ღომი
1 ჩაის ჭიქა დაღერღილი სიმინდი ჩავყაროთ ქვაბში, დავასხათ 4 ჭიქა წყალი და ვხარშოთ, სანამ კარგად არ მოიხარშება. შემდეგ ჩავყაროთ შიგ ცოტა სიმინდის ფქვილი, დავზილოთ, დავდგათ ნელ ცეცხლზე და ვშუშოთ, სანამ ფქვილის სუნი არ მოშორდება.
ბრინჯის ღომი
1 ჩაის ჭიქა ბრინჯი გავარჩიოთ, კარგად გავრეცხოთ, დავასხათ 4–5 ჭიქა წყალი, დავდგათ ნელ ცეცხლზე და ვხარშოთ, სანამ ბრინჯი კარგად არ ჩაიხარშება. შემდეგ ჩავაყაროთ შიგ ცოტა სიმინდის ფქვილი, დავზილოთ და ნელ ცეცხლზე ვშუშოთ, სანამ ფქვილის სუნი არ მოშორდება.
ჩავასხათ ქვაბში წყალი, ჯერ კიდევ ადუღებამდე ჩავყაროთ სიმინდის ფქვილი, იმდენი, რომ წყალმა მიიღოს ფქვილის ფერი. როცა წყალი ადუღდება, ქვაბში ჩავაზილოთ სიმინდის ფქვილი და სურით ვურიოთ სწრაფად. კარგად რომ ჩაიზილება, ვშუშოთ დაახლოებით ნახევარი საათი; კიდევ კარგად ჩავზილოთ, ცოტა ხანს გავაჩეროთ ცეცხლზე და ამოვიღოთ თეფშზე წყალში ამოვლებული ჩოგნით. ფქვილის ჩაზელის შემდეგ წყლის ღამატება აღარ შეიძლება.
ელარჯი
მოვხარშოთ ღომი ჩვეულებრივი წესით; მერე გადმოვიღოთ ცეცხლიდან, ჩავყაროთ შიგ თხელ ნაჭრებად დაჭრილი ჭყინტი ყველი ან ახლად ამოყვანილი სულგუნი. სურით კარგად ავურიოთ, დავდგათ ისევ ცეცხლზე და ვურიოთ, სანამ ყველი კარგად არ ჩაიზილება ღომში.
ჩემქვა
ქვაბში ჩავასხათ რძე და ავადუღოთ. მერე ჩავყაროთ შიგ თხელ ნაჭრებად დაჭრილი ყველი და სწრაფად დავიწყოთ სურით დაზელვა, სანამ ყველი კარგად არ ჩაიქნება. ამის შემდეგ ჩავყაროთ შიგ წმინდად გაცრილი სიმინდის ფქვილი და თან ვურიოთ, კარგად დავზილოთ და ნელ ცეცხლზე გავაჩეროთ რამოდენიმე წუთი, რომ კარგად მოიშუშოს. ჩემქვა ღომის სისქისა უნდა იყოს.
|
|
|
|
|
|
|
|
|
|
|
|
