მთვარის დიეტა

ამბობენ, რომ ეს მადისთვის ლაგამის ამოსადებად და კილოგრამების სასურველ საზღვრებში მოსაქცევად ყველაზე ადვილი და ქმედითი საშუალებაა.

შემდგენელები გვირჩევენ, ეს დიეტა (სითხეს გამოკლებული მარილი და შაქარი) მხოლოდ ერთხელ თვეში, სავსემთავრეობისას გამოიყენეთ და 2 კილოგრამი თითქოს არც ყოფილაო. და თუ სხვა დღეებში დანაყრებამდე და ყველაფრის დაგემოვნებამდე არ მიხვალთ, წელიწადში 24 კგ-მდე ზედმეტი მასის დაკლებას შეძლებთ.

სავსემთვარეობის დროს
მთვარის ენერგია მხოლოდ ოკეანის წყლის მოქცევას კი არ იწვევს, ჩვენს ორგანიზმში არსებულ სითხეზეც მოქმედებს. ადამიანის სხეული 80%-ით წყლისგან შედგება, ამიტომ ბუნების კანონსაც ემორჩილება. სავსემთვარეობისას წყალი ორგანიზმიდან გაედინება, თუ მას არ აკავებთ მშრალი საკვებით, არ სვამთ ტკბილ, მარილიან ან ალკოჰოლურ სასმელს. წონაში არ მოვიმატებთ თუ ინტუიციურად სავსემთვარეობამდე და მის დროს ნაკლებს შევჭამთ. სავსემთვარეობის შემდეგ მადა თავისთავად ძლიერდება – ეს გარდაუვალია, მაგრამ რადგან მთვარე ამ დროს იკლებს, თქვენი წონა არ იმატებს.

ახალმთვარეობიდან სავსემთვარეობამდე
მთვარის ზრდის პერიოდი ძალიან კარგია ორგანიზმის გასაძლიერებელი პროცედურებითვის, ვიტამინური და მედიკამენტური თერაპიისთვის. ორგანიზმი უფრო ადვილად ითვისებს მიღებულ საშუალებებს, ბალახეულ ნაყენებს და ნახარშებს. ამ დღეებში ნაკლებად იგრძნობა ტკივილი და ქირურგიული ჩარევისთვის რეკომენდებული პერიოდია.

სავსემთვარეობიდან ახალმთვარეობამდე
როცა მთვარე მცირდება და ილევა, ორგანიზმის გასუფთავების ბუნებრივი პროცესი იწყება. ეს საუკეთესო დროა გამაახალგაზრდავებელი და გამაჯანსაღებელი პროცედურებისთვის. უფრო ადვილია შლაკების ორგანიზმიდან გამოძევება, მავნე სუბსტანციებისა და ელემენტების მოშორება, რომლებიც ორგანიზმში საკვებთან ან სასმელთან ერთად მოხვდა. და რადგან ყველაზე მეტი “სიბინძურე” ცხიმოვან ქსოვილში გროვდება, მისი გამოყოფაც ორგანიზმიდან ცხიმთან ერთად ხდება.

ახალმთვარეობის დღეს
ამ დღეს შიმშილობა ჯანმრთელობისთვის ძალიან მარგებელია. ბევრი დაავადებისგან დამცველია. შეზღუდვის გარეშე შეიძლება სხვადასხვა სასმელის – რძის, ბალახის ნახარშის, მინერალური წყლის – დალევა, ოღონდ არ უნდა შეიცავდეს შაქარსა და მარილს. თხევადი დიეტა აჩქარებს და აუმჯობესებს ნივთიერებათა ცვლას. ეხმარება ადამიანს იმ წონის შენარჩუნებაში, რომელსაც სავსემთვარეობის დროს “მიაღწია”.

სავსემთვარეობის დროს: უჯრეთშორისი სივრციდან წყალი უჯრედის შიგნით “შედის”, ხოლო ახალმთვარეობის დროს პირიქით: წყალი უჯრედებიდან ქსოვილებში გადაინაცვლებს. ადამიანს შეუძლია ეს ფაქტი სათავისოდ გამოიყენოს, თუ პერიოდულად სწორედ ამ დროს დაიცავს დიეტას, ამით წყლის გადაადგილების პროცესს გააძლიერებს, გარეცხავს და გაასუფთავებს ორგანიზმს, დაეხმარება ცხიმის დაშლას (ლიპოლიზს) და ტოქსინების გამოყოფას. ამას მოახერხებს უმარილო და უშაქრო სითხისა და ხილ-ბოსტნეულის მიღებით. სითხეზე დაფუძნებული დიეტა კი ჭარბი სითხის უჯრეთშორისი სივრციდან გამოთავისუფლებასაც დაეხმარება და არ დააგროვებს ორგანიზმში.

ასეთი ერთჯერადი დიეტის უპირატესობა ის არის, რომ არღვევს რა ჩვეულ რაციონს, აფხიზლებს ორგანიზმს და ეხმარება მას სრულად გამოიყენოს ფერმენტების რეზერვი, რომელიც აუცილებელია საკვების გადამუშავებისა და ათვისებისთვის.

მთვარის დიეტის თითოეული ვარიანტი (ორიდან) ორნაირ რეჟიმშია შესაძლებელი: მოკლე რეჟიმი (24 საათი სავსემთვარეობისთვის და 36 ახალმთვარეობისთვის) და გაფართოებული (6 დღემდე).

უკუჩვენებები: ადამიანს არ უნდა ჰქონდეს ნივთიერებათა ცვლის დაავადება, დიაბეტი, ან სისხლის შედედების დარღვევები.