შემწვარი ღვიძლი

მასალა:

500 გრ ღვიძლი, 50 გრ კარაქი, 2 თავი ხახვი, ოხრახუში, ბროწეულის მარცვლები, მარილი - გემოვნებით.

მომზადების წესი:

გასუფთავებული, გარეცხილი ღვიძლი დავჭრათ, მოვაყაროთ მარილი, ამოვავლოთ ფქვილში, შევწვათ ცხელ, ცხიმიან ტაფაში ორივე მხრიდან.
თავი ხახვი დავჭრათ ალყა-ალყა, ოდნავ მოვწვათ ღვიძლის შეწვის შემდეგ დარჩენილ ცხიმში.
შემწვარი ღვიძლი დავდოთ თეფშზე, მასზე მომწვარი ხახვი, მოვაყაროთ ოხრახუში და ბროწეულის მარცვლები. მაგიდასთან შეგვიძლია მივიტანოთ შემწვარ კარტოფილთან ერთად.