მიშო დადიანის ლექსი

misho dadianis leqsi
***
ყურების ორთქლმავალს, კედლების სიმშვიდე-წყალივით დავუსხი,
საღამო ობობის მოქსოვილ წინდაში-მდუმარედ გაება,
ქალაქი, გარაჟში- აყენებს თავის თავს.შუა დღის ბახუსი-
-დაღლილი კაცივით, უგანო ბილიკზე-ღიღინით დაეშვა.
ჩვენ ახლა ვზივართ და არაფერს ვაკეთებთ, უბრალოდ გაჩუმდი,
შეხედე გარედან-
-სამყარო თამბაქოს
ჩამწვარი ღერია,
და ყველა კითხვაზე, (ვხვდები რომ) შენს მიერ, ჩემდამი დასმული,
მე ასე მარტივად- გეტყვი რომ (ძვირფასო) პასუხი-ღმერთია.