენ იოდის მეტაბოლიზმს და ჰორმონების სინთეზირებას.

ჩვევა#4 – უმი ჯვაროსანი ბოსტნეულის ზედმეტი მიღება

ისეთი ბოსტნეულის ჭამა, როგორებიცაა კომბოსტო ფარისებრი ჯირკვლის მუშაობაზე მოქმედებს ნეგატიურად. ის შეიცავს გლუკოსინოლატს, რომელსაც ადამიანის ორგანიზმი გოიტრინად გარდაქმნის. ეს უკანასკნელი კი ჰორმონის სეკრეციას აფერხებს.

ჩვევა #5 – არ მიდიხართ ექიმთან

გასაგებია, რომ დაკავებული ხართ, მაგრამ არასოდეს არ დაგეზაროთ ექიმთან მისვლა. გახსოვდეთ, რომ თქვენი ჯანმრთელობა მნიშვნელოვანია!

pres.ge