ხორნაული ვაჟა - Khornauli Vaja
⏱️ 1 წთ.
👁️ 2
100%
ქალში სიძულვილი არაა - ან უყვარხარ, ან წაშლილი ფერი ხარ მისთვის.
სივრცის რომელიღაც მხარეში ექოები იყრიან თავს და ახალი სიმღერა იბადება.
ჩვილმა თვალები გაახილა და ორი ვარსკვლავი დაინახა და მერე,მთელი ცხოვრების მანძილზე, უფრო მშვენიერი ვარსკვლავები არც ერთ ცაზე არ შეუმჩნევია.
ხანდახან ისე შეხმატკბილებულად მღერიან სიცოცხლე და სიკვდილი, რომ შენც ამღერდები და გული ემსგავსება მტრედს, ტაძრის გუმბათიდან სივრცეში აფრენილს.
]შვილს რომ მკლავებზე გადაიწვენს, დედა ჯვარს ემსგავსება-ეს ჯვარი გადაარჩენს სამყაროს.
სიკვდილის წინ იხილა სასწაული, მაგრამ გულმა გაოცება ვეღარ მოასწრო.
რაღა ჩემი ჯიბე და რაღა მერცხლის ბუდე ზამთარში.
მამაკაცი და დედაკაცი:
ერთი უფრო მაღლა დაფრინავს,
ერთი უფრო ლამაზად ანათებს.
ეს ქვეყანა უბეა უფლისა და ჩვენ ამ უბეში ერთმანეთის წყაროებს შევხარით.