მჭადი (სამარხვო)



mchadi samarxvo
3 ჩაის ჭიქა გაცრილი სიმინდის ფქვილი ჩავყაროთ ჯამში, დავასხათ 1,5 ჩაის ჭიქა თბილი წყალი და მოვზილოთ ცომი.

მრგვალი ტაფა დავდგათ ცეცხლზე, როცა გაცხელდება დავდოთ ცომი, ხელით მოვასწოროთ, დავახუროთ სახურავი და ვაცხოთ ნელ ცეცხლზე. ერთი მხარის გამოცხობის შემდეგ გადავაბრუნოთ და თავღია დავტოვოთ. როცა გამოცხვება, სუფრაზე მივიტანოთ ცხელ–ცხელი.

მჭადის ასეთივე ცომისაგან შეიძლება პატარ–პატარა მოგრძო ფორმის მჭადების გამოცხობაც.

ლობიანი მჭადი

500 გრამი სიმინდის ფქვილისაგან მოვამზადოთ ცომი. 200 გრამი წითელი ლობიო მოვხარშოთ, გავწუროთ, შევკაზმოთ ხახვით, ზეთით, ქინძით, ოხრახუშით, მარილით. კარგად ავზილოთ ხელით. ცომი გავშალოთ ერთი თითის სისქეზე, დავადოთ ზედ შეკმაზული ლობიო და ზევიდან ისევ ცომი დავაფაროთ, შევასწოროთ, რომ ლობიო არ ჩანდეს. გამოვაცხოთ კეცზე ან ტაფაზე.
































ტექსტის სანახავად გაიარეთ რეგისტრაცია.