ბადრიჯანი შემწვარი ხახვით

საჭირო ინგრედიენტები:

ბადრიჯანი – 1 ცალი;
ხახვი – 1 ცალი;
ღეროვანი ნიახური – 2 ტოტი (სურვილისამებრ);
ნიორი – 2 კბილი;
მწვანილი – ქინძი, ოხრახუში (თითო კონა), ნიახური და კამა – რამდენიმე ღერო;
ზეთი – შესაწვავად;
ხმელი ქინძი – ½ ჩაის კოვზი (სასურველია);
მარილი, ძმარი ან ლიმონი გემოვნებით.

ინვენტარი: ტაფა – ბოსტნეულის შესაწვავად;

მომზადების დრო: 20 -25 წუთი. უფრო გემრიელია მაცივარში ჩაცივებული 1 ან 2 საათით.

მომზადების წესი:

გარეცხეთ და დაჭერით ბოსტნეული: ბადრიჯანი 5-7 მმ სისქის ნაჭრებად; ხახვი ვიწრო სეგმენტებად ან ალყა-ალყა; ნიახური 7-8 სმ სიგრძის ვიწრო ჩხირებად; მწვანილი – წვრილად; ნიორი – დაჭყლიტეთ;
შეწვით ბადრიჯანი; შეწვით ხახვი; ხახვი გადაიტანეთ კულინარიულ ხელსახოცზე ზედმეტი ცხიმის მოსაშორებლად; დაჭერით მწვანილი; დაჭერით ან აკუწეთ ბადრიჯანი (იმერეთში «ბადრიჯნის აკეკვას» ეძახიან). შეურიეთ ხახვი, მწვანილები და ნიორი;
შეკმაზეთ მარილით და ხმელი ქინძით, სურვილისამებრ დაამატეთ ძმარი ან ლიმონის წვენი.