ერუშეთის ქედი
ერუშეთის ქედი, ტექტონიკურ-ვულკანური ქედი სამხრეთ საქართველოს ვულკანური ზეგნის დასავლეთ ნაწილში. ვრცელდება თურქეთის ტერიტორიაზეც. აგებულია ნეოგენური გოდერძის წყებით - ლავებითა და ტუფებით. ლავათა შემადგენლობა ცვალებადობს ბაზალტიდან ანდეზიტ-დაციტამდე. უმაღლესი მწვერვალი ზიარეთი თურქეთშია. საქართველოს ნაწილის უმაღლესი მწვერვალთა გუმბათი (2964 მ). ერუშეთის ქედი დანაწევრებულია მტკვრის მარცხენა შენაკადების ხეობებით. მაღალი მთებია: გუმბათი, ვანისმთა, შუაკარავი და ღრმანი. ატარებს მეოთხეული გამყინვარების ნიშნებს, 2000 მ სიმათლემდე შემოსილია შერეული ტყით, თხემური ზონა სუბალპური და ალპური მდელოეებს და მდელო-სტეპებს უკავია.
×