ჰერაკლეოპოლისელი მეფე - Herakleopoliseli mefe
⏱️ 1 წთ.
👁️ 4
100%
რა არის ქვეყნად კაცი უმტერო, მილიონთა შორის, რჩეულთა ბრძენი მბრძანებელი.
ქების ღირსია გარჯა მომავლისთვის, შორსმჭვრეტელის პატივსა სცემენ, სულმოკლე კი განწირულია სიძულვილისათვის.
შესაბრალისია მიწის დახარბებული კაცი. სულელია არასმქონე, შურით რომ უმზერს მქონებელს.
ღარიბი მართალს არ ამბობს, რამეთუ სხვათა ქონებას დახარბებული კაცი ტყუის.
ულმობელია ბრძენი ბრალმდებელი.
ნუ გამოარჩევ დიდებულს უბირისაგან, არამედ დაიახლოვე ადამიანი, უნარიანი და ხელოვანი ყოველ საქმეში.
არ დაანგრიო სხვათა ძეგლები, არ აიშენო სამარხი სხვათა სამარხების ნამუსრევი ქვით, საკუთარი ქვა გამოკვეთე, გახსოვდეს : დიდსულოვნება მეფეთა სამკაულია.
დაამშვენე შენი მოსასვენებელი სამართლიანობითა და სიმართლის სიყვარულით. გულთბილად ხვდებიან მრისხანესაც, თუ გულმართალია, მაგრამ არც ძალუმ ხარს დაინდობენ, თუ უსამართლობას სჩადის.