ფრანგული დიეტა



მოხდენილი გარეგნობისთვის თუ ფრანგი სპეციალისტების რჩევებს გაითვალისწინებთ, წონაში დასაკლებად შიმშილი არ მოგიწევთ. მათი დაცვა ძალიან ადვილია. მაშ ასე:

უარი თქვით ცხიმიან, მარილიან და საფუვრიან პროდუქტებზე

სამაგიეროდ, კვების რაციონში ჩართეთ დიდი რაოდენობით ახალი ხილი და ბოსტნეული, რომლებიც მდიდარია ვიტამინებით, მინერალებით, ცილებითა და ნახშირწყლებით. გახსოვდეთ, რომ ნახშირწყლების გადამუშავებისას იმაზე მეტი კალორია იწვება, ვიდრე ჩვენი ორგანიზმი ვახშმიდან ითვისებს.

ასევე აუცილებელია დილით საუზმე, თუნდაც მხოლოდ იმიტომ, რომ საღამოს ჩვეულებრივზე უფრო მეტი არ ჭამოთ. ამიტომ სასურველია, დილით ორგანიზმი კალორიებით 20%-ით მაინც მოამარაგოთ. დილა შეგიძლიათ ხილით ან ბოსტნეულის სალათით დაიწყოთ.

ძალიან პოპულარული და სასარგებლოა სილამაზის ფრანგული სალათი, რომელიც შემდეგნაირად შეგიძლიათ მოამზადოთ: აიღეთ 3 სუფრის კოვზი შვრია, დაასხით მცირეოდენი ადუღებული წყალი და 1 საათის განმავლობაში გააჩერეთ.

შემდეგ ერთი სუფრის კოვზი რძე ან იოგურტი, ერთი სუფრის კოვზი თაფლი და ერთი ცალი გახეხილი ვაშლი დაუმატეთ. ყველაფერი კარგად აურიეთ და ლიმონის რამდენიმე წვეთი დაასხით.

ნუ იტყვით უარს წვნიანებზე

დიეტოლოგების აზრით, წვნიანით ჭამის დაწყება მადას კლავს. თუ ერთ თეფშ ნაკლებცხიმიან წვნიანს მიირთმევთ, მალე დანაყრდებით და, რაც მთავარია, ორგანიზმიც ნაკლებ კალორიას აითვისებს. ასევე კარგია "სუპპიურე" - ბოსტნეულის ნახარში. იგი სასარგებლოცაა და მხოლოდ 70 კალორიას შეიცავს.

ნუ იტყვით უარს პურზე

დიეტოლოგები ამტკიცებენ, რომ წონაში მომატების მიზეზი, როგორც ხშირად გვგონია, სულაც არ არის პური. უბრალოდ, პურზე წასმული კარაქის სქელი ფენა, ჯემი, ლორი და ძეხვი იწვევს წონაში მატებას. ამიტომ თქვენი ორგანიზმისთვის უმჯობესია, თუ კვებით რაციონში ჩართავთ თევზის, ხილისა და ბოსტნეულის ბუტერბროდებს.

კვირაში ერთი დღე მხოლოდ ხილი

ამგვარი განტვირთვა ამაღლებს განწყობას, ააქტიურებს ორგანიზმში ნივთიერებათა ცვლის პროცესს და თან ცხიმებსაც წვავს. ასევე, ახალი ხილი შეიცავს დიდი რაოდენობით მკვებავ ნივთიერებებს, რომლებიც აგაცილებთ შიმშილის გრძნობის თანმდევ სიმპტომებს: თავბრუსხვევას, სისუსტეს, ძილიანობას.

ვაშლის დღე: მიიღეთ 1 კილოგრამი მწვანე ვაშლი, 2 ჩაის ჭიქა ყავა ან ჩაი - თქვენი სურვილის მიხედვით, მხოლოდ უშაქროდ.

გრეიპფრუტის დღე: 2 ცალი გრეიპფრუტის რბილობი და 2 ჩაის ჭიქა მინერალური წყალი გაანაწილეთ და მთელი დღის განმავლობაში მხოლოდ ეს მიიღეთ
































ტექსტის სანახავად გაიარეთ რეგისტრაცია.