გიყვარდეთ ერთმანეთი, ამას გთხოვთ დედა.
იყავით ამაყნი, მხოლოდ ზომიერნი,
ნამდვილად დამიჯერებთ, თვალნათლივ ვხედავ...
აკეთეთ საქმენი წინდახედულად,
იფიქრეთ გონებით და არა გულით,
ასჯერ გაზომეთ და ერთხელ გამოსჭერით,
გიყვარდეთ სამშობლოს ტანჯული სული.
თუ გაგიჭირდათ არ შედრკეთ არასდროს,
ეძებეთ გამოსავალი მშვიდად.
ცხოვრება ეკლიანია და მჯერა ყოველთვის
ჩემს ნათქვამს მოიგონებთ ხშირად...
მე და მამათქვენი მოვუყვებით წუთისოფელს,
ბევრჯერ გაგვიჭირდა კიდეც,
მაგრამ არ შევმკრთალვათ ჩვენი ნებისყოფით,
ცხოვრებას მივყვებით მტკიცედ,
სამაგიეროს გადახდა? – რა კაცის საქმეა,
თუ ვინმემ გაწყენინა შვილო,
მოიქეცი ისე, რომ სიკეთე აჩვენო,
ბოდიში მოგიხადოს თვითონ.
გიყვარდეს სამშობლო და შენი ერი!
პატივი მიაგე ყველას,
შენს სისხლს და ხორცს თუ რამე ეტკინა,
მყის დაუდექი მცველად.
ძმას თუ გაუჭირდა – და მიეხმაროს,
დას თუ გაუჭირდა – ძმა.
მე გავიგონებ სასუფეველში
მოგწვდებათ მადლობის ხმა.
წუწუნი? – რა კაცის ხელობაა!
ვერავინ ვერ გიშველის მაგით,
გუნებას წაუხდენთ მსმენელს და გამგონელს,
ნდობას დაჰკარგავთ ამით.
ნურც იტრაბახებთ წარმატებებით,
აკეთეთ საქმენი წყნარად,
ღმერთი დაინახავს თქვენს კეთილ ქცევას,
არავინ დაგრჩებათ მწყრალად.
დედა გთხოვთ ამას, კიდევ და კიდევ,
იყავით მტკიცენი შვილო,
სანთელ საკმეველი გზას არ დაჰკარგავს,
დიდი ილია თვლისო“.
თამარ გორთამაშვილი